2 ImiLando 1:1 - iBhayibhili Elingcwele 1978

¹ USolomoni indodana kaDavida waqina embusweni wakhe, leNkosi uNkulunkulu wakhe yayilaye, yamenza waba mkhulu kakhulu.

IBhayibhili Elingcwele LesiNdebele

¹ USolomoni indodana kaDavida waqina embusweni wakhe, ngoba uThixo uNkulunkulu wakhe wayelaye njalo wamenza waba mkhulu kakhulu.

2 ImiLando 1:1 ပူးပေါင်းရင်းမြစ်များ

UGenesisi 21:22

Kwathi ngalesosikhathi uAbimeleki loFikoli, induna yempi yakhe, bakhuluma loAbrahama bathi: UNkulunkulu ulawe kukho konke okwenzayo.

UGenesisi 39:2

INkosi yayiloJosefa, waba ngumuntu ophumelelayo; wayehlala endlini yenkosi yakhe yomGibithe.

UGenesisi 39:21

Kodwa iNkosi yaba loJosefa, yaba lomusa kuye, yenza ukuba umlindintolongo amphathe kuhle.

UGenesisi 39:3

Inkosi yakhe yabona ukuthi iNkosi ilaye, lokuthi konke akwenzayo iNkosi yakuphumelelisa.

1 AmaKhosi 2:12

USolomoni wasebusa esikhundleni sikayise uDavida, lombuso wakhe waqina.

1 AmaKhosi 2:46

Inkosi yasilaya uBenaya indodana kaJehoyada ukuba ambulale, yena waphuma wamtshaya wambulala. Ngakho umbuso waqiniswa kuSolomoni.

1 ImiLando 17:8

ngaba lawe lapho uya khona, ngachitha zonke izitha zakho ngaphambi kwakho; ngizakwenzela ibizo elikhulu phakathi kwabakhulu basemhlabeni.

1 ImiLando 22:11

Wena mntanami, iNkosi ibe lawe ukuze uphumelele ukwakha indlu yeNkosi uNkulunkulu wakho, njengokutsho kwayo ngawe.

1 ImiLando 22:16

ezikwaziyo ukusebenza ngegolide lesiliva lethusi lensimbi. Qalisake ukusebenza; iNkosi ibe lawe!

1 ImiLando 29:23

USolomoni wasebusa embusweni weNkosi uNkulunkulu esikhundleni sikaDavida uyise, waphumelela, wonke uIsrayeli wamlalela.

1 ImiLando 29:25

INkosi yamnika uSolomoni udumo olukhulu phambi kwabo bonke abakoIsrayeli, yamnika ubukhosi obungazanga bube khona kwenye inkosi ngaphambi kwakhe koIsrayeli.

1 ImiLando 29:30

kanye lakho konke ukubusa kwakhe lamandla akhe, lakho konke okwamehlelayo lokwehlela koIsrayeli lemibuso yonke yomhlaba.

2 ImiLando 32:23

Abanengi baletha iziphiwo eNkosini uNkulunkulu eJerusalema lezinto eziligugu kuHezekiya inkosi yakoJuda okwamenza wahlonitshwa yizo zonke izizwe kusukela kulesosikhathi.

U-Eksodasi 3:12

Wathi: Impela ngizakuba lawe; lokhu kuzakuba yisibonakaliso kuwe sokuba ngikuthumile; lapho usubakhuphile abantu eGibithe, lizamkhonza uNkulunkulu kulintaba.

UMatewu 28:20

libafundise ukugcina konke engililaye ngakho; khangelani, mina ngilani insuku zonke kuze kube sekupheleni kwesikhathi.

UJoshuwa 3:7

INkosi yathi kuJoshuwa: Lamhla ngizaqala ukukuphakamisa phambi kwabo bonke abakoIsrayeli ukuba bazi ukuthi njengalokho ngangiloMose, ngizakuba lawe.