2 ImiLando 18:5 - iBhayibhili Elingcwele 1978

⁵ Inkosi yakoIsrayeli yasibuthanisa abaprofethi baba ngamakhulu amane, yathi kubo: Ngiyehlasela iRamothi‐Gileyadi kumbe ngingayi na? Bona bathi: Hamba, ngoba iNkosi uNkulunkulu izalinikela esandleni sakho.

IBhayibhili Elingcwele LesiNdebele

⁵ Ngakho inkosi yako-Israyeli yasibuthanisa abaphrofethi, amadoda angamakhulu amane, yababuza yathi, “Siphume impi siyehlasela iRamothi Giliyadi, loba ngizithibe na?” Bayiphendula bathi, “Hamba, ngoba uNkulunkulu uzayinikela esandleni senkosi.”

2 ImiLando 18:5 ပူးပေါင်းရင်းမြစ်များ

1 AmaKhosi 12:9

Wathi kuwo: Lithi sibaphendule sithini lababantu abathe kimi: Ake uphungule ubunzima esabethweswa nguyihlo?

1 AmaKhosi 18:19

Ngakhoke thumela ilizwi, ubuthanise wonke uIsrayeli entabeni iKarmeli, labaprofethi bakaBali abangamakhulu amane lamatshumi amahlanu labaprofethi bakankulunkulukazi uAshera abangamakhulu amane abadlayo etafuleni kaJezebeli.

1 AmaKhosi 4:13

uBeni‐Geheri wayephethe iRamothi‐Gileyadi kanye lemizi kaJayiri indodana kaManase eGileyadi, laselizweni eArigobi eliseBashani, imizi engamatshumi ayisithupha ebiyelweyo elemigoqo yethusi;

2 AmaKhosi 3:13

UElisha wathi enkosini yakoIsrayeli: Ufunani kimi na? Hamba kubaprofethi bakayihlo labakanyoko. Kodwa inkosi yakoIsrayeli yathi kuye: Atshi, yiNkosi uNkulunkulu ehlanganise lamakhosi amathathu ukuwanikela ezandleni zamaMowabi.

2 ImiLando 18:14

Esefilike enkosini, uAhabi yathi kuye: Mikaya, siyehlasela iRamothi‐Gileyadi kumbe singayi na? Yena wathi kuyo: Hambani, lizanqoba; bazanikelwa ezandleni zenu.

2 ImiLando 18:4

UJehoshafati wasesithi enkosini yakoIsrayeli: Akubuze eNkosini uNkulunkulu kuqala.

2 ImiLando 18:6

UJehoshafati wasesithi: Kakukho yini lapha omunye umprofethi weNkosi uNkulunkulu esingambuza na?

UJeremiya 23:14

Kubaprofethi baseJerusalema ngibone okwesabekayo; bayafeba, baqambe amanga, baqinisa izandla zalabo abenza okubi kungasuki muntu ebubini bakhe; bonke sebefana leSodoma kimi, labakhileyo khona bafana leGomora.

UJeremiya 23:16

INkosi yamabandla ithi: Lingawalaleli amazwi abaprofethi abawatshumayela kini belithembisa okuyize, bekhuluma imibono yengqondo zabo, kungesikho okuvela eNkosini.

UJeremiya 23:17

Bahlala besithi kulabo abadelela ilizwi leNkosi: Kuzalilungela lonke; lakubo bonke abalandela inhliziyo zabo ezilenkani bathi: Kaliyikwehlelwa ngokubi.

UJeremiya 42:20

Lizifake engozini ngokungithuma eNkosini, uNkulunkulu wenu, lisithi: Sikhulekele eNkosini uNkulunkulu wethu; lokho iNkosi uNkulunkulu wethu ekutshoyo, sizakukwenza.

UHezekhiyeli 13:22

Ngoba lidabukisile abalungileyo ngamanga, lanxa ngingabadabukisanga mina, lakhuthaza ababi ukuze bangaphenduki endleleni zabo ezimbi, basile.

UMikha 2:11

Uba kuhambahamba umuntu okhuluma umoya lamanga esithi: Ngizalitshumayeza ngewayini lotshwala: uzakuba ngumtshumayeli abamthandayo lababantu.

UMikha 3:11

Inhloko zalo zahlulelela imali, abapristi balo bafundisela inkokhelo, abaprofethi balo bavumisela imali; kanti bathembela eNkosini besithi: INkosi kayikho phakathi kwethu na? Ngakhoke kasiyikwehlelwa ngokubi.

2 uTimothi 4:3

Ngoba isikhathi siyeza lapho bengayikuvuma ukufundisa okuqotho, kodwa ngokwenkanuko zabo bazakuzibuthela abafundisi abakholisa indlebe zabo;

Isambulo 19:20

Isilo sasesibanjwa kanye lomprofethi wamanga owenza izibonakaliso phambi kwaso, aduhisa ngazo labo ababelophawu lwesilo lalabo abakhonza umfanekiso waso; isilo lomprofethi wamanga kwaphoselwa echibini lomlilo elivutha isolufa.