2 ImiLando 18:31 - iBhayibhili Elingcwele 1978

³¹ Kwathi induna zezinqola zokulwa zibona uJehoshafati zathi: Yiyo le sibili inkosi yakoIsrayeli. Zasezimsukela, yena wahlaba umkhosi; iNkosi uNkulunkulu yamsiza. Yazisusa kuye.

IBhayibhili Elingcwele LesiNdebele

³¹ Abalawuli bezinqola zokulwa bathi bebona uJehoshafathi bathi, “Yiyonale inkosi yako-Israyeli.” Ngakho bamphendukela ukuba bamhlasele, kodwa uJehoshafathi wahlaba umkhosi, uThixo wamsiza. UNkulunkulu wabenza baya khatshana laye,

2 ImiLando 18:31 ပူးပေါင်းရင်းမြစ်များ

1 ImiLando 5:20

Athola usizo ekulweni labo, ngoba akhuleka kuNkulunkulu empini, wawanika lokho akucelayo ngoba ayemthemba; amaHagari labo bonke ababelawo banikelwa ezandleni zawo.

2 ImiLando 13:14

Lapho abakoJuda bephenduka bafumanisa ukuba bahlaselwa ngaphambili langemuva; bakhala eNkosini uNkulunkulu, labapristi bakhalisa impondo,

2 ImiLando 13:15

labantu bakoJuda bamemeza isiga sempi; kwathi ekumemezeni kwabo uNkulunkulu wamchitha uJerobowamu labo bonke abakoIsrayeli phambi kukaAbija laphambi kwabakoJuda.

2 ImiLando 14:11

UAsa wakhuleka eNkosini uNkulunkulu wakhe wathi: Nkosi, kakho onjengawe ukuvikela ababuthakathaka kwabalamandla; akusisize, Nkosi Nkulunkulu wethu, ngoba thina sithembele kuwe; ngebizo lakho siphumile ukulwa lalimpi engaka; Nkosi, wena unguNkulunkulu wethu; umuntu angephikisane lawe.

2 ImiLando 18:30

Inkosi yaseSiriya yayilayile izinduna zenqola zayo zokulwa yathi: Lingalwi lamuntu, lilwe lenkosi yakoIsrayeli kuphela.

2 ImiLando 18:32

Lapho izinduna zezinqola zokulwa zibona ukuba kwakungesiyo inkosi yakoIsrayeli, zayekela ukuxotshana laye.

2 ImiLando 26:7

UNkulunkulu wamsiza ukulwa lamaFilistiya, lamaArabiya ayehlala eGuribali, labaseMewuni.

U-Ezra 1:1

Ngomnyaka wokuqala wokubusa kukaKurosi inkosi yasePerisiya, ukuba kugcwaliseke ilizwi leNkosi eyalikhuluma ngoJeremiya, iNkosi yavusa inhliziyo kaKurosi ukuba amemezele embusweni wakhe wonke, alobe futhi athi:

U-Ezra 7:27

UEzra wasesithi: Kayibongwe iNkosi uNkulunkulu wabokhokho eyafaka into enjengale enhliziyweni yenkosi ukuba ithempeli eliseJerusalema libe lodumo,

UNehemiya 1:11

Akubeke indlebe yakho encekwini yakho, uzwe lomkhuleko wezinceku zakho ezithanda ukuhlonipha ibizo lakho, uyiphumelelise inceku yakho lamhla, uyinike isihawu phambi kwenkosi. Ngangingumphathi wezitsha zenkosi ngalesosikhathi.

AmaHubo 118:13

Zangihlasela ngamandla, ngaze ngaphos’ ukuwa; kodwa iNkosi yangisiza.

AmaHubo 34:7

Isithunywa seNkosi siyabavikela labo abayesabayo, sibakhulule.

AmaHubo 46:1

UNkulunkulu uyisiphephelo sethu lamandla ethu, uyafunyaniswa elusizo kakhulu ekuhluphekeni.

AmaHubo 46:11

INkosi yamabandla ilathi, uNkulunkulu kaJakobe uyisiphephelo sethu.

AmaHubo 56:10

KuNkulunkulu olizwi lakhe engilidumisayo, eNkosini elizwi layo engilidumisayo,

AmaHubo 94:17

Uba iNkosi ibingesilo usizo lwami, umphefumulo wami ubuzakuphangisa ukuya elizweni labafileyo.

U-Eksodasi 14:10

Lapho uFaro esesondele, abakoIsrayeli baphakamisa amehlo abo, babona amaGibithe ebalandela, besaba kakhulu. Bakhala eNkosini;

Izaga 16:7

Nxa iNkosi ithokoziswa zindlela zomuntu, iyenza lezitha zakhe zihlalisane kuhle laye.

Izaga 21:1

INkosi iphatha inhliziyo yombusi, imqondisa njengokuthanda kwayo njengokuqondisa kwayo imifula yamanzi.