2 ImiLando 14:6 - iBhayibhili Elingcwele 1978

⁶ Wakha imizi ebiyelweyo koJuda, ngoba ilizwe lalilokuthula. Wayengalwi izimpi ngaleyominyaka, ngoba iNkosi yamnika ukuthula.

IBhayibhili Elingcwele LesiNdebele

⁶ Wakha imizi ebiyelweyo koJuda, njengoba kwakulokuthula elizweni. Kakho owalwa impi laye ngaleyominyaka, ngoba uThixo wamnika ukuphumula.

2 ImiLando 14:6 ပူးပေါင်းရင်းမြစ်များ

1 AmaKhosi 5:4

Kodwa khathesi iNkosi uNkulunkulu inginikile ukuphumula inxa zonke, kakho oyisitha sami, kakulangozi.

1 ImiLando 22:13

Uzakuphumelelake uba unanzelela ukugcina izimiso lemithetho iNkosi uNkulunkulu eyayinika uIsrayeli ngoMose. Qina, ube lesibindi, ungesabi utshaywe luvalo.

1 ImiLando 22:9

Kodwa, uzazala indodana ezakuba ngumuntu othanda ukuthula; ngizakuyiphumuza ezitheni zayo zonke inxa zonke. Izakuthiwa nguSolomoni okutsho umuntu othanda ukuthula, ngizamphumuza uIsrayeli ngimnike ukuthula ensukwini zakhe.

2 ImiLando 15:15

Bonke abakoJuda bathokoza ngesifungo, ngoba babefungile ngenhliziyo yabo yonke, beyidingile ngeqiniso, yabavumela ukuyifumana; ngakho iNkosi uNkulunkulu yabanika ukuthula inxa zonke.

2 ImiLando 17:4

kodwa wadinga uNkulunkulu kayise, wahamba ngemilayo yakhe, kaze alingisa indlela zakoIsrayeli.

2 ImiLando 20:30

Umbuso kaJehoshafati waba lokuthula, ngoba uNkulunkulu wakhe wamnika ukuthula inxa zonke.

2 ImiLando 26:5

Wazimisela ukumdinga uNkulunkulu ensukwini zikaZekariya owamfundisa ukumesaba uNkulunkulu; ngesikhathi sonke eyidinga iNkosi, uNkulunkulu wamphumelelisa.

2 ImiLando 31:21

Wonke umsebenzi awenzayo enkonzweni yendlu kaNkulunkulu ngokomlayo langemithetho, edinga uNkulunkulu wakhe, wawenza ngenhliziyo yakhe yonke, waphumelela.

2 ImiLando 34:3

Ngomnyaka wesificaminwembili wokubusa kwakhe esesengumfana waqala ukumdinga uNkulunkulu kaDavida ukhokho wakhe; ngomnyaka wetshumi lambili waqala ukuhlambulula uJuda leJerusalema, wavala indawo eziphakemeyo zokukhonzela, wadiliza insika zikankulunkulukazi uAshera, wasusa izithombe ezibaziweyo lezibunjiweyo.

UJobe 34:29

Lapho yena ethula, ngubani ongamlahla na? Lalapho efihla ubuso bakhe, ngubani ongambona na?

AmaHubo 46:9

Iyaqeda ukulwa endaweni zonke; iqamula idandili, yaphule umkhonto, lezihlangu izitshisa ngomlilo.

UJoshuwa 23:1

Kwasekudlule isikhathi eside iNkosi isiphumuzile uIsrayeli ezitheni zakhe ezazimhanqile, loJoshuwa wayeselixhegu.

Abahluleli 3:11

Kwaba khona ukuthula elizweni iminyaka engamatshumi amane. UOthiniyeli indodana kaKenazi wasesifa.

Abahluleli 3:30

AmaMowabi anqotshwa mhlalokho ngabakoIsrayeli. Kwaba khona ukuthula elizweni iminyaka engamatshumi eficaminwembili.

Abahluleli 5:31

Zizabhubha ngokunjalo zonke izitha zakho, Nkosi. Kodwa bonke abakuthandayo kababe njengelanga lapho liphuma ngamandla alo. Kwaba khona ukuthula elizweni iminyaka engamatshumi amane.