2 AbaseKhorinte 7:4 - iBhayibhili Elingcwele 1978

⁴ Ngiyalithemba kakhulu, ngiyaziqhenya ngani; yinkulu induduzo yami; phakathi kwazo zonke inhlupheko zethu ngilentokozo enkulu.

IBhayibhili Elingcwele LesiNdebele

⁴ Ngilethemba elikhulu ngani; ngiyazigqaja kakhulu ngani. Ngiduduzekile kakhulu; kuzozonke inhlupho zethu intokozo yami kayilamikhawulo.

2 AbaseKhorinte 7:4 ပူးပေါင်းရင်းမြစ်များ

Imisebenzi 5:41

Ngakho basuka phambi komphakathi bethokoza, ngoba babefanele ukudunyazwa ngenxa yalelobizo.

AbaseRoma 5:3

Kakusikho lokhu kuphela; futhi asithokoze langenhlupheko zethu sazi ukuthi ukuhlupheka kuveza ukuphikelela,

1 AbaseKhorinte 1:4

Ngiyambonga uNkulunkulu ngesikhathi sonke ngani ngenxa yomusa kaNkulunkulu eliwuphiweyo kuKristu Jesu,

2 AbaseKhorinte 1:14

njengalokhu seliqedisisile kancinyane ukuthi lingazincoma ngathi, njengalokhu lathi singazincoma ngani osukwini lweNkosi yethu uJesu.

2 AbaseKhorinte 1:4

osiduduza ekuhluphekeni kwethu konke, ukuze sibe lamandla okududuza abasekuhluphekeni ngenduduzo esiduduzwa ngayo thina nguNkulunkulu.

2 AbaseKhorinte 10:8

Loba ngingaze ngizincome ngaphezudlwana ngamandla ethu eyasinika wona iNkosi ukuba lakhiwe lingachithwa ngawo, kangiyikuyangeka.

2 AbaseKhorinte 11:21

Ngitsho ngilenhloni ukuthi thina besibuthakathaka! Kodwa kulokho umuntu alesibindi sokuzincoma ngakho, lapha ngikhuluma njengesithutha, lami ngilesibindi sokuzincoma ngakho.

2 AbaseKhorinte 2:14

Kabongwe uNkulunkulu osiholayo njalo odwendweni lokunqoba ngoKristu, ebonakalisa ngathi iphunga elihle lokwazi kwakhe endaweni zonke.

2 AbaseKhorinte 3:12

Ngakhoke, lokhu silethemba elinje, sikhuluma ngesibindi;

2 AbaseKhorinte 7:14

Ngoba uba ngake ngazincoma ngolutho kuye ngani, kangidaniswanga; kodwa njengoba konke esakukhuluma kini kwaba liqiniso, ngokunjalo ukuzincoma kwethu kuTitosi kwaba liqiniso.

2 AbaseKhorinte 8:24

Ngakhoke bonakalisani kubo phambi kwamabandla ubufakazi bothando lwenu lokuzincoma kwethu ngani.

AbaseFiliphi 1:14

langenxa yakho abazalwane abanengi baqinisiwe eNkosini, sebelesibindi sokukhuluma ilizwi likaNkulunkulu ngokungesabi.

AbaseFiliphi 1:20

njengokufisa lokuthemba kwami okukhulu ukuthi kangiyikuyangeka, kodwa ngesibindi sonke, khathesi langezikhathi zonke, uKristu uzakudunyiswa emzimbeni wami, loba ngisila loba ngisifa.

AbaseFiliphi 1:26

ukuze ukuzibonga kwenu ngami kwande kuKristu Jesu ngokufika kwami kini futhi.

AbaseFiliphi 2:17

Yebo, loba nginikelwa emhlatshelweni ongumnikelo wokukholwa kwenu, ngiyathokoza kanye lani lonke.

AbaseKholose 1:24

Khathesi ngiyathokoza ekulihluphekeleni kwami. Lokho okusileleyo enhluphekweni zikaKristu ngiyakugcwalisa emzimbeni wami ngenxa yomzimba wakhe olibandla.

1 AbaseThesalonika 2:19

Ngoba liyini ithemba lethu, lokuthokoza, lomqhele wokuzincoma kwethu phambi kweNkosi yethu uJesu ekufikeni kwayo? Angithi yini na?

1 AbaseThesalonika 2:2

Kodwa lanxa sasihluphekile kuqala saphathwa kubi eFiliphi, njengoba lisazi lani, saba lesibindi kuNkulunkulu sokulitshumayeza ivangeli likaNkulunkulu phakathi kobunzima obukhulu.

2 AbaseThesalonika 1:4

Ngakhoke thina ngokwethu siyazincoma ngani emabandleni kaNkulunkulu ngenxa yokuqina lokukholwa kwenu phakathi kokuzingelwa konke lasezinhluphekweni elibekezela kuzo.

UFilimoni 1:7

Uthando lwakho, mzalwane, lunginike ukuthokoza okukhulu lokududuzeka, ngoba inhliziyo zabantu bakaNkulunkulu zihlunyelelisiwe ngawe.

UJakhobe 1:2

Bazalwane bami, nxa lisehlelwa yizilingo ngezilingo, kalibokuthi kuyikuthokoza kodwa,