2 AbaseKhorinte 8:7 - iBhayibhili Elingcwele 1978

⁷ Njengalokhu likhuthele kakhulu kukho konke, ukukholwa lokukhuluma, lokwazi, lokutshisekela konke, lothando elisithanda ngalo, khuthalani lakulumsebenzi womusa.

IBhayibhili Elingcwele LesiNdebele

⁷ Kodwa njengoba lisenza kuhle ezintweni zonke, ekukholweni, ekukhulumeni, ekwazini, ekuzimiseleni okupheleleyo kanye lakukho ukusithanda kwenu, bonani ukuthi liyaqhubeka futhi kulumusa wokuphana.

2 AbaseKhorinte 8:7 ပူးပေါင်းရင်းမြစ်များ

UMatewu 25:22

Kweza layo eyayamukele amadola angamakhulu amabili, yathi: Nkosi, wanginika amadola angamakhulu amabili. Khangela, ngizuzile amanye amakhulu amabili.

AbaseRoma 15:14

Mina ngokwami nganelisiwe ngani, bazalwane, ukuthi lina ligcwele okuhle, ligcwalisiwe yikwazi konke, lilamandla futhi okwelulekana.

1 AbaseKhorinte 1:5

ukuthi ezintweni zonke linothisiwe kuye, ekukhulumeni konke lekwazini konke,

1 AbaseKhorinte 12:13

Ngoba ngoMoya munye thina sonke sabhaphathizwa sibe mzimba munye, loba singabaJuda loba singamaGriki, loba siyizigqili loba singabakhululekileyo. Thina sonke sanathiswa Moya munye.

1 AbaseKhorinte 12:8

Omunye uphiwa ngoMoya ukukhuluma ngokuhlakanipha, omunye aphiwe ilizwi lokwazi ngaye lowoMoya,

1 AbaseKhorinte 13:2

Loba ngingaba lamandla okutshumayela, ngiqedisisa imfihlakalo zonke lokwazi konke, loba ngingaba lokukholwa konke kokuba ngisuse intaba, kodwa uba ngingelalo uthando, kangisilutho.

1 AbaseKhorinte 13:8

Uthando kalusoze lwaphela; kodwa uba kukhona ukutshumayela, kuzakudlula; uba kukhona ukukhuluma ngendimi, kuzakuphela; uba kukhona ukwazi, kuzakudlula.

1 AbaseKhorinte 14:12

Lanike, lokhu litshisekela iziphiwo zomoya, zamani ukuba libe lalezo kakhulu ezakhayo ibandla.

1 AbaseKhorinte 4:7

Ngoba ngubani okwenza ukuba wehluke kwabanye na? Kuyini olakho ongakwamukeliswanga na? Kodwa uba wamukelisiwe, uzincomelani ngokungathi yilutho ongalamukeliswanga na?

2 AbaseKhorinte 7:7

kungesikho ngokufika kwakhe kuphela, kodwa langenduduzo aduduzeka ngayo ngani. Wasilandisela ngokusilangatha kwenu, langokudabuka kwenu, langokutshiseka kwenu ngami, ngaze ngathokoza kakhulu.

2 AbaseKhorinte 8:6

Ngakhoke sacela uTitosi ukuthi, njengalokhu wayeseqalile ngaphambili lumsebenzi womusa, kaqhubeke awuqede.

2 AbaseKhorinte 9:14

Bazalilangatha belikhulekela ngenxa yenotho yomusa uNkulunkulu alinike wona.

2 AbaseKhorinte 9:8

UNkulunkulu ulamandla okulinika kakhulu iziphiwo zonke zomusa, ukuze kuthi ngokwanela kwenu ezintweni zonke lasezikhathini zonke, likhule emisebenzini yonke emihle,

Abase-Efesu 4:29

Kakungaphumi emlonyeni wenu lalinye ilizwi elibi, kodwa kakube ngelilungele ukwakha njengokufaneleyo ngalesosikhathi, ukuze libe yisibusiso kulabo abezwayo.

AbaseFiliphi 1:11

ligcwaliswe ngezithelo zokulunga ezingoJesu Kristu, kube yibukhosi lodumo kuNkulunkulu.

AbaseFiliphi 1:9

Ngikhulekela ukuthi uthando lwenu lwande kakhulu njalo ekwazini lasekuqedisiseni konke,

2 AbaseThesalonika 1:3

Simele ukumbonga njalo uNkulunkulu ngani, bazalwane, njengoba kufanele, ngoba ukukholwa kwenu kuyanda kakhulu, lothando lwenu lonke omunye komunye luyakhula.

2 uTimothi 2:1

Ngakhoke, wena mntanami, qina emuseni okuKristu Jesu.

AmaHebheru 12:28

Umbuso esiwuphiweyo kawulakunyikinyekiswa; ngakho asimbonge uNkulunkulu, ukuze simkhonze njengokuba efanele ukukhonzwa, ngokuthobeka langokwesaba;

1 UPhethro 1:22

Ngokulalela iqiniso selihlambulule imiphefumulo yenu ukuthanda abazalwane ngobuqotho; ngakhoke thandanani ngokupheleleyo ngenhliziyo yonke.

2 UPhethro 3:18

Kodwa khulani emuseni lasekwazini iNkosi yethu loMsilisi uJesu Kristu. Kakube kuye ubukhosi khathesi kuze kube lusuku olungapheliyo.

Isambulo 3:17

Ngoba uthi: Nginothile, ngiphumelele, kangisweli lutho. Kanti kawazi ukuthi ungohluphekayo, ohawulayo, ongumyanga, oyisiphofu, lohambaze.