2 ImiLando 15:6 - iBhayibhili Elingcwele 1978

⁶ Kwakukhona ukuchitheka endaweni zonke, isizwe sisilwa lesizwe, lomuzi usilwa lomuzi, ngoba uNkulunkulu wabehlisela inhlobo zonke zosizi.

IBhayibhili Elingcwele LesiNdebele

⁶ Kwakulencithakalo isizwe sichithwa ngesinye, umuzi uchithwa ngomunye, ngoba uNkulunkulu wabehlisela zonke inhlobonhlobo zosizi.

2 ImiLando 15:6 ပူးပေါင်းရင်းမြစ်များ

2 ImiLando 12:15

Indaba zikaRehobowamu, kusukela ekuqaleni kuze kube sekucineni, zilotshiwe ogwalweni lwezindaba zomprofethi uShemaya lezikaIdo umboni. Kwakuhlala kusiba khona ukulwa phakathi kukaRehobowamu loJerobowamu.

2 ImiLando 13:17

UAbija labantu bakhe babulala abanengi babo, kwafa kwabakoIsrayeli amadoda akhethiweyo azinkulungwane ezingamakhulu amahlanu.

2 ImiLando 33:11

Ngalokhuke iNkosi yabalethela abaphathi bempi yenkosi yaseAsiriya, ababamba uManase ngezingwegwe, bambopha ngezibopho zethusi, bamusa eBabiloni.

2 ImiLando 36:17

Ngalokhoke yabathumela inkosi yamaKaladiya eyabulala amajaha abo lasendlini yabo engcwele, ingahawukeli amajaha lezintombi, abadala lamaxhegu; iNkosi uNkulunkulu yabanikela bonke esandleni sayo.

AmaHubo 106:41

Yabanikela ezandleni zezizwe ukuze ababazondayo bababuse.

U-Isaya 10:6

Ngiyalithuma lona esizweni esingamesabiyo uNkulunkulu, ngiyalilaya ukulwa labantu abavusa ulaka lwami, ukuba lihlasele, lithumbe, libanyathezele phansi njengodaka lwezindleleni.

U-Isaya 19:2

INkosi ithi: Ngizavusa abaseGibithe ukuba balwe labaseGibithe, lowo lalowo alwe lomfowabo, lalowo lalowo alwe lomakhelwana wakhe; umuzi uzakulwa lomuzi, umbuso ulwe lombuso.

UJeremiya 25:32

INkosi yamabandla ithi: Khangelani, ububi buphuma kwesinye isizwe busiya kwesinye, isiphepha esikhulu siyavunguza, sisuka endaweni ezikhatshana zomhlaba.

uAmosi 3:6

Uphondo lungakhala emzini abantu bengethuki na? Umuzi ungehlelwa ngokubi iNkosi ingakuvumelanga na?

UHagayi 2:22

ngigenqule isihlalo sobukhosi semibuso, ngichithe amandla emibuso yezizwe, ngigenqule inqola zokulwa labakhweli bazo; amabhiza labagadi bawo azakuwa, lowo lalowo awe ngomkhonto womfowabo.

UMatewu 24:7

Ngoba isizwe sizakuvukela isizwe, lombuso uvukele umbuso; kube khona indlala lokuzamazama komhlaba indawo ngendawo.

UMakho 13:8

Ngoba isizwe sizakuvukela isizwe, lombuso uvukele umbuso; kube khona ukuzamazama komhlaba indawo ngendawo, kube khona indlala; lezizinto ziyikuqala komhelo wesikhathi esizayo.

Abahluleli 2:14

Ngakho ulaka lweNkosi lwavutha kuIsrayeli, yabanikela kubaphangi ababaphangayo; yabanikela emandleni ezitha zabo ezazibahanqa, behluleka ukumelana lazo.