2 ImiLando 16:9 - iBhayibhili Elingcwele 1978

⁹ Ngoba amehlo eNkosi uNkulunkulu athalaza emhlabeni wonke ukuba ibatshengise amandla ayo ngenxa yalabo abalenhliziyo ezipheleleyo kuyo. Wena wenzile ubuthutha kulokhu, ngakho kusukela lamhlanje uzakuba lezimpi ezinengi.

IBhayibhili Elingcwele LesiNdebele

⁹ Ngoba amehlo kaThixo athungatha umhlaba wonke ukuze aqinise labo abanhliziyo zabo zizimisele kuye. Usuwenze ubuwula, ngakho kusukela khathesi uzahlala usempini.”

2 ImiLando 16:9 ပူးပေါင်းရင်းမြစ်များ

UGenesisi 31:28

Kawungivumelanga ukuba ngange amadodana ami lamadodakazi ami. Wenze ubuthutha ngalokho.

2 USamuyeli 24:10

UDavida wahlabeka enhliziyweni emva kokubala kwakhe abantu. Wathi eNkosini: Ngonile kakhulu ngalokho engikwenzileyo. Ngakho, Nkosi, ngiyakuncenga, akuthethelele ububi benceku yakho, ngoba ngenzile ubuthutha obukhulu.

1 AmaKhosi 15:32

Kwakukhona impi phakathi kukaAsa loBahasha inkosi yakoIsrayeli insuku zabo zonke.

2 AmaKhosi 20:3

Nkosi, ake ukhumbule, ngiyakuncenga, ukuba ngihambe ngobuqotho phambi kwakho langenhliziyo epheleleyo, ngenza okulungileyo emehlweni akho. UHezekiya wakhala kakhulu.

1 ImiLando 21:8

UDavida wathi kuNkulunkulu: Ngonile kakhulu ngalokho engikwenzileyo. Ngakho ngiyakuncenga, akuthethelele ububi benceku yakho, ngoba ngenzile ubuthutha obukhulu.

2 ImiLando 15:17

Kanti indawo eziphakemeyo zokukhonzela kazivalwanga koIsrayeli; kodwa inhliziyo kaAsa yayiqotho insuku zakhe zonke.

2 ImiLando 15:19

Kakusabanga khona impi kwaze kwaba ngumnyaka wamatshumi amathathu lanhlanu wokubusa kukaAsa.

2 ImiLando 16:10

UAsa wamthukuthelela umboni, wamfaka entolongweni, ngoba wamthukuthelela kakhulu ngalokhu. UAsa wenza isihluku ebantwini abathile ngasona lesosikhathi.

2 ImiLando 19:9

uJehoshafati wathi kibo: Kumele likwenze konke ngokuyesaba iNkosi, ngobuqotho langenhliziyonye.

2 ImiLando 6:20

Ebusuku lemini amehlo akho kawakhangele lindlu, indawo owatsho ngayo ukuthi ibizo lakho lizakudunyiswa lapho, ukuze uwuzwe umkhuleko wenceku yakho ikhangele kulindawo.

U-Ezra 5:5

Kodwa uNkulunkulu wabo wabalondoloza abadala babaJuda, kababamisanga kuze leyondaba ifinyelele kuDariyu, abuyise impendulo ngencwadi ngayo.

UJobe 28:24

Ngoba uyakhangela imikhawulo yomhlaba, abone konke okungaphansi komthunzi welanga.

UJobe 31:4

Kanti uNkulunkulu kaziboni indlela zami, abale zonke izinyathelo zami na?

UJobe 34:21

Ngoba amehlo akhe akuzo indlela zabantu, uyazibona zonke izinyathelo zabo.

AmaHubo 113:6

kodwa ekhangela phansi ezulwini lasemhlabeni na?

AmaHubo 33:14

isendaweni lapho ihlala khona iyabakhangela bonke abakhileyo emhlabeni,

AmaHubo 33:15

yona eyenza inhliziyo zabo bonke, iqaphelise zonke izenzo zabo.

AmaHubo 33:18

Khangela, ilihlo leNkosi liphezu kwabayesabayo, kwalabo abathemba othandweni lwayo olungapheliyo,

AmaHubo 34:15

Amehlo eNkosi akubo abalungileyo, lezindlebe zayo zilalela ukukhala kwabo.

AmaHubo 37:37

Mqhaphelise olungileyo, umbone oqotho, ngoba umuntu wokuthula ulenzalo.

Izaga 15:3

INkosi iyakhangela zonke indawo, iqaphelisa ababi labalungileyo.

Izaga 5:21

Ngoba indlela zomuntu ziphambi kweNkosi, iyaqaphelisa zonke indlela zakhe.

U-Isaya 31:1

Maye kulabo abehlela eGibithe ukudinga ukusizwa, abathemba amabhiza, bethemba inqola zokulwa ngoba zinengi, bethemba abakhweli bamabhiza ngoba belamandla, kodwa bengathembeli koNgcwele kaIsrayeli, bengaceli usizo eNkosini!

UJeremiya 16:17

Ngoba ngiyazibona zonke indlela zabo; kazifihlakalanga kimi, lobubi babo kabucatshanga emehlweni ami.

UJeremiya 32:19

omkhulu ngokucabanga, lolamandla ekwenzeni, omehlo akho abona zonke indlela zabantu ukuba unike wonke umuntu umvuzo wendlela zakhe, lezenzo zakhe,

UJeremiya 5:1

Gijimani, lizulazule ezindleleni zeJerusalema, lizibonele; licinge emagumeni ayo, libone ukuba lingafumana umuntu owenza ukulunga, odinga iqiniso, ukuze ngiyithethelele.

UJeremiya 5:21

Zwanini lokhu, lina bantu abayizithutha labayiziphuphuku, elilamehlo kodwa lingaboni, elilendlebe kodwa lingezwa.

UJeremiya 5:3

Nkosi, amehlo akho kawathandi ukubona iqiniso na? Wena ubatshayile, kodwa kabezwanga ubuhlungu; ubaqothule, kodwa bala ukulaywa. Benza inhliziyo zabo zaba lukhuni kulelitshe, bala ukuphenduka.

UZakhariya 4:10

Ngubani odelele usuku lwezinto ezincinyane na? Uzathokoza lapho ebona uZerubabeli ephethe ilitshe elikhethiweyo. Isithunywa sasesisithi: Izibane eziyisikhombisa zingamehlo eNkosi athalazayo umhlaba wonke.

UMatewu 5:22

Kodwa mina ngithi kini: Ilowo lalowo othukuthelela umfowabo uzakuba lecala lokuthonisiswa; lothuka umfowabo uzakuba lecala emphakathini. Lotshoyo ukuthi: Sithutha ndini! uzakuba lecala lokuphoselwa esihogweni somlilo.

ULukha 12:20

Kodwa uNkulunkulu wathi kuye: Wena siphukuphuku, ngalobubusuku umphefumulo wakho uzakubizwa. Phoke, izinto ozilungisileyo zizakuba ngezikabani na?

1 AbaseKhorinte 15:36

Wena siphukuphukundini! Lokho okuhlanyelayo wena kakuphili uba kungafi.

AbaseGalathiya 3:1

Hawu maGalathiya ayizithutha! Ngubani oliloyileyo lina abekwa obala phambi kwenu uJesu Kristu ebethelwe na?

AmaHebheru 4:13

Futhi kakulalutho oludaliweyo olungabonakaliyo phambi kwakhe, kodwa konke kwambuliwe kusobala emehlweni akhe esizakuzilanda kuye.

1 UPhethro 3:12

ngoba amehlo eNkosi akubo abalungileyo, lezindlebe zayo zilalela ukukhuleka kwabo, kodwa imelana labenza okubi.

1 USamuyeli 13:13

USamuweli wathi kuSawuli: Wenze ubuthutha; kawuwugcinanga umlayo weNkosi uNkulunkulu wakho eyakulaya wona; ngoba iNkosi ibizakuwumisa kokuphela umbuso wakho koIsrayeli.