2 ImiLando 13:18 - iBhayibhili Elingcwele 1978

¹⁸ Ngokunjalo abakoIsrayeli behlulwa ngalesosikhathi, abakoJuda baphumelela ngoba bathembela eNkosini, uNkulunkulu wabokhokho babo.

IBhayibhili Elingcwele LesiNdebele

¹⁸ Amadoda ako-Israyeli aqinileyo ngalesosikhathi anqotshwa, kwathi abakoJuda baphumelela ngoba babethembele kuThixo, uNkulunkulu wabokhokho babo.

2 ImiLando 13:18 ပူးပေါင်းရင်းမြစ်များ

2 AmaKhosi 18:5

Wayithemba iNkosi, uNkulunkulu kaIsrayeli. Kakubanga khona leyodwa inkosi efana loHezekiya emakhosini wonke akoJuda ayengaphambi kwakhe lamlandelayo.

1 ImiLando 5:20

Athola usizo ekulweni labo, ngoba akhuleka kuNkulunkulu empini, wawanika lokho akucelayo ngoba ayemthemba; amaHagari labo bonke ababelawo banikelwa ezandleni zawo.

2 ImiLando 13:17

UAbija labantu bakhe babulala abanengi babo, kwafa kwabakoIsrayeli amadoda akhethiweyo azinkulungwane ezingamakhulu amahlanu.

2 ImiLando 13:19

UAbija waxotshana loJerobowamu, wayithumba limizi kuye, iBetheli lemizana yalo, leJeshana lemizana yalo, leEfroni lemizana yalo.

2 ImiLando 14:10

UAsa waphuma ukumhlangabeza, bahlangana ukulwa esihotsheni saseZefatha eMaresha.

2 ImiLando 14:11

UAsa wakhuleka eNkosini uNkulunkulu wakhe wathi: Nkosi, kakho onjengawe ukuvikela ababuthakathaka kwabalamandla; akusisize, Nkosi Nkulunkulu wethu, ngoba thina sithembele kuwe; ngebizo lakho siphumile ukulwa lalimpi engaka; Nkosi, wena unguNkulunkulu wethu; umuntu angephikisane lawe.

2 ImiLando 20:20

Basebevuka ekuseni, baya enkangala yaseTekowa; ekuphumeni kwabo uJehoshafati wema wathi kibo: Ngilalelani lina abakoJuda labaseJerusalema. Thembani iNkosi uNkulunkulu wenu, lizakuqina; likholwe abaprofethi bayo, lizaphumelela.

AmaHubo 146:5

Ubusisiwe yena omsizi wakhe unguNkulunkulu kaJakobe, othemba lakhe liseNkosini uNkulunkulu wakhe,

AmaHubo 25:2

Nkulunkulu wami, ngithemba kuwe; ungavumeli ukuba ngiyangeke; izitha zami kazingathokozi ngami.

UDanyeli 3:28

UNebukadineza wasesithi: Kabongwe uNkulunkulu waboShadraki loMeshaki loAbedinego othumele isithunywa sakhe ukukhulula inceku zakhe ezimthembileyo, zaze zadelela umlayo wenkosi, zanikela imizimba yazo kulokuba zikhonze omunye unkulunkulu endaweni kaNkulunkulu wazo.

UNahume 1:7

INkosi ilungile, iyinqaba osukwini lokuhlupheka; iyabakhumbula abaphephela kuyo,

Abase-Efesu 1:12

ukuba thina, esakholwa kuKristu kuqala, siphilele udumo lobukhosi bakhe.