2 ImiLando 13:15 - iBhayibhili Elingcwele 1978

¹⁵ labantu bakoJuda bamemeza isiga sempi; kwathi ekumemezeni kwabo uNkulunkulu wamchitha uJerobowamu labo bonke abakoIsrayeli phambi kukaAbija laphambi kwabakoJuda.

IBhayibhili Elingcwele LesiNdebele

¹⁵ kwathi abakoJuda bakhwaza ngephimbo lokuhlasela empini. Kuthe kuzwakala ukukhwaza ngephimbo lokuhlasela, uNkulunkulu wabhuqa uJerobhowamu labo bonke abako-Israyeli phambi kuka-Abhija labakoJuda.

2 ImiLando 13:15 ပူးပေါင်းရင်းမြစ်များ

2 AmaKhosi 5:1

UNamani induna yempi yaseSiriya wayengumuntu omkhulu enkosini yaseSiriya, elodumo, ngoba ngaye iNkosi uNkulunkulu yayinikile iSiriya ukunqoba. Kodwa wayelobulephero.

2 ImiLando 14:11

UAsa wakhuleka eNkosini uNkulunkulu wakhe wathi: Nkosi, kakho onjengawe ukuvikela ababuthakathaka kwabalamandla; akusisize, Nkosi Nkulunkulu wethu, ngoba thina sithembele kuwe; ngebizo lakho siphumile ukulwa lalimpi engaka; Nkosi, wena unguNkulunkulu wethu; umuntu angephikisane lawe.

2 ImiLando 14:12

Ngakho iNkosi yawachitha amaEtiyopiya phambi kukaAsa laphambi kwabakoJuda, abaleka.

2 ImiLando 18:31

Kwathi induna zezinqola zokulwa zibona uJehoshafati zathi: Yiyo le sibili inkosi yakoIsrayeli. Zasezimsukela, yena wahlaba umkhosi; iNkosi uNkulunkulu yamsiza. Yazisusa kuye.

2 ImiLando 20:21

Kwathi esekhulumisene labantu wakhetha labo abazahlabelela iNkosi, bayidumise begqoke izambatho ezingcwele, behamba phambi kwebutho behlabela besithi: Ibongeni iNkosi, uthando lwayo olungapheliyo lumi kuze kube nininini.

2 ImiLando 20:22

Kwathi lapho beqalisa ukuhlabela lokudumisa, iNkosi uNkulunkulu yabeka abantu bokucathamela abaseAmoni labaseMowabi labasentabeni iSeyiri ababezahlasela abakoJuda, babehlula.

AmaHubo 47:1

Qakezani izandla zenu, lina zizwe zonke; hlokomani kuNkulunkulu ngamahubo okuthokoza.

AmaHubo 47:5

UNkulunkulu wenyukile ngokuhlokoma, iNkosi yenyukile ngokukhala kophondo.

U-Isaya 37:36

Kwasuka isithunywa seNkosi, sabulala amaAsiriya azinkulungwane ezilikhulu lamatshumi aficaminwembili lanhlanu ezihonqweni zawo. Kwathi abantu bevuka ekuseni kakhulu babona bonke laba sebeyizidumbu kuphela.

AmaNani 32:4

ilizwe iNkosi eyalinqoba phambi kwebandla lakoIsrayeli, liyilizwe lokwalusela; futhi thina zinceku zenu sifuyile.

UJoshuwa 11:8

INkosi yabanikela esandleni sikaIsrayeli owabahlasela waxotshana labo kwaze kwaba seSidoni elikhulu laseMisirefothi‐Mayimi, langasempumalanga kwaze kwaba sesihotsheni seMizipe. Babachitha, kakwaze kwasala loyedwa.

UJoshuwa 6:16

Ngesikhathi sesikhombisa, nxa abapristi sebekhalisile impondo, uJoshuwa wathi ebantwini: Memezani, ngoba iNkosi ilinikile umuzi.

UJoshuwa 6:20

Ngakho abantu basebememeza, kwakhaliswa lempondo. Kwathi abantu besizwa ukukhala kwempondo bamemeza kakhulu, umduli wadilikela phansi, labantu bangena phakathi komuzi, yilowo lalowo eqonda phambili nje, bawuthumba umuzi.

Abahluleli 4:15

Ekuhlaseleni kukaBaraki labantu bakhe iNkosi yamchitha uSisera lazo zonke inqola zakhe zokulwa layo yonke impi yakhe. USisera wehla enqoleni yakhe yokulwa, wabaleka ngenyawo.