2 ImiLando 13:11 - iBhayibhili Elingcwele 1978

¹¹ Bayanikela eNkosini ekuseni lantambama insuku zonke iminikelo yokutshiswa lempepha elephunga elihle, balungise izinkwa ezahlukaniselwe iNkosi etafuleni legolide elihle, balondoloze uluthi lwesibane lwegolide ukuba izibane zalo zikhanye kusihlwa insuku zonke. Ngokwenza njalo siyawulalela thina umlayo weNkosi uNkulunkulu wethu, kodwa lina liyidelile.

IBhayibhili Elingcwele LesiNdebele

¹¹ Bayanikela kuThixo ekuseni lantambama insuku zonke iminikelo yokutshiswa lempepha elephunga elihle. Bayalungisa izinkwa ezahlukaniselwe uThixo etafuleni legolide elihle, balumathise izibane oluthini lwegolide ntambama nsuku zonke. Thina siyawulalela umlayo kaThixo uNkulunkulu wethu. Kodwa lina limdelile.

2 ImiLando 13:11 ပူးပေါင်းရင်းမြစ်များ

UGenesisi 26:5

ngoba uAbrahama walalela ilizwi lami, wagcina amazwi ami lemilayo yami lezimiso zami lemithetho yami.

2 ImiLando 13:10

Kodwa thina, iNkosi inguNkulunkulu wethu, kasiyidelanga; silabo abapristi abayikhonzayo iNkosi abangamadodana kaAroni, besizwa ngamaLevi.

2 ImiLando 2:3

USolomoni wathumela ilizwi kuHuramu inkosi yaseTire esithi: Njengokwenza kwakho kuDavida ubaba umthumela amaphane okuzakhela indlu yokuhlala, yenza njalo lakimi.

2 ImiLando 2:4

Sengizimisele ukwakhela ibizo leNkosi uNkulunkulu wami indlu, ngiyahlukanisele iNkosi ukuba ngitshisele khona impepha elephunga elihle, lokunikela insuku zonke izinkwa ezahlukaniselwe uNkulunkulu, leminikelo yokutshiswa ekuseni lantambama, langamaSabatha, langezikhathi zokuthwasa kwenyanga, langezikhathi zemikhosi emisiweyo yeNkosi uNkulunkulu wethu, njengokumiselwe uIsrayeli kuze kube nininini.

2 ImiLando 4:20

izinti zezibane lezibane zazo ezenziwe ngegolide elihle ukukhanyisa endlini engaphakathi, njengokumisiweyo,

U-Eksodasi 29:38

Yilokhu ozakukunikela ealtareni; amawundlu amabili alomnyaka munye insuku ngensuku njalonjalo.

UHezekhiyeli 44:15

Kodwa abapristi abangamaLevi, amadodana kaZadoki, abalondoloza indlu yami engcwele ekuduheni kwabakoIsrayeli, bazakusondela kimi ukukhonza, beme phambi kwami ukunginika amahwahwa legazi, kutsho iNkosi uNkulunkulu.

UHezekhiyeli 44:8

Kalilondolozanga izinto zami ezingcwele, kodwa limisile abezizwe ukwenza umsebenzi wami endlini yami engcwele.

UHezekhiyeli 48:11

Lesi sizakuba ngesabapristi abahlukaniselwa iNkosi, amadodana kaZadoki, abangikhonzayo abangaduhanga lapho abakoIsrayeli beduha njengokwenza kwamaLevi.

AmaNani 1:53

Kodwa amaLevi azakumisa amathente awo alizingelezele iTabernakeli lobufakazi, ukuba kungehleli ulaka lukaNkulunkulu phezu kwalo lonke ibandla lakoIsrayeli; amaLevi azakulondoloza iTabernakeli.

AmaNani 16:46

UMose wathi kuAroni: Thatha umganu wakho wokutshisela impepha, ufake kuwo umlilo wasealtare, ubeke kuwo impepha, ukuse ngokuphangisa ebandleni, ubenzele indlela yokubuyisana; ngoba ulaka seluphumile eNkosini, umkhuhlane usuqalisile.

AmaNani 16:6

Yenzani lokhu; thathani imiganu yokutshisela impepha, wena Kora leqembu lakho lonke,

AmaNani 9:19

Lalapho iyezi lihlala phezu kweTabernakeli insuku ezinengi, abakoIsrayeli bayilalela iNkosi, kabahambanga.

ULukha 1:9

ngomkhuba wobupristi kwaba nguye owakhethelwa ukungena ethempelini leNkosi ukuba ayetshisa impepha.