2 ImiLando 10:15 - iBhayibhili Elingcwele 1978

¹⁵ Inkosi kayibalalelanga abantu; ngoba lokhu kwenziwa yiNkosi uNkulunkulu ukuze igcwalise ilizwi layo eyayilikhulume ngoAhija waseShiloni kuJerobowamu indodana kaNebati.

IBhayibhili Elingcwele LesiNdebele

¹⁵ Ngakho inkosi kayibalalelanga abantu, ngoba lokhu kwenziwa nguNkulunkulu, ukuze kugcwaliseke ilizwi likaThixo ayelikhulume ngo-Ahija waseShilo kuJerobhowamu indodana kaNebhathi.

2 ImiLando 10:15 ပူးပေါင်းရင်းမြစ်များ

2 USamuyeli 17:14

UAbisalomu labo bonke abantu bakoIsrayeli bathi: Ukweluleka kukaHushayi waseArki kungcono kulokukaAhithofeli. Ngoba iNkosi uNkulunkulu yayimisile ukuba kudilizwe ukweluleka okuhle kukaAhithofeli ukuze imehlisele okubi uAbisalomu.

1 AmaKhosi 12:15

Inkosi kayibalalelanga abantu; ngoba lokhu kwenziwa yiNkosi uNkulunkulu ukuze igcwalise ilizwi layo eyayilikhulume ngoAhija waseShiloni kuJerobowamu indodana kaNebati.

1 AmaKhosi 12:24

uthi iNkosi ithi: Lingaphumi ukulwa lezihlobo zenu abantu bakoIsrayeli. Buyelani lonke emizini yenu, ngoba lokhu kuyintando yami. Basebelilalela ilizwi leNkosi uNkulunkulu, babuyela emizini yabo njengokutsho kwayo.

1 AmaKhosi 22:20

iNkosi yathi: Ngubani ozakhohlisa uAhabi ukuba ahambe ayefela eRamothi‐Gileyadi na? Omunye watsho okunye, lomunye okunye.

2 ImiLando 10:14

yalandela esamajaha yathi: Ubaba walethwesa ubunzima, mina ngizakwengezelela kubo; walitshaya ngesiswepu, kodwa mina ngizalitshaya ngemichilo elameva.

2 ImiLando 11:4

uthi: INkosi ithi: Kaliyikuphuma ukulwa lezihlobo zenu. Buyelani lonke emizini yenu, ngoba lokhu kuyintando yami. Basebelilalela ilizwi leNkosi, babuyela emizini yabo, kabayanga ukulwa loJerobowamu.

2 ImiLando 22:7

Kwakumiswe nguNkulunkulu ukuba ukubhubha kukaAhaziya kumfikele ngokuhambela kwakhe uJehoramu. Ngoba ekufikeni kwakhe khona waphuma loJehoramu ukuyahlangabeza uJehu indodana kaNimshi, iNkosi uNkulunkulu eyayimmisele ukubhubhisa indlu kaAhabi.

2 ImiLando 9:29

Ezinye izenzo zikaSolomoni, kusukela ekuqaleni kuze kube sekucineni, zilotshiwe ezindabeni zomlando kaNathani umprofethi, lakusiprofethi sikaAhija waseShiloni, lasemibonweni kaIdo umboni emayelana loJerobowamu indodana kaNebati.

U-Isaya 19:14

INkosi ibehlisele umoya ophambeneyo; benze iGibithe ukuba lidayizele kukho konke elikwenzayo, njengomuntu odakiweyo edayizela ekuhlanzeni kwakhe.

UJohane 19:24

Ngakhoke bakhulumisana besithi: Kasingasidabuli, kodwa asisenzele inkatho ukuba sizakuba ngesikabani. Lokhu kwenzeka ukuze kugcwaliseke umbhalo othi: Babelana ingubo zami, benzelana inkatho ngesigqoko sami.

Imisebenzi 2:23

yena lo, esenikelwe ngecebo elimisiweyo langokwazi okuphambili kukaNkulunkulu, lambethela lina ngezandla zabangelamthetho, lambulala;

Imisebenzi 4:28

ukwenza lokho okwamiswa phambili yisandla sakho lecebo lakho ukuba kwenzeke.

UDutheronomi 2:30

Kodwa uSihoni inkosi yaseHeshiboni kayisivumelanga ukuba sidlule; ngoba iNkosi uNkulunkulu wenu yenza umoya wakhe waba lukhuni, lenhliziyo yakhe yaba lenkani, ukuze imnikele ezandleni zenu njengalamhlanje.

Abahluleli 14:4

Uyise lonina babengazi ukuba lokho kuvela eNkosini eyayifuna ithuba lokulwa lamaFilistiya ayebabusa abakoIsrayeli ngalesosikhathi.

1 USamuyeli 2:25

Uba umuntu esona omunye umuntu, uNkulunkulu uzakwahlulela phakathi kwabo; kodwa uba umuntu esona eNkosini, uzalanyulelwa ngubani na? Kodwa kawalalelanga ilizwi likayise; ngoba iNkosi yayifuna ukuwabulala.