2 AbaseKhorinte 8:10 - iBhayibhili Elingcwele 1978

¹⁰ Nanku ukubona kwami ngalindaba; ngithi kulilungele ukuba liwuqede lowomsebenzi elawuqalisa nyakenye, lalingabokuqala ukuwenza lokuthanda ukuwenza.

IBhayibhili Elingcwele LesiNdebele

¹⁰ Njalo nansi iseluleko sami mayelana lalokho okuhle kakhulu kini kule indaba: Nyakenye libe ngabokuqala kungayisikho ekupheni nje kuphela kodwa lekubeni lesifiso sokwenza njalo.

2 AbaseKhorinte 8:10 ပူးပေါင်းရင်းမြစ်များ

Izaga 19:17

Olomusa kumyanga weboleka iNkosi, yona izamvuza ngesenzo sakhe.

UMatewu 10:42

Ilowo lalowo ozakumnathisa omunye walababancinyane inkezo eyodwa nje yamanzi aqandayo, ngoba engumfundi, ngiqinisile ngithi kini: Kasoze alahlekelwa ngumvuzo wakhe.

UJohane 11:50

futhi kalinakani ukuthi kulilungele ukuba umuntu oyedwa afele abantu, ukuze isizwe sonke singabhubhi.

UJohane 16:7

Kodwa ngilitshela iqiniso lokuthi kulilungele ukuba ngihambe; ngoba nxa ngingahambi, uMsizi kayikuza kini; kodwa uba ngihamba, ngizakumthumela kini.

UJohane 18:14

Kwakunguye uKayafasi owayecebise abaJuda ukuthi kulungile ukuba umuntu oyedwa afe ngenxa yesizwe.

1 AbaseKhorinte 10:23

Izinto zonke zivumelekile, kodwa izinto zonke kazisizi; izinto zonke zivumelekile, kodwa izinto zonke kazakhi.

1 AbaseKhorinte 16:2

Ngosuku lokuqala lweviki kakube yilowo lalowo azibekele aqogelele njengokuzuza kwakhe, ukuze kuthi nxa ngifikayo, kungabi yisikhathi sokubuthwa komnikelo.

1 AbaseKhorinte 6:12

Zonke izinto zivumelekile kimi, kodwa zonke izinto kazisizi. Zonke izinto zivumelekile kimi, kodwa mina kangilakubuswa lutho.

1 AbaseKhorinte 7:25

Mayelana labangendanga kangilawo umlayo weNkosi, kodwa ngiyeluleka ngokubona kwami njengothembekileyo ngokuhawukelwa yiNkosi.

1 AbaseKhorinte 7:40

Kodwa ngokubona kwami ubusisiwe, uba ehlala njengalokho enjalo; lami ngithi ngiloMoya kaNkulunkulu.

2 AbaseKhorinte 12:1

Kumele ukuba ngizincome lanxa kungasizi lutho; sengizakulandisa ngemibono langezambulo zeNkosi.

2 AbaseKhorinte 8:6

Ngakhoke sacela uTitosi ukuthi, njengalokhu wayeseqalile ngaphambili lumsebenzi womusa, kaqhubeke awuqede.

2 AbaseKhorinte 8:8

Kangililawuli ngokutsho lokhu, kodwa ukuze ukukhuthala kwabanye kuhlole ubuqotho bothando lwenu.

2 AbaseKhorinte 9:2

ngoba ngiyakwazi ukuzilungisela kwenu engizincoma ngakho ngani kwabaseMakedoniya, ngisithi iAkaya laselizilungisele kusukela nyakenye; lokutshisekela kwenu kubavusile abanengi.

AbaseFiliphi 4:17

Kangitsho ukuthi ngifuna isiphiwo, kodwa ngifuna isithelo esizakwandisa ukulunga kwenu.

AmaHebheru 13:16

lingakhohlwa ukwenza okuhle lokuphana; ngoba iminikelo enjalo iyamthokozisa uNkulunkulu.