2 AbaseKhorinte 7:7 - iBhayibhili Elingcwele 1978

⁷ kungesikho ngokufika kwakhe kuphela, kodwa langenduduzo aduduzeka ngayo ngani. Wasilandisela ngokusilangatha kwenu, langokudabuka kwenu, langokutshiseka kwenu ngami, ngaze ngathokoza kakhulu.

IBhayibhili Elingcwele LesiNdebele

⁷ kungayisikho ngokufika kwakhe nje kuphela kodwa langokumduduza kwenu. Wasitshela ngokungikhumbula kwenu, usizi lwenu olukhulu, lokutshiseka kwenu likhathazeka ngami, ukuthokoza kwami kwaze kwaba kukhulu kakhulu.

2 AbaseKhorinte 7:7 ပူးပေါင်းရင်းမြစ်များ

AmaHubo 141:5

Olungileyo kangitshaye, kuzakuba ngumusa kimi; kodwa ikhanda lami kaliyikugcotshwa ngamagcobo ababi. Umkhuleko wami umelana lezenzo zabo ezimbi.

AmaHubo 30:5

Ngoba ukuthukuthela kwayo kungokwesikhatshana nje, kanti umusa wayo ungowokuphila konke. Ukukhala kungaba khona kusihlwa, kanti ukuthokoza kuyafika ekuseni.

AmaHubo 38:18

Ngiyavuma ukona kwami, ngiyadabuka ngesono sami.

AmaHubo 51:1

Ngihawukela, Nkulunkulu, ngothando lwakho olungapheliyo, yesula iziphambeko zami ngobubele bakho obukhulu.

UMatewu 26:75

UPetro wasekhumbula ilizwi likaJesu lokuthi: Lingakakhali iqhude, uzakungilandula kathathu. Waphumela ngaphandle, wakhala ngokudabuka okukhulu.

UMatewu 5:4

Babusisiwe abakhalayo, ngoba bazakududuzwa.

ULukha 22:44

Esosizini olunzima wakhuleka kakhulu, izithukuthuku zakhe zaba njengamathonsi egazi, athontela emhlabathini.

Imisebenzi 11:23

Kwathi ukuba afike, wabona umusa kaNkulunkulu, wathokoza, wabalaya bonke ukuba babambelele eNkosini ngokuzimisela kwenhliziyo.

AbaseRoma 1:12

ngitsho ukuthi ngiduduzeke kanye lani, mina ngokukholwa kwenu lani ngokukholwa kwami.

1 AbaseKhorinte 5:2

Kodwa lina liyazikhukhumeza kulokuba likhale; lalowo owenze lokho kasuswe phakathi kwenu.

2 AbaseKhorinte 1:14

njengalokhu seliqedisisile kancinyane ukuthi lingazincoma ngathi, njengalokhu lathi singazincoma ngani osukwini lweNkosi yethu uJesu.

2 AbaseKhorinte 1:4

osiduduza ekuhluphekeni kwethu konke, ukuze sibe lamandla okududuza abasekuhluphekeni ngenduduzo esiduduzwa ngayo thina nguNkulunkulu.

2 AbaseKhorinte 2:9

Ngenxa yalokhu ngaloba ukuze ngilihlole, ngazi ukuba lingabalalelayo ezintweni zonke.

2 AbaseKhorinte 5:2

Impela khathesi siyabubula, silangatha ukwambatha indlu yethu yasezulwini,

2 AbaseKhorinte 7:6

Kodwa uNkulunkulu oduduza abadanileyo wasiduduza ngokufika kukaTitosi,

2 AbaseKhorinte 7:8

Lanxa ngalidabukisa ngencwadi yami, kangizisoli; loba ngazisola ngokubona ukuthi leyoncwadi yalidabukisa, lanxa ngokwesikhathi nje.

2 AbaseKhorinte 8:16

Kabongwe uNkulunkulu ofaka enhliziyweni kaTitosi inkuthalo ngani.

AbaseFiliphi 1:20

njengokufisa lokuthemba kwami okukhulu ukuthi kangiyikuyangeka, kodwa ngesibindi sonke, khathesi langezikhathi zonke, uKristu uzakudunyiswa emzimbeni wami, loba ngisila loba ngisifa.

AbaseKholose 2:5

Ngoba lanxa ngingekho ngokomzimba, kanti ngikhona kini ngokomoya, ngithokoza lapho ngibona ukulungelana kwenu lokuqina kokukholwa kwenu kuKristu.

1 AbaseThesalonika 3:6

Kodwa khathesi uTimothi usefikile kithi evela kini, usibikela indaba ezinhle zokukholwa lothando lwenu, lokuthi lihlala lisikhumbula kuhle, lifisa ukusibona njengoba lathi sifisa ukulibona.

1 AbaseThesalonika 3:8

ngoba khathesi siyavuselelwa, uba lina limi liqinile eNkosini.

AmaHebheru 2:1

Ngakhoke asiqaphelisise esikuzwileyo funa mhlawumbe siduhe kukho.

UJakhobe 5:17

UElija wayengumuntu njengathi nje, wakhuleka ngokuqotho ukuba lingani; kalinanga emhlabeni okweminyaka emithathu lenyanga eziyisithupha;

2 UJohane 1:4

Ngathokoza kakhulu ngoba ebantwaneni bakho ngifumene abathile abahamba eqinisweni, njengokulaywa kwethu nguBaba.

UJuda 1:3

Bathandekayo, lapho ngisatshisakela ukulilobela ngokusiliswa esikuhlanganyelayo, ngabona ukuthi kuswelekile ukuba ngililobele, ngilikhuthaze, ukuba lilwele ukukholwa abakunikwayo abangcwele kwaba kanye.