2 AbaseKhorinte 8:4 - iBhayibhili Elingcwele 1978

⁴ asicela kakhulu ukuba anikwe ithuba lokuhlanganyela lathi ekusizeni abangcwele.

IBhayibhili Elingcwele LesiNdebele

⁴ basincenga ngokuphangisa ukuba babe lethuba lokuhlanganyela kulokhukusebenzela abantu beNkosi.

2 AbaseKhorinte 8:4 ပူးပေါင်းရင်းမြစ်များ

UMatewu 10:42

Ilowo lalowo ozakumnathisa omunye walababancinyane inkezo eyodwa nje yamanzi aqandayo, ngoba engumfundi, ngiqinisile ngithi kini: Kasoze alahlekelwa ngumvuzo wakhe.

UMatewu 12:50

Ngoba ilowo lalowo owenza intando kaBaba osezulwini nguye ongumfowethu lodadewethu lomama.

UMatewu 25:40

INkosi izakuphendula ithi kibo: Ngiqinisile ngithi kini: Njengokuba likwenzile komunye walaba abafowethu abancinyane, likwenzile lakimi.

UMakho 14:7

Ngoba abayanga lihlala lilabo; uba lithanda, lingabenzela okuhle; kodwa mina kalihlali lilami.

Imisebenzi 11:29

Abafundi bazimisela ukuba ilowo lalowo wabo athumele njengamandla akhe okokusiza abazalwane abahlala eJudiya.

Imisebenzi 16:15

Kuthe esebhaphathiziwe kanye lendlu yakhe, wasincenga esithi: Uba lingibona ukuthi ngithembekile eNkosini, wozani endlini yami lihlale khona. Wasicindezela.

Imisebenzi 24:17

Kwathi ngemva kweminyaka ethile ngafika ukuletha iziphiwo leminikelo esizweni sakithi.

AbaseRoma 15:31

ukuze ngiphephe kwabangakholwayo baseJudiya lokuba umsebenzi engiya ngawo eJerusalema wamukeleke kibo abangcwele,

1 AbaseKhorinte 16:1

Mayelana lomnikelo obuthelwa abangcwele, njengoba ngalaya amabandla aseGalathiya, yenzani njaloke lani.

1 AbaseKhorinte 16:15

Bazalwane, liyayazi indlu kaStefana ukuthi iyingqabutho yaseAkaya ekukholweni, lokuthi bazimisele ukukhonza abangcwele;

2 AbaseKhorinte 9:1

Mayelana lokunikelela abangcwele kakusweleki ukuba ngililobele;

AbaseGalathiya 2:10

Bacela lokhu kuphela ukuba sikhumbule abayanga, into lami engangikhuthalele ukuyenza.

AbaseGalathiya 6:10

Ngakhoke njengoba silethuba asenze okuhle kibo bonke, ikakhulu kwabendlu yokukholwa.

1 uTimothi 5:10

onconywa ngemisebenzi emihle, owondle abantwana bakhe, ongenise izihambi, ogezise inyawo zabangcwele, osize abahluphekayo, okhuthalele umsebenzi wonke omuhle.

AmaHebheru 6:10

Ngoba uNkulunkulu kasuye ongalunganga ukuba akhohlwe umsebenzi wenu lothando elalubonakalisa ngenxa yakhe ngokusebenzela abangcwele, njengoba lisakwenza.