2 ImiLando 13:9 - iBhayibhili Elingcwele 1978

⁹ Kalibaxotshanga yini abapristi beNkosi uNkulunkulu, amadodana kaAroni, kanye lamaLevi, lazenzela abapristi benu njengabantu bamanye amazwe na? Lowo ofika elenkunzi ingabe inqama eziyisikhombisa ukuba ahlukaniselwe iNkosi wenziwa umpristi wokungesuye unkulunkulu.

IBhayibhili Elingcwele LesiNdebele

⁹ Kalibaxotshanga yini abaphristi bakaThixo, amadodana ka-Aroni, kanye labaLevi, lazibekela abenu abaphristi njengalokhu okwenziwa ngabantu bamanye amazwe na? Kuthi lowo ofika elenkunzi loba inqama eziyisikhombisa ukuba ahlukaniselwe uThixo waba ngumphristi walokho okungayisikho onkulunkulu.

2 ImiLando 13:9 ပူးပေါင်းရင်းမြစ်များ

1 AmaKhosi 13:33

Ngemva kwalokho uJerobowamu kasukanga endleleni zakhe ezimbi, kodwa wayelokhu ebabeka ebantwini bonke abapristi bezindawo eziphakemeyo zokukhonzela, wonke umuntu ofisayo wambeka umpristi wendawo ephakemeyo.

2 AmaKhosi 19:18

aphosela onkulunkulu bazo emlilweni; ngoba babengesibo onkulunkulu, kodwa babengumsebenzi wezandla zabantu, beyizigodo lamatshe; ngalokhoke babhujiswa.

1 ImiLando 29:5

legolide lokwenza izinto zegolide, lesiliva sokwenza izinto zesiliva, lakho konke okwakufunwa yizingcitshi. Ngubanike omunye ozanikela izipho ngenhliziyo eNkosini lamhla na?

2 ImiLando 13:10

Kodwa thina, iNkosi inguNkulunkulu wethu, kasiyidelanga; silabo abapristi abayikhonzayo iNkosi abangamadodana kaAroni, besizwa ngamaLevi.

2 ImiLando 29:31

UHezekiya wasesithi ebantwini: Selizahlukanisele iNkosi; sondelani lilethe imihlatshelo yenu leminikelo yokubonga ethempelini. Ibandla laseliletha imihlatshelo leminikelo yokubonga; bonke ababelenhliziyo ezinhle baletha iminikelo yokutshiswa.

U-Eksodasi 29:1

Yilokhu ozakukwenza kubo ukubahlukanisa ukuba babe ngabapristi bokuphatha umsebenzi wami. Thatha inkabi lenqama ezimbili ezingelasici,

U-Eksodasi 29:29

Izambatho ezingcwele zikaAroni zizakuba ngezamadodana akhe emva kwakhe, ukuba agcotshwe, ahlukaniselwe, embethe zona.

U-Eksodasi 29:35

Uzakwenza njalo kuAroni lamadodana akhe njengokukulaya kami, ukugcotshwa kwabo kuthathe insuku eziyisikhombisa.

U-Eksodasi 32:29

UMose wasesithi: Lamuhla lizahlukanisele iNkosi lina, kwaba yilowo lalowo wenu wanikela indodana yakhe lomfowabo, ukuba iNkosi ilibusise lamuhla.

UJeremiya 2:11

Isizwe sake santshintsha onkulunkulu baso, loba bengesibo onkulunkulu balutho na? Kodwa abantu bami bangintshintshile mina enginguNkulunkulu wabo obalethela udumo ngonkulunkulu ongasizi lutho.

UJeremiya 5:7

Ngingakuthethelela kanjani? Abantwana bakho bangihlamukele, bafunga labo abangesibo onkulunkulu. Ngabanika ukudla okunengi, kodwa bafeba, baya ezindlini zezifebe.

UHosiya 8:6

Umbazi walenza, kalisuye Nkulunkulu. Ithole laseSamariya lizaphahlazwa libe yizihlephu.

ULevi 16:32

Umpristi ogcotshiweyo, owahlukaniselwe ukuba ngumpristi endaweni kayise, uzakwenza indlela yokubuyisana, agqoke izambatho ezingcwele zelembu elihle,

ULevi 8:2

Thatha uAroni lamadodana akhe, lezambatho, lamagcobo okugcoba, lenkunzi yomnikelo wesono, lezinqama ezimbili, lesitsha sezinkwa ezingelamvubelo,

Imisebenzi 19:26

njalo liyabona, liyazi futhi ukuba kakusikho lapha eEfesu kodwa kuphose ukuba kube kulo lonke elaseAsiya uPawuli lo ubaphambukisile abantu ngokubenza bakholwe ukuthi kayisibo onkulunkulu abenziwe ngezandla.

AbaseGalathiya 4:8

Ngalesosikhathi lingakamazi uNkulunkulu, laliyizigqili ngaphansi kwalabo abangesibo onkulunkulu ngemvelo;

UDutheronomi 32:17

Bahlabela omoya ababi abangesibo onkulunkulu, onkulunkulu ababengabazi, onkulunkulu abatsha abasand’ukuvela, ababengesatshwa ngokhokho babo.