2 AbaseKhorinte 8:9 - iBhayibhili Elingcwele 1978

⁹ Ngoba liyawazi umusa weNkosi yethu uJesu Kristu ukuthi, lanxa wayenothile, waba ngumyanga ngenxa yenu, ukuze ngobuyanga bakhe linothe lina.

IBhayibhili Elingcwele LesiNdebele

⁹ Ngoba liyawazi umusa weNkosi yethu uJesu Khristu ukuthi lanxa wayenothile kodwa waba ngumyanga ngenxa yenu, ukuze kuthi ngobuyanga bakhe lina linothe.

2 AbaseKhorinte 8:9 ပူးပေါင်းရင်းမြစ်များ

U-Isaya 53:2

Ngoba inceku yakhula njengehlumela phambi kweNkosi, lanjengempande emhlabathini owomileyo; yayingelasithunzi lobuhle ukuba siyibuke, yayingabukeki ukuba siyifune.

U-Isaya 62:1

Ngenxa yeZiyone kangiyikuthula, langenxa yeJerusalema kangiyikuphumula, kuze kuphume ukulunga kwalo njengokukhanya, lokukhululwa kwalo njengesibane esivuthayo.

U-Isaya 65:8

INkosi ithi: Lapho ihlukuzo lezithelo zevini lilewayini elihle, abantu bathi: Ungaloni, ngoba liphethe isibusiso; ngakhoke ngenxa yenceku zami kangiyikubhubhisa bonke abantu.

UMatewu 17:27

Kodwake ukuba singabakhubekisi, yana olwandle, uphose ingwegwe uthathe inhlanzi ebanjwe kuqala; kuzakuthi usuvule umlomo wayo uzakufumana imali; uyithathe ubanike ibe ngumthelo wami lowakho.

UMatewu 20:28

njengalokhu iNdodana yomuntu kayizanga ukukhonzwa, kodwa ukukhonza lokunika ukuphila kwayo, kube lihlawulo labanengi.

UMatewu 8:20

UJesu wathi kuye: Amakhanka alemilindi, lenyoni zaphezulu zilezidleke, kodwa iNdodana yomuntu kayilandawo lapho ingaqamelisa khona ikhanda layo.

UMakho 6:3

Lo kasuye umbazi, indodana kaMariya, lomfowabo kaJakobe loJose loJudasi loSimoni na? Labodadewabo kabakho yini lapha kithi? Bakhubeka ngaye.

ULukha 16:11

Ngakhoke uba lingathembekanga enothweni engalunganga, ngubani ozakuliphathisa inotho eqotho na?

ULukha 2:7

Wazibula ngendodana, wayigoqela ngamalembu, wayilalisa emtshokotshweni, ngoba baswela indawo endlini yezihambi.

ULukha 8:3

loJowana umkaKuza induna kaHerodi, loSusana, labanye abanengi, ababebasiza ngempahla yabo.

ULukha 9:58

UJesu wathi kuye: Amakhanka alemilindi, lenyoni zaphezulu zilezidleke, kodwa iNdodana yomuntu kayilandawo lapho ingaqamelisa khona ikhanda layo.

UJohane 1:10

Wayekhona emhlabeni, umhlaba wenziwa ngaye; kodwa umhlaba kawumazanga.

UJohane 1:14

ULizwi waba yinyama, wahlala phakathi kwethu, sabona inkazimulo yakhe injengeyozelwe yedwa kaYise, egcwele umusa leqiniso.

UJohane 1:17

Ngoba umlayo wanikwa ngoMose, umusa leqiniso kweza ngoJesu Kristu.

UJohane 12:30

UJesu waphendula wathi: Lelilizwi kalizanga ngenxa yami kodwa ngenxa yenu.

UJohane 16:15

Konke uBaba alakho kungokwami; yikhoke ngisithi uzakuthatha okungokwami, alibikele khona.

UJohane 17:19

Ngenxa yabo ngiyazahlukanisela ukuze labo bahlukaniselwe ngeqiniso.

AbaseRoma 11:12

Kodwa uba isiphambeko sabo sinothisa umhlaba, lokwahluleka kwabo kunothisa abezizwe, ukuphelela kwabo kuzaletha okukhulu kangakanani.

AbaseRoma 15:3

Ngoba uKristu kazithokozisanga yena, kodwa kunjengokuba kulotshiwe ukuthi: Ukuthuka kwabakuthukayo kwehlela phezu kwami.

AbaseRoma 5:8

Kodwa uNkulunkulu uqinisa uthando lwakhe kithi ngalokhu ukuthi uKristu wasifela siseyizoni.

AbaseRoma 8:32

Yena ongayigodlanga eyakhe iNdodana, kodwa wayinikelela thina sonke, angehluleka kanjani ukusinika konke kanye layo na?

1 AbaseKhorinte 1:4

Ngiyambonga uNkulunkulu ngesikhathi sonke ngani ngenxa yomusa kaNkulunkulu eliwuphiweyo kuKristu Jesu,

1 AbaseKhorinte 15:47

Umuntu wokuqala wavela emhlabeni, ungowomhlabathi; umuntu wesibili wavela ezulwini.

2 AbaseKhorinte 6:10

njengabalosizi, kanti siyathokoza njalonjalo; njengabayanga, kanti sinothisa abanengi; njengabangelalutho, kanti silakho konke.

Abase-Efesu 2:7

ukuze kuthi ezikhathini ezizayo abonakalise inotho enkulu yomusa wakhe lobubele bakhe kithi kuKristu Jesu.

Abase-Efesu 3:19

kothando lukaKristu, lokulwazi lanxa lusedlula ukwazi konke, ukuze ligcwaliswe ngakho konke ukugcwala kukaNkulunkulu.

Abase-Efesu 3:8

Mina engimncinyane kulabo bonke abangcwele ngawuphiwa lowomusa wokutshumayela kwabezizwe ivangeli lenotho kaKristu engelakulinganiswa,

AbaseKholose 1:24

Khathesi ngiyathokoza ekulihluphekeleni kwami. Lokho okusileleyo enhluphekweni zikaKristu ngiyakugcwalisa emzimbeni wami ngenxa yomzimba wakhe olibandla.

1 uTimothi 6:18

Kabenze okuhle banothe ngemisebenzi emihle, baphane babelane,

AmaHebheru 1:2

Kodwa kulezinsuku zokucina ukhulume kithi ngeNdodana ayimise ibe yindlalifa yezinto zonke, yona adala ngayo futhi umhlaba.

UJakhobe 2:5

Zwanini, bazalwane bami abathandekayo; uNkulunkulu kabakhethanga yini abayanga emhlabeni ukuba babe ngabanothileyo ngokukholwa lezindlalifa zombuso awuthembisayo kulabo abamthandayo na?

Isambulo 2:9

Ngiyakwazi ukuhlupheka kwakho lobuyanga bakho — kanti wena unothile — lenhlamba yalabo abathi bangabaJuda, bona bengesibo, kodwa beyisinagoge likaSathane.

Isambulo 21:7

Onqobayo uzakudla ilifa lalezizinto; ngizakuba nguNkulunkulu wakhe, yena abe yindodana yami.

Isambulo 3:18

Ngakhoke ngiyakweluleka ukuba uthenge kimi igolide elihlanjululwe ngomlilo ukuba unothe, lengubo ezimhlophe ukuze wambathe, ufihle ihlazo lokuhambaze kwakho, uthenge lamagcobo okugcoba amehlo akho ukuba ubone.