2 ImiLando 12:1 - iBhayibhili Elingcwele 1978

¹ Kwathi uRehobowamu eselamandla, lombuso wakhe usuqinile, wawudela umlayo weNkosi, labo bonke abakoIsrayeli benza njalo.

IBhayibhili Elingcwele LesiNdebele

¹ Ngemva kokuba uRehobhowami eselamandla, lombuso wakhe usuqinile, yena kanye labo bonke abako-Israyeli bawudela umlayo kaThixo.

2 ImiLando 12:1 ပူးပေါင်းရင်းမြစ်များ

1 AmaKhosi 12:17

URehobowamu wabusa labakoIsrayeli ababehlala emizini yakoJuda.

1 AmaKhosi 14:21

URehobowamu indodana kaSolomoni wabusa koJuda. Waqala ukubusa eseleminyaka engamatshumi amane lanye, wabusa iminyaka elitshumi lesikhombisa eJerusalema, umuzi iNkosi uNkulunkulu eyayiwukhethile kuzo zonke izizwe zakoIsrayeli ukuba ibizo layo lidunyiselwe khona. Unina wayenguNahama waseAmoni.

1 AmaKhosi 9:9

Impendulo izakuthi: Kungoba bayidelile iNkosi uNkulunkulu wabo eyakhupha okhokho babo elizweni laseGibithe, banamathela kwabanye onkulunkulu, babakhonza babasebenzela. Ngalokhoke iNkosi uNkulunkulu ibehlisele bonke lobububi.

2 AmaKhosi 17:19

Laye uJuda kayigcinanga imilayo yeNkosi uNkulunkulu wakhe, kodwa walandela imikhuba eyamiswa nguIsrayeli.

2 ImiLando 11:17

Bawuqinisa umbuso wakoJuda, benza uRehobowamu indodana kaSolomoni waba lamandla iminyaka emithathu, ngoba bahamba endleleni kaDavida loSolomoni iminyaka emithathu.

2 ImiLando 11:23

Wenza ngokuhlakanipha, wawabeka amadodana akhe ezindaweni zonke zakoJuda lakoBenjamini, kuyo yonke imizi ebiyelweyo, wawanika ukudla okunengi, wawadingela abafazi.

2 ImiLando 11:3

Tshela uRehobowamu indodana kaSolomoni, inkosi yakoJuda, lalabo bonke abakoIsrayeli koJuda lakoBenjamini,

2 ImiLando 12:13

Inkosi uRehobowamu yaqinisa amandla ayo eJerusalema, yaqhubeka ibusa. Yayisileminyaka engamatshumi amane lanye lapho iqalisa ukubusa, yabusa iminyaka elitshumi lesikhombisa eJerusalema, umuzi iNkosi uNkulunkulu eyayiwukhethile phakathi kwazo zonke izizwe zakoIsrayeli ukuba ibizo layo lidunyiselwe khona. Ibizo likanina lalinguNahama umAmoni.

2 ImiLando 24:18

Bayidela indlu yeNkosi, uNkulunkulu wabokhokho babo, bakhonza insika zikankulunkulukazi uAshera lezithombe. Ulaka lukaNkulunkulu lwehlela phezu kwabakoJuda labaseJerusalema ngenxa yalesisono sabo.

U-Isaya 1:4

Hawu, sizwe esonayo, bantu abasindwa yibubi, nzalo yababi, bantwana abonakeleyo! Liyitshiyile iNkosi, limdelile oNgcwele kaIsrayeli, lihlamukile.

UJeremiya 2:31

Wena sizukulwana, lalela ilizwi leNkosi. Benginjengenkangala kuIsrayeli, lelizwe elilomnyama omkhulu na? Phoke, batsholoni abantu bami ukuthi: Sesikhululekile, kasisayikuza kuwe futhi?

UHosiya 13:1

Kwakuthi lapho uEfrayimi ekhuluma, abantu bathuthumele, wayemkhulu kuye wonke uIsrayeli; kodwa wazehlisela icala ngokukhonza uBali, wafa.

UMikha 6:16

Ngoba ligcinile izimiso zikaOmri, lenzile yonke imisebenzi yendlu kaAhabi, lahamba ngamacebo abo, ngakho ngizalichitha, labakhileyo benu babe yinhlekisa; lizakweyiswa ngabantu.

UDutheronomi 32:15

Kodwa uJeshuruni wazimuka, wasehlamuka. Yebo, uIsrayeli waminza, wakhuluphala, wazimuka. Wasedela uNkulunkulu owamenzayo, wadelela iDwala lokukhululwa kwakhe.

UDutheronomi 32:18

Kabalinanzelelanga iDwala elabazalayo, bamkhohlwa uNkulunkulu owabazalayo.

Abahluleli 2:15

Loba besiya ngaphi, isandla seNkosi sabenzela okubi njengokutsho kwayo lanjengokufunga kwayo kibo, bahlupheka kakhulu.