2 AbaseKhorinte 9:8 - iBhayibhili Elingcwele 1978

⁸ UNkulunkulu ulamandla okulinika kakhulu iziphiwo zonke zomusa, ukuze kuthi ngokwanela kwenu ezintweni zonke lasezikhathini zonke, likhule emisebenzini yonke emihle,

IBhayibhili Elingcwele LesiNdebele

⁸ Njalo uNkulunkulu ulamandla okwenza umusa wande kini ukuze kuthi ezintweni zonke ngezikhathi zonke, lilakho konke elikuswelayo, lizakuba lokunengi kuyo yonke imisebenzi emihle.

2 AbaseKhorinte 9:8 ပူးပေါင်းရင်းမြစ်များ

2 ImiLando 25:9

UAmaziya wasesithi emuntwini kaNkulunkulu: Phoke, sizakwenza njani ngamathalenta alikhulu esengiwanike impi yakoIsrayeli na? Yena waphendula wathi: INkosi uNkulunkulu ilamandla okukunika okwedlula lokho.

AmaHubo 84:11

Ngoba iNkosi uNkulunkulu ililanga lesihlangu, iyaphana ngomusa lodumo; kayibancitshi labo abahamba ngobuqotho.

Izaga 10:22

Ukubusisa kweNkosi kuyanothisa, kayengezi usizi kukho.

Izaga 11:24

Umuntu angaphana, kanti anothe kakhulu; omunye angancitshana kakhulu, kanti uzakuswela.

Izaga 28:27

Onika abayanga kayikuswela, kodwa obavalela amehlo akhe uzaqalekiswa kakhulu.

Izaga 3:9

Dumisa iNkosi ngemfuyo yakho, langezithelo zakho zokuqala zonke;

UHagayi 2:8

Isiliva singesami legolide ngelami, kutsho iNkosi yamabandla.

UMalaki 3:10

Lethani konke okwetshumi endlini yenotho ukuba kube khona ukudla endlini yami. Lingihlole ngalokho, kutsho iNkosi yamabandla, libone ukuba kangiyikulivulela iminyango yaphezulu, ngilehlisele izibusiso ezinengi na?

Imisebenzi 9:36

Kwakukhona eJopha umfundikazi othiwa nguTabitha okuyikuthi uDorkasi; wayelemisebenzi emihle lokusiza abayanga.

1 AbaseKhorinte 15:58

Ngakhoke, bazalwane abathandekayo, manini, lingasikinyeki, likhuthale kakhulu emsebenzini weNkosi, lazi ukuthi ukusebenza kwenu kakusilo ize eNkosini.

2 AbaseKhorinte 13:3

njengoba lifuna ubufakazi bokuthi uKristu ukhuluma ngami. Yena kabuthakathaka ekuliphatheni kwakhe, kodwa ulamandla phakathi kwenu.

2 AbaseKhorinte 8:19

kungesikho lokhu kuphela, kodwa ukhethiwe futhi yiwo amabandla ukuba asiphelekezele lokusisiza emsebenzini womusa esiwenzela ukuba kudunyiswe iNkosi, lokuba kubonakaliswe ukukhuthala kwethu.

2 AbaseKhorinte 8:2

ukuthi ekulingweni okukhulu ngezinhlupheko ezingaka ukuthokoza kwawo kube kukhulu, aze aphana ngokupheleleyo ebuyangeni bawo obukhulu.

2 AbaseKhorinte 8:7

Njengalokhu likhuthele kakhulu kukho konke, ukukholwa lokukhuluma, lokwazi, lokutshisekela konke, lothando elisithanda ngalo, khuthalani lakulumsebenzi womusa.

2 AbaseKhorinte 9:11

Lizakunothiswa kukho konke kube khona ukuphana okuzaveza ukubongwa kukaNkulunkulu ngathi.

Abase-Efesu 2:10

Ngoba singumsebenzi wakhe, kuKristu Jesu sadalelwa imisebenzi emihle uNkulunkulu ayilungiselela ngaphambili ukuba sihambe ngayo.

Abase-Efesu 3:20

Ngakhoke yena olamandla okwenza okukhulu kakhulu ukwedlula konke esikucelayo lesikunakanayo ngamandla akhe asebenza kithi,

AbaseFiliphi 4:11

Kakusikho ukuthi ngitsho mayelana lokuswela kwami, ngoba sengifundile ukuba nganeliswe loba ngihlezi ngokunjani.

AbaseKholose 1:10

lihambe ngokufanele iNkosi, liyithokozise ngakho konke, lithele izithelo emisebenzini yonke elungileyo, likhule ekumazini uNkulunkulu.

2 AbaseThesalonika 2:17

aduduze inhliziyo zenu, aliqinise emisebenzini yonke emihle lasemazwini amahle.

2 uTimothi 2:21

Uba umuntu ezihlambulula ezintweni ezimbi, uzakuba yisitsha esilomsebenzi omkhulu, esenziwe saba ngcwele, esilosizo kumninindlu, esilungiselwe umsebenzi wonke omuhle.

2 uTimothi 3:17

ukuze umuntu kaNkulunkulu aphelele, alungiselwe yonke imisebenzi emihle.

UThithu 2:14

Yena wazinikela ngenxa yethu ukuze asihlenge ebubini bonke, lokuzihlambululela abantu abangabakhe abatshisekela izenzo ezinhle.

UThithu 3:14

Abakithi kabafunde ukukhuthalela imisebenzi emihle, ukuze bakwazi ukusiza abaswelayo, bangabi ngabangelazithelo.

UThithu 3:8

Liqinisile lelilizwi. Ngithanda ukuba uqinise impela ngalezizinto, ukuze abakholwa kuNkulunkulu bakhuthalele ukwenza imisebenzi emihle. Lezizinto zinhle zilosizo ebantwini.

1 UPhethro 4:10

Lisizane, kube yilowo lalowo ngesiphiwo asiphiweyo, njengabaphathi abalungileyo bomusa omnengi kaNkulunkulu.