2 ImiLando 17:6 - iBhayibhili Elingcwele 1978

⁶ Inhliziyo yakhe yaziqhenya ngendlela zeNkosi; futhi wavala indawo eziphakemeyo zokukhonzela, waqeda lensika ezimiselwe unkulunkulukazi uAshera koJuda.

IBhayibhili Elingcwele LesiNdebele

⁶ Inhliziyo yakhe yayi kuThixo ngokuzinikela okukhulu ezindleleni zakhe; njalo wasusa zonke izindawo zokukhonzela wadiliza lezinsika zikankulunkulukazi u-Ashera koJuda.

2 ImiLando 17:6 ပူးပေါင်းရင်းမြစ်များ

1 AmaKhosi 22:43

Walandela zonke indlela zikaAsa uyise, kaphambukanga kuzo, wenza okulungileyo phambi kweNkosi. Kodwa indawo eziphakemeyo zokukhonzela kazivalwanga; abantu babelokhu benikela imihlatshelo, betshisa impepha endaweni eziphakemeyo.

2 ImiLando 14:2

UAsa wenza okuhle lokulungileyo phambi kweNkosi uNkulunkulu wakhe.

2 ImiLando 14:3

Wasusa wonke ama‐altare ezizwe, wavala lendawo eziphakemeyo zokukhonzela, wadiliza insika zakhona, wagamula insika ezimiselwe unkulunkulukazi uAshera,

2 ImiLando 15:17

Kanti indawo eziphakemeyo zokukhonzela kazivalwanga koIsrayeli; kodwa inhliziyo kaAsa yayiqotho insuku zakhe zonke.

2 ImiLando 19:3

Kodwake kusekhona okuhle okuthile kuwe, ngoba uziqedile insika zikankulunkulukazi uAshera elizweni, wayimisela inhliziyo yakho ukumdinga uNkulunkulu.

2 ImiLando 20:33

Kodwa indawo eziphakemeyo zokukhonzela kazivalwanga; abantu babengazinikeli kuNkulunkulu wabokhokho babo.

2 ImiLando 31:1

Kwathi konke lokho sekuphelile, bonke abakoIsrayeli ababekhona baya emizini yakoJuda, badiliza izinsika zokukhonzela, bagamulela phansi insika zikankulunkulukazi uAshera, bavala indawo eziphakemeyo zokukhonzela, badiliza ama‐altare elizweni lonke lakoJuda lakoBenjamini lakoEfrayimi lakoManase, baze bakuqeda konke. Basebebuyelake bonke abantu bakoIsrayeli emizini yabo lasezindaweni zabo.

UJobe 22:26

Ng’khonake uzazithokozisa ngoSomandla, uphakamisele ubuso bakho kuNkulunkulu;

AmaHubo 119:1

Babusisiwe abandlela zabo ziqotho, abahamba ngomlayo weNkosi.

AmaHubo 138:5

azakuhlabela ngezindlela zeNkosi, ngoba lukhulu udumo lweNkosi.

U-Eksodasi 34:13

Lizadiliza ama‐altare abo, libulale insika zabo zokukhonzela, ligamule insika zabo ezimiselwe unkulunkulukazi uAshera;

UHosiya 14:9

Lowo ohlakaniphileyo aziqedisise lezizinto; lowo oqondayo azazi; ngoba indlela zeNkosi zilungile, labaqotho bayahamba ngazo, kodwa izoni ziyakhubeka kuzo.

Imisebenzi 13:10

wathi: Wena ndodana kaSathane, uyisitha sakho konke ukulunga, ugcwele inkohliso yonke lobubi bonke, kawuyekeli ukuphambukisa indlela eziqondileyo zeNkosi na?

UDutheronomi 28:47

Njengoba lingayikhonzanga iNkosi uNkulunkulu wenu ngokuthokoza langenhliziyo ejabulayo ngenxa yobunengi bempahla yenu yonke,