2 ImiLando 17:3 - iBhayibhili Elingcwele 1978

³ INkosi yaba laye uJehoshafati, ngoba wahamba ngendlela zikayise zokuqala, kabadinganga oBali,

IBhayibhili Elingcwele LesiNdebele

³ UThixo wayelaye uJehoshafathi ngoba ngeminyaka yakuqala wayehamba ngezindlela ezalandelwa nguyise uDavida. Kabadinganga oBhali,

2 ImiLando 17:3 ပူးပေါင်းရင်းမြစ်များ

UGenesisi 39:21

Kodwa iNkosi yaba loJosefa, yaba lomusa kuye, yenza ukuba umlindintolongo amphathe kuhle.

2 USamuyeli 5:10

UDavida waqhubeka njalo esiba lamandla, ngoba iNkosi, uNkulunkulu wamabandla, yayilaye.

2 USamuyeli 8:15

UDavida wambusake wonke uIsrayeli; wahlulela wenza ukulunga kubo bonke abantu bakhe.

1 AmaKhosi 11:6

Wenza okubi phambi kweNkosi, kayilandelanga ngokupheleleyo iNkosi njengoyise uDavida.

1 AmaKhosi 22:43

Walandela zonke indlela zikaAsa uyise, kaphambukanga kuzo, wenza okulungileyo phambi kweNkosi. Kodwa indawo eziphakemeyo zokukhonzela kazivalwanga; abantu babelokhu benikela imihlatshelo, betshisa impepha endaweni eziphakemeyo.

1 AmaKhosi 3:3

USolomoni wayithanda iNkosi, wahamba ngezimiso zikayise uDavida, kodwa laye wanikela imihlatshelo watshisa impepha endaweni eziphakemeyo zokukhonzela.

2 AmaKhosi 14:3

Wenza okulungileyo phambi kweNkosi, kodwa engafanani loDavida ukhokho wakhe; wenza zonke izinto njengokwenza kukaJowashi uyise.

2 AmaKhosi 16:2

UAhazi wayeleminyaka engamatshumi amabili lapho eqalisa ukubusa; wabusa iminyaka elitshumi lesithupha eJerusalema. Kenzanga okulungileyo phambi kweNkosi uNkulunkulu wakhe, njengokwenza kukakhokho wakhe uDavida.

2 AmaKhosi 18:3

Wenza okulungileyo phambi kweNkosi njengokwenza konke kukaDavida ukhokho wakhe.

2 AmaKhosi 22:2

Wenza okulungileyo phambi kweNkosi, walandela zonke indlela zikaDavida ukhokho wakhe, kaze aphambukela ngakwesokunene langakwesokhohlo.

1 ImiLando 22:18

wathi: INkosi uNkulunkulu wenu kayilani na? Kayilinikanga ukuthula inxa zonke na? Ngoba inikele abantu belizwe esandleni sami, lelizwe linqotshelwe iNkosi labantu bayo.

2 ImiLando 14:11

UAsa wakhuleka eNkosini uNkulunkulu wakhe wathi: Nkosi, kakho onjengawe ukuvikela ababuthakathaka kwabalamandla; akusisize, Nkosi Nkulunkulu wethu, ngoba thina sithembele kuwe; ngebizo lakho siphumile ukulwa lalimpi engaka; Nkosi, wena unguNkulunkulu wethu; umuntu angephikisane lawe.

2 ImiLando 15:2

waphuma ukuhlangabezana loAsa, wathi kuye: Lalela, Asa, lani lonke abakoJuda labakoBenjamini; iNkosi uNkulunkulu ilani nxa lani liselayo. Uba liyidinga, izalivumela ukuba liyifumane; kodwa uba liyilahla, layo izalilahla.

2 ImiLando 17:2

Wabeka amabutho kuyo yonke imizi ebiyelweyo yakoJuda; wabeka lamabutho okulinda elizweni lakoJuda, lasemizini yakoEfrayimi eyayithunjwe nguyise uAsa.

2 ImiLando 17:4

kodwa wadinga uNkulunkulu kayise, wahamba ngemilayo yakhe, kaze alingisa indlela zakoIsrayeli.

2 ImiLando 20:32

Walandela indlela zikaAsa uyise, kaphambukanga kuzo, wenza okulungileyo phambi kweNkosi.

2 ImiLando 21:12

Kwafika kuye incwadi ivela kuElija umprofethi isithi: INkosi, uNkulunkulu kaDavida uyihlo, ithi: Ngoba ungahambanga ezindleleni zikaJehoshafati uyihlo lezikaAsa inkosi yakoJuda,

2 ImiLando 22:9

Wasedinga uAhaziya, bambamba esecatshile eSamariya, bamletha kuJehu, wabulawa. Bamngcwaba ngoba bathi: Ungumntanomntanakhe kaJehoshafati owadinga iNkosi ngenhliziyo yakhe yonke. Indlu kaAhaziya kayibanga loyedwa olamandla okubusa.

2 ImiLando 27:6

Ngakho uJothamu waba lamandla, ngoba waziphatha kuhle phambi kweNkosi uNkulunkulu wakhe.

2 ImiLando 29:2

Wenza okulungileyo phambi kweNkosi njengokwenza konke kukaDavida ukhokho wakhe.

2 ImiLando 34:2

Wenza okulungileyo phambi kweNkosi, walandela indlela zikaDavida ukhokho wakhe, kaphambukelanga ngakwesokunene loba kwesokhohlo.

AmaHubo 46:11

INkosi yamabandla ilathi, uNkulunkulu kaJakobe uyisiphephelo sethu.

AmaHubo 46:7

INkosi yamabandla ilathi, uNkulunkulu kaJakobe uyisiphephelo sethu.

U-Eksodasi 3:12

Wathi: Impela ngizakuba lawe; lokhu kuzakuba yisibonakaliso kuwe sokuba ngikuthumile; lapho usubakhuphile abantu eGibithe, lizamkhonza uNkulunkulu kulintaba.

U-Eksodasi 4:12

Ngakho hamba, ngizakuba lomlomo wakho, ngikufundise lokho ozakukukhuluma.

U-Isaya 41:10

ungesabi, ngoba mina ngilawe, ungapheli amandla, ngoba mina nginguNkulunkulu wakho; ngizakukuqinisa, ngikusize, ngikusekele ngesandla sami sokunene esinqobayo.

U-Isaya 8:10

Yenzani icebo, kodwa lizakwahluleka; khulumani ilizwi, kodwa kaliyikuma, ngoba uNkulunkulu ulathi.

UJeremiya 2:23

Ungatsho kanjani ukuthi: Kangingcolanga, kangilandelanga oBali na? Khangela ukuziphatha kwakho esigodini, wazi ukuba wenzeni. Unjengekamela elisikazi elizulazulayo emizileni yalo,

UMatewu 1:23

Khangela, intombi izakuthatha isisu ibelethe indodana, ezakubizwa ngokuthi nguEmanuweli, okuyikuthi ngokuphendulelwa, uNkulunkulu ulathi.

UMatewu 18:20

Ngoba lapho ababili ingabe abathathu babuthene khona ebizweni lami, ngikhona lapho phakathi kwabo.

UMatewu 25:16

Leyo eyayamukele amadola angamakhulu amahlanu yasuka masinyane yasebenza ngawo, yazuza amanye amadola angamakhulu amahlanu.

UMatewu 28:20

libafundise ukugcina konke engililaye ngakho; khangelani, mina ngilani insuku zonke kuze kube sekupheleni kwesikhathi.

2 uTimothi 4:22

INkosi kayibe lomoya wakho. Umusa kawube lani lonke.

UJoshuwa 1:5

Kakulamuntu ozakumelana lawe zonke insuku zokuphila kwakho. Njengalokhu ngangiloMose, lawe ngizakuba lawe; kangisoze ngikulahle, kangisoze ngikutshiye.

UJoshuwa 1:9

Kangikulayanga na? Ngathi: Qina, ume isibindi; ungesabi, utshaywe luvalo, ngoba iNkosi uNkulunkulu wakho ilawe kuyo yonke indawo lapha uya khona.

Abahluleli 2:11

AbakoIsrayeli benza okubi phambi kweNkosi, bakhonza oBali,

Abahluleli 2:18

Lapho iNkosi ibamisela umahluleli yayisiba laye, ibophule ezandleni zezitha zabo zonke insuku zomahluleli; ngoba iNkosi yayisiba lesihawu ngokububula kwabo ngenxa yalabo ababahluphayo lababacindezelayo.

Abahluleli 6:12

Isithunywa seNkosi sabonakala kuye, sathi kuye: INkosi ilawe, wena qhawe elilamandla.

Abahluleli 8:33

Kwathi lapho uGidiyoni esefile, abakoIsrayeli babuya benza okubi ngokukhonza oBali, benza uBali‐Berithi waba ngunkulunkulu wabo.

1 USamuyeli 18:12

USawuli wayemesaba uDavida ngoba iNkosi yayilaye, kodwa yayisisukile kuSawuli.

1 USamuyeli 18:14

UDavida waphumelela kukho konke ayekwenza, ngoba iNkosi yayilaye.

1 USamuyeli 18:5

UDavida waphuma, waphumelela kuzo zonke indawo lapho uSawuli amthuma khona, uSawuli waze wambeka waba yinduna yempi. Lokhu kwaba kuhle ebantwini bonke lezincekwini zikaSawuli.