2 ImiLando 10:16 - iBhayibhili Elingcwele 1978

¹⁶ Lapho bonke abakoIsrayeli bebona ukuthi inkosi kayibalaleli, bayiphendula bathi: Silesabelo bani kuDavida na? Kasilalifa thina endodaneni kaJese. Yanini emizini yenu, lina bakoIsrayeli! Sala lendlu yakho, Davida. Basebehambake abakoIsrayeli, baya emizini yabo.

IBhayibhili Elingcwele LesiNdebele

¹⁶ Kwathi bonke abako-Israyeli bebona ukuthi inkosi iyala ukubalalela bayiphendula bathi: “Silesabelo bani kuDavida na, silengxenye bani endodaneni kaJese na? Yanini emizini yenu lina bako-Israyeli! Sala lendlu yakho, Davida!” Ngakho bonke abako-Israyeli babuyela emakhaya.

2 ImiLando 10:16 ပူးပေါင်းရင်းမြစ်များ

2 USamuyeli 15:13

Kwasekufika isithunywa kuDavida, sathi: Inhliziyo zabantu bakoIsrayeli sezibuyele ngakuAbisalomu.

2 USamuyeli 16:11

UDavida wasesithi kuAbishayi lakuzo zonke inceku zakhe: Eyami indodana uqobo ifuna ukungibulala; phoke, kuzakuba njani ngalo owakoBenjamini na? Myekeleni athuke, ngoba iNkosi uNkulunkulu imlayile ukuba akwenze lokhu.

2 USamuyeli 20:1

Kwakukhona lapho umuntu omubi, ibizo lakhe linguSheba indodana kaBikiri wakoBenjamini; wakhalisa uphondo wathi: Kasilasabelo kuDavida, kasilalifa endodaneni kaJese; hambani lonke emathenteni enu, Israyeli.

1 AmaKhosi 11:13

Kodwake kangiyikuwuhluthuna wonke; ngizamnika umntanakho isizwe sibe sinye ngenxa kaDavida inceku yami langenxa yeJerusalema engilikhethileyo.

1 ImiLando 17:14

kodwa ngizamqinisa yena endlini yami lasembusweni wami kuze kube nininini, lombuso wakhe uzakuma kokuphela.

2 ImiLando 10:17

URehobowamu wabusa labo abakoIsrayeli ababehlala emizini yakoJuda.

2 ImiLando 10:19

Kusukela kulesosikhathi abakoIsrayeli bayihlamuka indlu kaDavida kuze kube lamuhla.

AmaHubo 132:17

Lapho ngizakuvusa usendo lukaDavida; ngilungisele ogcotshiweyo wami isibane.

AmaHubo 76:10

Ulaka lwabantu luzakwandisa udumo lwakho; uzalugqoka.

U-Isaya 11:1

Kuzakuvela ihlumela esidindini sikaJese, kuphume ugatsha empandeni zakhe.

uAmosi 9:11

Ngalolosuku ngizakuvusa idumba likaDavida eliwileyo, ngivale izikhala zalo, ngilungise okudilikileyo kwalo, ngilakhe kutsha njengasensukwini zasendulo;

ULukha 19:14

Kodwa abantu bomuzi wakhe babemzonda, bathumela amanxusa emva kwakhe, besithi: Kasithandi ukuba lumuntu asibuse.

ULukha 19:27

Kodwa lezozitha zami ebezingathandi ukuba ngizibuse, ziletheni lapha, lizibulale phambi kwami.

UJohane 6:66

Emva kwalokhu abanengi babafundi bakhe babuyela emuva, kababe besahamba laye.

UJohane 7:53

Basebesuka, ilowo lalowo waya ekhaya.

Imisebenzi 2:30

Yena engumprofethi, ekwazi ukuthi uNkulunkulu wafunga ngesifungo kuye ukuba enzalweni yakhe uzakubeka omunye esihlalweni sakhe sobukhosi,

1 AbaseKhorinte 15:25

Ngoba umele ukubusa, aze abeke izitha zakhe ngaphansi kwenyawo zakhe.

Isambulo 22:16

Mina Jesu ngisithumile isithunywa sami ukufakaza ngalezizinto kini emabandleni; ngiyimpande lenzalo kaDavida, indonsakusa ekhanyayo.

Abahluleli 8:35

Kabatshengisanga umusa endlini kaJerubali, othiwa nguGidiyoni, ngakho konke okuhle akwenza kuIsrayeli.

1 USamuyeli 20:27

Kodwa ngosuku lwesibili, usuku olulandela ukuthwasa kwenyanga, indawo kaDavida yayingelamuntu. USawuli wasesithi kuJonathani indodana yakhe: Kungani indodana kaJese ingezanga ekudleni lamuhla layizolo na?

1 USamuyeli 22:13

USawuli wasesithi kuye: Kungani lingenzela amacebo amabi, wena lendodana kaJese, ngokuyinika isinkwa lomhedla, wayibuzela kuNkulunkulu na? Khathesi ingivukele ingicathamele.

1 USamuyeli 22:7

USawuli wathi encekwini zakhe ezazimi zimphahlile: Zwanini, lina bakoBenjamini, lithi indodana kaJese izalinika lonke amasimu lezivini, ilibeke libe yizinduna zezinkulungwane lezinduna zamakhulu na?

1 USamuyeli 22:9

Kwasekuphendula uDowegi waseEdoma owayemi lenceku zikaSawuli, wathi: Ngayibona indodana kaJese ifika eNobi kuAhimeleki indodana kaAhitubi.