2 ImiLando 12:5 - iBhayibhili Elingcwele 1978

⁵ UShemaya umprofethi wafika kuRehobowamu lakuzikhulu zakoJuda ezazibuthene eJerusalema ngenxa kaShishaki, wathi kubo: INkosi uNkulunkulu ithi: Lingilahlile lina, lami sengililahlela esandleni sikaShishaki.

IBhayibhili Elingcwele LesiNdebele

⁵ Ngakho uShemaya umphrofethi waya kuRehobhowami kanye lakubakhokheli bakoJuda ababebuthene eJerusalema ngokwesaba uShishakhi, wafika wathi kubo, “Nanku okutshiwo nguThixo uthi, ‘Lingilahlile lina; ngakho sengilinikela kuShishaki.’ ”

2 ImiLando 12:5 ပူးပေါင်းရင်းမြစ်များ

2 USamuyeli 24:14

UDavida wasesithi kuGadi: Ngisebunzimeni obukhulu; kungcono ukuba ngiwele esandleni seNkosi, ngoba umusa wayo mkhulu, kulokuba ngiwele esandleni somuntu.

1 AmaKhosi 12:22

Kodwa ilizwi likaNkulunkulu lafika kuShemaya umuntu kaNkulunkulu lathi:

1 ImiLando 28:9

Wenake, Solomoni mntanami, ubomazi uNkulunkulu kaIsrayeli, umkhonze ngenhliziyo yonke langengqondo evumayo; ngoba iNkosi iyazihlola zonke inhliziyo, iyawazi amacebo wonke lemicabango yonke. Uba wena uyidinga, izakuziveza kuwe; kodwa uba uyitshiya, izakukulahla kokuphela.

2 ImiLando 11:2

Kodwa ilizwi leNkosi uNkulunkulu lafika kuShemaya umuntu kaNkulunkulu lathi:

2 ImiLando 12:15

Indaba zikaRehobowamu, kusukela ekuqaleni kuze kube sekucineni, zilotshiwe ogwalweni lwezindaba zomprofethi uShemaya lezikaIdo umboni. Kwakuhlala kusiba khona ukulwa phakathi kukaRehobowamu loJerobowamu.

2 ImiLando 15:2

waphuma ukuhlangabezana loAsa, wathi kuye: Lalela, Asa, lani lonke abakoJuda labakoBenjamini; iNkosi uNkulunkulu ilani nxa lani liselayo. Uba liyidinga, izalivumela ukuba liyifumane; kodwa uba liyilahla, layo izalilahla.

2 ImiLando 24:20

Umoya kaNkulunkulu wasusehlela kuZekariya indodana kaJehoyada umpristi; wema phambi kwabantu, wathi kibo: UNkulunkulu uthi: Kungani lisaphula imilayo yami ukuba lingaphumeleli na? Ngoba lingilahlile mina Nkosi, lami ngililahlile.

AmaHubo 37:33

INkosi kayiyikumnikela emandleni akhe, kayiyikumlahla lapho ethonisiswa.

UJeremiya 2:19

Ububi bakho buzakukutshaya, lokuhlehlela kwakho emuva kuzakukukhuza. Yazi, ubone ukuthi kuyinto embi ukuyihlamukela iNkosi uNkulunkulu wakho, lokuthi ukungesaba kakukho kuwe, kutsho iNkosi uNkulunkulu wamabandla.

UJeremiya 23:33

Lapho omunye walababantu loba umprofethi ingabe umpristi ekubuza esithi: Iyini indaba yeNkosi na? Wena uzakuthi kibo: Yini eliyindaba, lokuthi ngizalilahla, kutsho iNkosi.

UJeremiya 4:18

Ukuhamba kwakho lezenzo zakho kukulethele lokho. Lokhu kuyikuphela kwakho, kubuhlungu, sekufinyelele enhliziyweni yakho uqobo.

UJeremiya 5:19

Kuzakuthi lapho abakini besithi: INkosi, uNkulunkulu wethu, yenzeleni zonke lezizinto kithi na? uzakuthi kibo: Njengoba lingihlamukele, lakhonza abanye onkulunkulu elizweni lakini, lizakusebenzela abantu bezizwe elizweni elingesilo elenu.