2 AbaseKhorinte 8:2 - iBhayibhili Elingcwele 1978

² ukuthi ekulingweni okukhulu ngezinhlupheko ezingaka ukuthokoza kwawo kube kukhulu, aze aphana ngokupheleleyo ebuyangeni bawo obukhulu.

IBhayibhili Elingcwele LesiNdebele

² Ekulingweni kwawo okunzima kakhulu lokuthokoza kwawo okukhulu kanye lobuyanga bawo bokucina kugcwele ukuphana okumangalisayo.

2 AbaseKhorinte 8:2 ပူးပေါင်းရင်းမြစ်များ

Izaga 11:25

Ophanayo uzakunotha, losizayo uzasizwa.

UMatewu 20:15

Angivunyelwa yini ukwenza engikuthandayo ngezinto zami na? Ulomona ngokuphana kwami na?

AbaseRoma 12:8

lolayayo kasisebenzise ekulayeni; ophanayo kanike ngesihle; osizayo kasize ngokutshiseka; olesihawu kakwenze ngentokozo.

AbaseRoma 2:4

Kumbe uyabeyisa yini ubukhulu besihawu sakhe lobokubekezela lobesineke sakhe na? Kawazi yini ukuba isihawu sikaNkulunkulu sikudonsela ekuphendukeni na?

2 AbaseKhorinte 1:12

Ukuzincoma kwethu yilokhu, okuyibufakazi besazela sethu, ukuthi sahamba emhlabeni ikakhulu maqondana lani ngobungcwele langobuqotho, kungesikho ngokuhlakanipha komhlaba kodwa ngomusa kaNkulunkulu.

2 AbaseKhorinte 2:9

Ngenxa yalokhu ngaloba ukuze ngilihlole, ngazi ukuba lingabalalelayo ezintweni zonke.

2 AbaseKhorinte 6:10

njengabalosizi, kanti siyathokoza njalonjalo; njengabayanga, kanti sinothisa abanengi; njengabangelalutho, kanti silakho konke.

2 AbaseKhorinte 9:11

Lizakunothiswa kukho konke kube khona ukuphana okuzaveza ukubongwa kukaNkulunkulu ngathi.

2 AbaseKhorinte 9:13

Ngoba ngokubona linkonzo abanengi bazakudumisa uNkulunkulu lapho bebona ukulalela kwenu ekuvumeni ivangeli likaKristu, lalapho bebona ukuphana kwenu ekusweleni kwabo lekusweleni kwabo bonke.

UDutheronomi 15:4

Kodwa kakuyikuba labayanga phakathi kwenu, ngoba iNkosi uNkulunkulu wenu izakulibusisa elizweni elinika lina ukuba libe ngelenu,

1 AbaseThesalonika 1:6

Lani lalingisa thina leNkosi; ekuhluphekeni okukhulu selilamukele ilizwi ngokuthokoza kukaMoya oNgcwele,

1 AbaseThesalonika 2:14

Ngoba lina, bazalwane, lafana lamabandla kaNkulunkulu akuKristu Jesu, wona aseJudiya; ngoba lani lahlutshwa ngabesizwe sakini njengalokhu lawo ahlutshwa ngabaJuda

UJakhobe 2:5

Zwanini, bazalwane bami abathandekayo; uNkulunkulu kabakhethanga yini abayanga emhlabeni ukuba babe ngabanothileyo ngokukholwa lezindlalifa zombuso awuthembisayo kulabo abamthandayo na?

Isambulo 2:9

Ngiyakwazi ukuhlupheka kwakho lobuyanga bakho — kanti wena unothile — lenhlamba yalabo abathi bangabaJuda, bona bengesibo, kodwa beyisinagoge likaSathane.