2 ImiLando 16:14 - iBhayibhili Elingcwele 1978

¹⁴ Bamngcwaba elibeni ayezigebhele lona emzini kaDavida; bambeka phezu kwethala elaligcwele amakha enhlobo ezinengi ayenziwe ngokuhlakanipha kwezingcitshi zamakha; babasa umlilo omkhulu ukumphelekezela.

IBhayibhili Elingcwele LesiNdebele

¹⁴ Bamngcwaba ethuneni ayezenzele lona eMzini kaDavida. Bambeka phezu kwethala elaligcwele amakha enhlobo ngenhlobo ayexutshwe ngokuhlakanipha kwezingcitshi zamakha, babasa umlilo omkhulu wokumhlonipha.

2 ImiLando 16:14 ပူးပေါင်းရင်းမြစ်များ

UGenesisi 50:2

UJosefa waselaya inceku zakhe izinyanga ukuba zilungise isidumbu sikayise ngomuthi wokusilondoloza; izinyanga zasilungisa isidumbu sikaIsrayeli.

UGenesisi 50:5

lithi: Ubaba wangifungisa wathi: Khangela, ngiyafa; ungingcwabe elibeni engazimbela lona elizweni laseKanani. Ngakhoke ngicela ukuba ngihambe ngiyelahla ubaba, besengibuya futhi.

2 USamuyeli 2:32

Bamthatha uAsaheli, bamngcwaba engcwabeni likayise elaliseBetlehema. UJowabi labantu bakhe bahamba ubusuku bonke, kwasa beseHebroni.

2 ImiLando 16:13

Waya kwabaphansi, wabhubha ngomnyaka wamatshumi amane lanye wokubusa kwakhe.

2 ImiLando 21:19

Ngokuhamba kwesikhathi ekupheleni kweminyaka emibili amathumbu akhe aphuma ngenxa yesifo; wafa ngobuhlungu obukhulu. Abantu bakhe kabambaselanga umlilo wokuphelekezela njengemililo eyabaselwa oyise.

2 ImiLando 32:33

UHezekiya waya kwabaphansi, wangcwatshelwa ngaphezulu kwamaliba amadodana kaDavida; bonke abakoJuda labaseJerusalema bamenzela isililo esikhulu. UManase indodana yakhe waba yinkosi esikhundleni sakhe.

2 ImiLando 35:24

Inceku zakhe zasezimehlisa enqoleni yokulwa, zamthwala ngenye, zamusa eJerusalema. Wafa, wangcwatshelwa emalibeni abokhokho bakhe; bonke abakoJuda labaseJerusalema bamlilela.

UmTshumayeli 10:1

Impukane ezifileyo zenza amagcobo omthaki ukuba anuke kubi; ngokunjalo ubuthutha obuncinyane nje bungachitha ukuhlakanipha lodumo.

U-Isaya 22:16

Wenzani lapha, futhi ulelungelo bani, ukuba uzimbele ingcwaba wena ozimbela ingcwaba phezulu, ozimbela indawo yokuhlala edwaleni na?

UJeremiya 34:5

Kodwa uzakufa ngokuthula. Njengoba impepha yatshiselwa oyihlo, amakhosi ayephambi kwakho, ngokunjalo abantu bazakukutshisela lawe impepha, bakulilele lawe, bathi: Maye ngenkosi! Ngoba ngilitshilo lelolizwi, kutsho iNkosi.

UMakho 16:1

Kwathi iSabatha selidlulile, uMariya Magadalena, loMariya unina kaJakobe, loSalome bathenga amakha ukuba bamgcobe.

1 USamuyeli 31:12

kwasuka wonke amaqhawe, ahamba ubusuku bonke, asethula isidumbu sikaSawuli lezidumbu zamadodana akhe emdulini waseBeti‐Shani, aziletha eJabeshi, azitshisa khona.