2 ImiLando 18:1 - iBhayibhili Elingcwele 1978

¹ UJehoshafati wayenothile kakhulu elodumo; wenza isivumelwano loAhabi ngokwendiselana laye.

IBhayibhili Elingcwele LesiNdebele

¹ Ngakho uJehoshafathi wayenothe kakhulu njalo ehlonipheka, waba lobunini lo-Ahabi ngokwendiselana.

2 ImiLando 18:1 ပူးပေါင်းရင်းမြစ်များ

1 AmaKhosi 21:25

Kakubanga khona umuntu owazinikela ukwenza okubi phambi kweNkosi njengoAhabi owayekhwezelwa ngumkakhe uJezebeli.

1 AmaKhosi 22:1

Kwaba yiminyaka emithathu kungekho ukulwa phakathi kweSiriya loIsrayeli.

1 AmaKhosi 22:45

Ezinye indaba zikaJehoshafati, lobuqhawe bakhe, lokulwa kwakhe kulotshiwe ogwalweni lwezindaba zamakhosi akoJuda.

2 AmaKhosi 11:1

Kwathi uAthaliya unina kaAhaziya esebonile ukuthi indodana yakhe ifile, wabulala bonke abantwana benkosi.

2 AmaKhosi 8:18

Walandela indlela zamakhosi akoIsrayeli njengendlu kaAhabi, ngoba wayethethe indodakazi kaAhabi. Wenza okubi phambi kweNkosi uNkulunkulu.

2 ImiLando 17:12

UJehoshafati waye lokhu ekhula njalo, waze waba lamandla amakhulu. Wakha koJuda izinqaba lemizi yokugcinela amabele;

2 ImiLando 17:5

Ngakhoke iNkosi uNkulunkulu yawuqinisa umbuso esandleni sakhe, labo bonke abakoJuda bathela kuye; waba lenotho enengi lodumo.

2 ImiLando 18:31

Kwathi induna zezinqola zokulwa zibona uJehoshafati zathi: Yiyo le sibili inkosi yakoIsrayeli. Zasezimsukela, yena wahlaba umkhosi; iNkosi uNkulunkulu yamsiza. Yazisusa kuye.

2 ImiLando 19:2

UJehu indodana kaHanani umboni waphuma ukumhlangabeza, wathi kuye: Kufanele yini ukuba usize ababi, ubathande labo abazonda iNkosi na? Ngenxa yalokhu ulaka lweNkosi luzakwehlela phezu kwakho.

2 ImiLando 20:35

Emva kwalokho uJehoshafati inkosi yakoJuda wazihlanganisa loAhaziya inkosi yakoIsrayeli owayesenza okubi.

2 ImiLando 21:6

Walandela indlela zamakhosi akoIsrayeli njengendlu kaAhabi, ngoba wayethethe indodakazi kaAhabi; wenza okubi phambi kweNkosi.

UMatewu 6:33

Kodwa funani kuqala umbuso wakhe lokulunga kwakhe; ng’khona lezizinto zonke zizakwengezelelwa kini.

2 AbaseKhorinte 6:14

Lingazihlanganisi labangakholwayo, ngoba kulokuhlanganyela ngaphi ukulunga lokungalungi na? Kulokuhlanganyela ngaphi ukukhanya lomnyana na?