2 ImiLando 13:7 - iBhayibhili Elingcwele 1978

⁷ labantu abathile ababi bamlandela, bamdelela uRehobowamu indodana kaSolomoni lapho esesengumfana engakabi lakwazi, engakabi lamandla okumelana labo.

IBhayibhili Elingcwele LesiNdebele

⁷ Abantu ababi bamlandela behlamukela uRehobhowami indodana kaSolomoni esesemncinyane engakaqedisisi njalo engakabi lamandla okumelana labo.

2 ImiLando 13:7 ပူးပေါင်းရင်းမြစ်များ

2 USamuyeli 3:39

Lami lamuhla ngibuthakathaka lanxa ngigcotshwe ngaba yinkosi; lababantu, amadodana kaZeruya, bayangahlula. INkosi uNkulunkulu kayiphindisele owenza okubi ngobubi bakhe.

1 AmaKhosi 21:10

beselihlalisa abantu ababili ababi maqondana laye ukuba bammangalele bathi: Wena uthuke uNkulunkulu kanye lenkosi. Beselimkhuphela phandle, limkhande ngamatshe aze afe.

1 AmaKhosi 21:13

Basebengena abantu ababili ababi, bahlala maqondana laye, bammangalela phambi kwabantu bathi: UNabothi uthuke uNkulunkulu kanye lenkosi. Basebemkhuphela ngaphandle komuzi, bamkhanda ngamatshe waze wafa.

2 ImiLando 10:16

Lapho bonke abakoIsrayeli bebona ukuthi inkosi kayibalaleli, bayiphendula bathi: Silesabelo bani kuDavida na? Kasilalifa thina endodaneni kaJese. Yanini emizini yenu, lina bakoIsrayeli! Sala lendlu yakho, Davida. Basebehambake abakoIsrayeli, baya emizini yabo.

2 ImiLando 12:13

Inkosi uRehobowamu yaqinisa amandla ayo eJerusalema, yaqhubeka ibusa. Yayisileminyaka engamatshumi amane lanye lapho iqalisa ukubusa, yabusa iminyaka elitshumi lesikhombisa eJerusalema, umuzi iNkosi uNkulunkulu eyayiwukhethile phakathi kwazo zonke izizwe zakoIsrayeli ukuba ibizo layo lidunyiselwe khona. Ibizo likanina lalinguNahama umAmoni.

UJobe 30:8

bayiziphukuphuku ezilahliweyo zaxotshwa phakathi kwabantu.

AmaHubo 26:4

Kangihlali labantu abangathembekanga, kangihambelani labazenzisayo.

Izaga 12:11

Olima insimu yakhe uzakuba lokudla okunengi, kodwa owenza imisebenzi eyize kalangqondo.

Izaga 28:19

Olima insimu yakhe uzakuba lokudla okunengi, kodwa owenza imisebenzi eyize uzakuba ngumyanga kakhulu.

UmTshumayeli 10:16

Maye kuwe, wena lizwe, onkosi yakho ingumntwana lezikhulu zakho ziba ledili ekuseni!

U-Isaya 3:4

Ngizabanika abafana babe yizikhulu zabo, bazabusa bengabantwana nje.

Imisebenzi 17:5

Kodwa abaJuda baba lomona, bathatha abantu ababi phakathi kwamavila, babutha ixuku, benza isiyaluyalu phakathi komuzi; bahlasela indlu kaJasoni befuna ukubakhuphela ebantwini.

1 AbaseKhorinte 14:20

Bazalwane, lingabi ngabantwana ngengqondo zenu; kanti ebubini wobani msulwa njengezingane, kodwa ekunakaneni libe ngabakhulileyo.

UDutheronomi 13:13

ukuthi abantu abathile ababi bavelile phakathi kwenu, bayenga abalowomuzi besithi: Asihambe siyekhonza abanye onkulunkulu elingabaziyo;

UThithu 1:10

Ngoba banengi abangalaleliyo, abakhuluma ize labakhohlisayo, ikakhulu bona abokusoka,

AmaHebheru 5:12

Ngoba ngalesisikhathi beselifanele ukuba ngabafundisi; kodwa lisadinga futhi ukuba kube khona olifundisayo iziqalo zezifundiso zelizwi likaNkulunkulu. Lifanele uchago, kungesikho ukudla okuqinileyo.

Abahluleli 11:3

UJefta wabaleka kubafowabo, wayahlala elizweni laseTobi. Abantu abagangileyo babuthana kuye, bamlandela.

Abahluleli 9:4

Bamnika inhlamvu zesiliva ezingamatshumi ayisikhombisa abazithatha endlini kaBali‐Berithi; uAbimeleki wafumbathisa ngazo abantu abakhohlakeleyo labayizigebengu ukuba bamlandele.

1 USamuyeli 22:2

Kwabuthana kuye bonke ababelosizi, labo bonke ababelezikwelede, lababelensolo, waba yinduna yabo. Abantu ababelaye babengamakhulu amane.