2 ImiLando 14:11 - iBhayibhili Elingcwele 1978

¹¹ UAsa wakhuleka eNkosini uNkulunkulu wakhe wathi: Nkosi, kakho onjengawe ukuvikela ababuthakathaka kwabalamandla; akusisize, Nkosi Nkulunkulu wethu, ngoba thina sithembele kuwe; ngebizo lakho siphumile ukulwa lalimpi engaka; Nkosi, wena unguNkulunkulu wethu; umuntu angephikisane lawe.

IBhayibhili Elingcwele LesiNdebele

¹¹ U-Asa wasekhuleka kuThixo uNkulunkulu wakhe wathi: “Thixo, kakho omunye onjengawe ongavikela ababuthakathaka kwabalamandla. Sisize, Oh Thixo Nkulunkulu wethu, ngoba thina sithembele kuwe, ngebizo lakho siphumile ukuba silwe lalelibutho lempi elikhulu kangaka. Oh Thixo, unguNkulunkulu wethu; umuntu angezake amelane lawe.”

2 ImiLando 14:11 ပူးပေါင်းရင်းမြစ်များ

1 AmaKhosi 8:44

Uba abantu bakho bephuma impi ukulwa lezitha zabo loba kungaphi lapho obesa khona, bekhuleke eNkosini bekhangele ngakulo umuzi owukhethileyo langasendlini engikwakhele yona.

1 ImiLando 5:20

Athola usizo ekulweni labo, ngoba akhuleka kuNkulunkulu empini, wawanika lokho akucelayo ngoba ayemthemba; amaHagari labo bonke ababelawo banikelwa ezandleni zawo.

2 ImiLando 13:12

UNkulunkulu ulathi, ungumholi wethu, labapristi bakhe bakhona ukukhalisa impondo ukusibizela ekulweni lani. Madoda akoIsrayeli, musani ukulwa leNkosi, uNkulunkulu wabokhokho benu, ngoba lingeke liphumelele.

2 ImiLando 13:14

Lapho abakoJuda bephenduka bafumanisa ukuba bahlaselwa ngaphambili langemuva; bakhala eNkosini uNkulunkulu, labapristi bakhalisa impondo,

2 ImiLando 13:15

labantu bakoJuda bamemeza isiga sempi; kwathi ekumemezeni kwabo uNkulunkulu wamchitha uJerobowamu labo bonke abakoIsrayeli phambi kukaAbija laphambi kwabakoJuda.

2 ImiLando 13:18

Ngokunjalo abakoIsrayeli behlulwa ngalesosikhathi, abakoJuda baphumelela ngoba bathembela eNkosini, uNkulunkulu wabokhokho babo.

2 ImiLando 14:10

UAsa waphuma ukumhlangabeza, bahlangana ukulwa esihotsheni saseZefatha eMaresha.

2 ImiLando 16:7

Ngalesosikhathi uHanani umboni wafika kuAsa inkosi yakoJuda, wathi kuye: Ngoba uthembele enkosini yaseSiriya, ungathembelanga eNkosini uNkulunkulu wakho, impi yenkosi yakoIsrayeli ikuphunyukile.

2 ImiLando 18:31

Kwathi induna zezinqola zokulwa zibona uJehoshafati zathi: Yiyo le sibili inkosi yakoIsrayeli. Zasezimsukela, yena wahlaba umkhosi; iNkosi uNkulunkulu yamsiza. Yazisusa kuye.

2 ImiLando 20:12

Nkulunkulu wethu, wena kawuyikubahlulela na? Ngoba thina kasilawo amandla ukulwa lalimpi enkulu kangaka ezekusihlasela; kasikwazi esingakwenza, kodwa sikhangele kuwe.

2 ImiLando 20:32

Walandela indlela zikaAsa uyise, kaphambukanga kuzo, wenza okulungileyo phambi kweNkosi.

2 ImiLando 25:8

Kodwa uba ucabanga ukuthi ngalindlela uzakuba lamandla okulwa, uNkulunkulu uzakukuwisela phansi phambi kwezitha zakho, ngoba uNkulunkulu ulamandla okusiza lawokuwisela phansi.

2 ImiLando 26:7

UNkulunkulu wamsiza ukulwa lamaFilistiya, lamaArabiya ayehlala eGuribali, labaseMewuni.

2 ImiLando 32:20

UHezekiya inkosi loIsaya umprofethi indodana kaAmozi bakhuleka ngenxa yalokhu, ukukhala kwabo kwafinyelela ezulwini.

2 ImiLando 32:8

Yena ulamandla omuntu, kodwa thina sileNkosi uNkulunkulu wethu ukusisiza lokusilwela. Abantu bazuza isibindi ngamazwi kaHezekiya inkosi yakoJuda.

AmaHubo 120:1

Ekuhluphekeni kwami ngakhuleka eNkosini, yangiphendula.

AmaHubo 18:6

Ekuhluphekeni kwami ngakhuleka eNkosini, ngakhala kuNkulunkulu wami; walizwa ilizwi lami esethempelini lakhe, ukukhala kwami kwafinyelela endlebeni zakhe.

AmaHubo 20:5

Simemeze ngokuthokoza ekunqobeni kwakho, ebizweni likaNkulunkulu wethu siphakamise isibonakaliso sokunqoba! INkosi iphelelise konke ukucela kwakho.

AmaHubo 20:7

Abanye bathemba inqola zokulwa, abanye bathemba amabhiza, kodwa thina sithemba ibizo leNkosi uNkulunkulu wethu.

AmaHubo 20:8

Bazakhothama bawe, kodwa thina sizasukuma sime.

AmaHubo 22:5

Bakhala kuwe, bakhululwa, bathemba wena, kabayangekanga.

AmaHubo 22:6

Kodwa mina ngiyimpethu, kangisuye muntu, ngihlekwa ngabantu, ngeyiswe yibo bonke.

AmaHubo 34:6

Lesisihlupheki sakhala eNkosini, yasizwa, yasikhulula kuzo zonke inkathazo zaso.

AmaHubo 37:5

Nikela impilo yakho eNkosini, uyithembe, yona izakukusiza.

AmaHubo 50:15

ukhuleke kimi osukwini lokuhlupheka, ngizakukukhulula, wena uzakungidumisa.

AmaHubo 9:19

Vuka, Nkosi, ungavumi ukuba umuntu anqobe; izizwe kazahlulelwe phambi kwakho.

AmaHubo 91:15

Lapho ekhuleka kimi, ngizakumphendula; ngizakuba laye ekuhluphekeni, ngimkhulule, ngimnike udumo.

U-Eksodasi 14:10

Lapho uFaro esesondele, abakoIsrayeli baphakamisa amehlo abo, babona amaGibithe ebalandela, besaba kakhulu. Bakhala eNkosini;

Izaga 18:10

Ibizo leNkosi liyinqaba eqinileyo; olungileyo ubalekela kuyo alondolozeke.

U-Isaya 10:20

Kuzakuthi ngalolosuku abaseleyo koIsrayeli, abasilileyo endlini kaJakobe, kabasayikuthembela kuye abatshayileyo; kodwa bazathembela eNkosini, oNgcwele kaIsrayeli ngeqiniso.

U-Isaya 2:22

Lingathembi umuntu okuphila kwakhe kungumphefumulo nje. Ngoba uyini yena na?

U-Isaya 26:13

Nkosi Nkulunkulu wethu, amanye amakhosi ngaphandle kwakho ake asibusa, kodwa libizo lakho kuphela esilidumisayo.

UJeremiya 1:19

Bazakulwa lawe, kodwa kabayikukwehlula, ngoba ngilawe ukukuvikela, kutsho iNkosi.

ULevi 26:8

Abahlanu benu bazaxotsha abalikhulu, labalikhulu benu bazaxotsha abazinkulungwane ezilitshumi; izitha zenu zizakubulawa phambi kwenu empini.

uAmosi 5:9

Yehlisela abalamandla ukuchitheka, lencithakalo phezu kwenqaba.

UZakhariya 2:8

Ngoba iNkosi yamabandla yangithuma ngenxa yodumo lwayo ezizweni ezaliphangayo, ngoba olithintayo uthinta igugu layo, yathi:

UMatewu 16:18

Lamike ngithi kuwe: Wena unguPetro okuyikuthi Dwala; phezu kwalelidwala ngizakulakha ibandla lami; amasango endawo yabafileyo kawayikulahlula.

UJohane 14:1

Inhliziyo zenu kazingakhathazeki. Kholwani kuNkulunkulu, likholwe lakimi.

UJohane 14:27

Ukuthula ngikutshiya kini, ukuthula kwami ngilinika khona. Kakunjengokunika komhlaba ukulinika kwami. Inhliziyo zenu kazingakhathazeki, zingesabi.

Imisebenzi 2:21

Kuzakuthi ilowo lalowo obiza ibizo leNkosi, uzakusiliswa.

Imisebenzi 3:16

Ngokukholwa ebizweni layo lumuntu elimbonayo lelimaziyo wenziwe waqina, langokukholwa okungoJesu wamukeliswe ukuphila okupheleleyo phambi kwenu lonke.

Imisebenzi 9:4

Wawela phansi, wezwa ilizwi lisithi kuye: Sawuli, Sawuli, ungizingelelani na?

AbaseRoma 8:31

Phoke, sizakuthini ngalokhu na? Uba uNkulunkulu engakithi, ngubani ongamelana lathi na?

UDutheronomi 32:27

uba bengingesabi ukuzincoma kwezitha, lezitha zabo zikuhlanekele, zithi: Isandla sethu sinqobile; kakusiyo iNkosi eyenze konke lokhu.

UDutheronomi 32:30

Uba umuntu emunye angaxotsha kanjani abayinkulungwane, lababili bangabadudula kanjani abazinkulungwane ezilitshumi, uba iDwala labo lingabathengisanga, leNkosi ingabanikelanga na?

UDutheronomi 32:36

Ngoba iNkosi izakubahlulela abantu bayo, izihawukele inceku zayo, lapho ibona ukuthi amandla abo aphelile, lokuthi kakulamuntu oseleyo ovalelweyo lokhululekileyo.

Abahluleli 7:7

INkosi yathi kuGidiyoni: Ngamakhulu amathathu alabo axhaphileyo ngizakulikhulula, nginikele amaMidiyani ezandleni zakho; bayekele bonke abanye babuyele emakhaya abo.

1 USamuyeli 14:6

UJonathani wathi emfaneni ophatha izikhali zakhe: Woza siwelele ebuthweni lalaba abangasokanga; engxenye iNkosi uNkulunkulu ingasisebenzela, ngoba kakukho okungayinqabela ukuba ikhulule ngabanengi loba ngabalutshwana.

1 USamuyeli 17:47

Wonke lumhlangano uzakwazi ukuba uNkulunkulu kakhululi ngomhedla langomkhonto; ngoba ukulwa kungokweNkosi, izakukunikela esandleni sethu.

1 USamuyeli 2:9

Iyavikela ukuhamba kwabathembekileyo bayo, kodwa ababi bayatshona emnyameni bathuliswe; ngoba umuntu kayikwahlula ngamandla.