2 ImiLando 14:4 - iBhayibhili Elingcwele 1978

⁴ walaya abakoJuda ukuba bayidinge iNkosi, uNkulunkulu wabokhokho babo, bagcine umthetho lomlayo.

IBhayibhili Elingcwele LesiNdebele

⁴ Walaya abakoJuda ukuba bakhonze uThixo, uNkulunkulu wabokhokho babo, balandele yonke imithetho lemilayo yakhe.

2 ImiLando 14:4 ပူးပေါင်းရင်းမြစ်များ

UGenesisi 18:19

Ngoba ngimkhethile ukuba alaye abantwana bakhe losendo lwakhe, bagcine indlela yeNkosi ngokwenza ukulunga lokuqotho, ukuze iNkosi imenzele uAbrahama lokho emthembise khona.

2 ImiLando 11:16

Labo ababezimisele ukuyidinga iNkosi, uNkulunkulu kaIsrayeli, bawalandela eJerusalema amaLevi bevela kuzo zonke izizwe zakoIsrayeli ukuyahlabela iNkosi, uNkulunkulu wabokhokho babo.

2 ImiLando 14:3

Wasusa wonke ama‐altare ezizwe, wavala lendawo eziphakemeyo zokukhonzela, wadiliza insika zakhona, wagamula insika ezimiselwe unkulunkulukazi uAshera,

2 ImiLando 14:5

Waqeda kuyo yonke imizi yakoJuda indawo eziphakemeyo zokukhonzela, lamaaltare empepha. Umbuso waba lokuthula ekubuseni kwakhe.

2 ImiLando 29:21

Baletha inkunzi eziyisikhombisa lenqama eziyisikhombisa lamawundlu ayisikhombisa lempongo eziyisikhombisa, kwaba ngumnikelo wesono sombuso lesendlu engcwele lesakoJuda. Waselaya abapristi, amadodana kaAroni, ukunikela ngakho phezu kwealtare leNkosi.

2 ImiLando 29:27

UHezekiya waselaya ukuba umnikelo wokutshiswa unikelwe phezu kwealtare; kwathi lapho umnikelo wokutshiswa uqaliswa ukunikelwa, kwaqalisa lokuyihlabelela iNkosi uNkulunkulu, kwakhaliswa impondo, kwatshaywa lezinto zokuhlabelela zikaDavida inkosi yakoIsrayeli.

2 ImiLando 29:30

UHezekiya inkosi lezikhulu balaya amaLevi ukuba ayidumise iNkosi ngokuhlabela amazwi kaDavida lakaAsafi umboni. Ayidumisa ngokuhlabela, athokoza, athi mbo ngobuso phansi.

2 ImiLando 30:12

Isandla seNkosi sasilabakoJuda ukubanika inhliziyonye ukwenza lokho inkosi lezikhulu ezazikutshilo ngelizwi leNkosi uNkulunkulu.

2 ImiLando 30:19

abazimisele ukumdinga uNkulunkulu, iNkosi uNkulunkulu wabokhokho babo, lanxa bengayilandelanga imithetho yokuhlanjululwa kwendlu engcwele.

2 ImiLando 33:16

Wabuyisela lealtare leNkosi, wanikela phezu kwalo iminikelo yokuthula leyokubonga. Walaya uJuda ukuba akhonze iNkosi, uNkulunkulu kaIsrayeli.

UNehemiya 13:9

Ngasengilaya ukuba kuhlanjululwe leyondlu; ngabuyisela phakathi izitsha zendlu kaNkulunkulu kanye lomnikelo wempuphu lempepha.

AmaHubo 119:10

Ngikudingile ngenhliziyo yami yonke; kangingaphambuki emithethweni yakho.

uAmosi 5:4

Ngoba iNkosi ithi kuIsrayeli: Ngidingani ukuze liphile;

UJoshuwa 24:15

Uba lingafuni ukuyikhonza iNkosi, khethani lamhla lowo elizamkhonza, onkulunkulu abakhonzwa ngokhokho benu elizweni elingaphetsheya komfula iYufrathi, loba onkulunkulu bamaAmori elihlala elizweni lawo. Mina lendlu yami sizayikhonza iNkosi.

1 USamuyeli 3:13

Umtshele ukuthi sengizakuyijezisa indlu yakhe kokuphela, ngoba kwathi esazi ukuthi amadodana akhe ayehlambaza uNkulunkulu, kawakhuzanga.