2 ImiLando 14:14 - iBhayibhili Elingcwele 1978

¹⁴ Bayihlasela yonke imizi yangaseGerari, ngoba iNkosi yabehlisela abantu ukwesaba. AbakoJuda bayiphanga yonke imizi ngoba impango yayinengi kiyo.

IBhayibhili Elingcwele LesiNdebele

¹⁴ Atshabalalisa yonke imizi yaseGerari, ngoba ukuthukuthela kukaThixo kwakuphezu kwayo. Atshuquluza yonke imizi ngoba impango yayinengi kuyo.

2 ImiLando 14:14 ပူးပေါင်းရင်းမြစ်များ

UGenesisi 35:5

Basebehambake; ukumesaba uNkulunkulu okukhulu kwehlela emizini yakhona; abantu bemizi kabaxotshananga lamadodana kaJakobe.

1 AmaKhosi 15:23

Ezinye indaba zikaAsa lobuqhawe bakhe lakho konke akwenzayo lemizi ayakhayo kulotshiwe ogwalweni lwezindaba zamakhosi akoJuda. Kodwa ebudaleni bakhe wayebulawa zinyawo.

2 AmaKhosi 7:16

Abantu basebephuma beziphanga izihonqo zamaSiriya. Ingxenye yegokoko lempuphu ecolekileyo laselithengiswa ngeshekeli, legokoko elilodwa lamabele lathengiswa ngeshekeli, njengokutsho kwelizwi leNkosi uNkulunkulu.

2 ImiLando 14:15

Bahlasela lezibaya zezifuyo, bathumba izimvu ezinengi lamakamela. Basebebuyela eJerusalema.

2 ImiLando 17:10

Ukuyesaba iNkosi uNkulunkulu kwehlela phezu kwayo yonke imibuso yamazwe ayehanqe elakoJuda; kayimhlaselanga uJehoshafati.

2 ImiLando 20:25

Kwathi uJehoshafati labantu bakhe sebezebutha impango bafumanisa inkomo ezinengi, lempahla, lezigqoko, lezinto eziligugu, bazithathela zona baze bahluleka ukuzithwala. Bathatha insuku ezintathu ukubutha impango ngoba yayinengi kakhulu.

2 ImiLando 20:29

Ukuyesaba iNkosi uNkulunkulu kwehlela phezu kwayo yonke imibuso yamazwe lapho isiwile ukuba iNkosi yamlwela uIsrayeli ezitheni zakhe.

UJobe 15:21

Umsindo owethusayo uzwakala endlebeni zakhe; lalapho esephumelele, umchithi uyamhlasela.

AmaHubo 68:12

lithi: Amakhosi ezimpi ayabaleka, ayabaleka. Bona abesifazana abasekhaya bayabelana impango.

U-Isaya 31:9

Ngokwesaba lizakubaleka edwaleni lalo, lezinduna zalo zilahle uphawu lwazo ngenxa yovalo. Leli yilizwi leNkosi omlilo wayo useZiyone, lesithando sayo siseJerusalema.

U-Isaya 33:23

— Ingoda zakho ziyaxega; kaziyikubamba insika yomkolo endaweni yayo, loba ziqinise isayili ivulekile — Ng’khonake kuzakwabiwa impango enengi, labaqhulayo labo bazakuzuza impango.

AbaseRoma 8:37

Kodwa kulokhu konke silokunqoba okukhulu ngaye owasithandayo.

UDutheronomi 2:25

Kusukela lamhla ngizakwenza abantu bonke abangaphansi komthunzi welanga batshaywe luvalo, balesabe, lokuthi lapho besizwa ngani bathuthumele, baqhaqhazele ngenxa yenu.

UJoshuwa 2:24

Athi kuye: Impela iNkosi ilinikele ezandleni zethu lonke ilizwe, futhi bonke abakhileyo kilo baphele amandla ngenxa yethu.

UJoshuwa 5:1

Kwathi wonke amakhosi amaAmori ayengaphetsheya kweJordani ngasentshonalanga lawo wonke amakhosi amaKanani ayengasolwandle esizwa ukuba iNkosi yenza amanzi eJordani atsha ukuba abakoIsrayeli bachaphe, inhliziyo zawo zaphela amandla, aphelelwa layisibindi ngenxa yabantu bakoIsrayeli.

Abahluleli 14:19

Umoya kaNkulunkulu wehlela ngamandla phezu kwakhe, wasuka waya eAshikeloni, wabulala khona amadoda omuzi angamatshumi amathathu, wathatha impango, wababika ingubo ezintsha labo ababeqambe ilibho lakhe. Ngokuthukuthela okukhulu wabuyela endlini kayise.

1 USamuyeli 14:15

Kwaba khona ukuthuthumela ezihonqweni lasegangeni, lebantwini bonke; ibutho kanye labaphangi bathuthumela; umhlaba wanyikinyeka, kwaba lokuthuthumela okukhulu.