2 ImiLando 18:16 - iBhayibhili Elingcwele 1978

¹⁶ Yena wathi: Ngabona uIsrayeli wonke echithekile phezu kwezintaba njengezimvu ezingelamalusi; iNkosi yathi: Laba kabalamkhokheli, kabazibuyelele kuhle emakhaya.

IBhayibhili Elingcwele LesiNdebele

¹⁶ Ngakho uMikhaya waphendula wathi, “Ngabona abako-Israyeli bonke behlakazekile emaqaqeni njengezimvu ezingelamelusi, uThixo wathi, ‘Lababantu kabalamkhokheli. Kabazibuyelele emakhaya ngokuthula.’ ”

2 ImiLando 18:16 ပူးပေါင်းရင်းမြစ်များ

2 USamuyeli 2:7

Ngakhoke qinani libe lesibindi; ngoba uSawuli inkosi yenu ufile; abakoJuda sebegcobe mina, ngaba yinkosi yabo.

2 USamuyeli 5:2

Esikhathini esidlulileyo, uSawuli eseyinkosi yethu, nguwe owakhokhela uIsrayeli; iNkosi uNkulunkulu yathi kuwe: Wena uzakuba ngumalusi wabantu bami uIsrayeli, uzakuba ngumbusi wabo.

1 AmaKhosi 22:17

Yena wathi: Ngabona uIsrayeli wonke echithekile phezu kwezintaba njengezimvu ezingelamalusi; iNkosi yathi: Laba kabalamkhokheli, kabazibuyelele kuhle emakhaya.

2 AmaKhosi 10:3

khethani umntwana omuhle lofaneleyo ebantwaneni benkosi yenu, limbeke esihlalweni sobukhosi sikayise, lilwele indlu yenkosi yenu.

2 ImiLando 18:15

Kodwa inkosi uAhabi yathi kuye: Ngizakukufungisa kuze kube kangaki ukuba ungitshele iqiniso lodwa ebizweni leNkosi uNkulunkulu na?

2 ImiLando 18:17

Inkosi yakoIsrayeli yasisithi kuJehoshafati: Kangikutshelanga yini ukuthi kayikukhuluma okuhle ngami kodwa okubi kuphela na?

UHezekhiyeli 34:8

INkosi uNkulunkulu ithi: Ngiyazifunga mina, ngoba izimvu zami seziyimpango, seziyikudla kwazo zonke izilo zeganga, ngoba kungelamalusi, langoba abelusi bami bengazidinganga izimvu zami, kodwa bezondlile bona, bengazelusanga izimvu zami,

UHezekhiyeli 35:4

Ngizachitha imizi yakho, uzakuba yinkangala; uzakwazi ukuba ngiyiNkosi.

UZakhariya 10:2

Ngoba izithombe ezithiwa amaterafi zikhuluma ize, labalumbi babona okungamanga, labaphuphi balandisa amaphupho ayinkohliso, ukududuza kwabo kuyize. Ngakhoke abantu bayahambahamba njengezimvu, bahlupheke ngoba bengelamalusi.

UZakhariya 13:7

Vuka, mkhonto, uvukele umalusi wami, uvukele umuntu ongumngane wami, kutsho iNkosi yamabandla. Tshaya umalusi ukuba izimvu zichitheke; ngizaphendulela isandla sami kwezincinyane.

AmaNani 27:17

ongabahola ekuphumeni kwabo lasekubuyeni kwabo ukuze ibandla leNkosi lingabi njengezimvu ezingelamalusi.

UMatewu 26:64

UJesu wathi kuye: Kutsho wena. Kodwa ngithi kini: Kusukela khathesi lizakubona iNdodana yomuntu ihlezi ngakwesokunene saMandla, isiza ngamayezi aphezulu.

UMatewu 9:36

Esebonile amaxuku, wawahawukela, ngoba ayekhathazekile, ehlakazekile njengezimvu ezingelamalusi.

UMakho 6:34

Kwathi ephuma, wabona ixuku elikhulu, walihawukela, ngoba lalinjengezimvu ezingelamalusi; waqala ukulifundisa izinto ezinengi.