2 AbaseKhorinte 7:11 - iBhayibhili Elingcwele 1978

¹¹ Khangelani, khona lokhokudabukiswa kwenu okungendlela kaNkulunkulu kuveze kini ukukhuthala okungaka, lokuziphendulela, lokuthukuthela, lokwesaba, lokusilangatha, lokutshiseka, lokuthanda ukuba kwenziwe ukulunga. Kukho konke lazibonakalisa ukuthi kalilacala.

IBhayibhili Elingcwele LesiNdebele

¹¹ Khangelani ukuba usizi lokwesaba uNkulunkulu lolu selufezeni kini: ukutshisekela okungaka, lokufisa okungaka ukuba lizigeze, lentukuthelo engaka, lokwethuka okungaka ekuboneni ukulunga kusenziwa. Kukho konke libonakalise ukuthi lina limsulwa kule indaba.

2 AbaseKhorinte 7:11 ပူးပေါင်းရင်းမြစ်များ

UNehemiya 13:25

Ngaphikisana labo, ngabaqalekisa, ngatshaya abanye babo, ngangcothula inwele zabo; ngabafungisa ngebizo likaNkulunkulu ukuba bathi: Kasisayikwendisela amadodakazi ethu amadodana abo, loba sithathele amadodana ethu amadodakazi abo, ingabe sizithathele thina.

UJobe 42:6

Ngakhoke sengizisola, ngiyaphenduka ngihlale othulini lasemlotheni.

AmaHubo 119:139

Ukutshiseka kwami kuyangidla, lapho izitha zami zikhohlwa amazwi akho.

AmaHubo 130:6

umphefumulo wami uyayilindela iNkosi ukwedlula abalindi belindele ukusa, yebo, ukwedlula abalindi belindele ukusa.

AmaHubo 145:19

Iyakholisa isifiso sabo bonke abayesabayo; iyezwa lokukhuleka kwabo, ibakhulule.

AmaHubo 2:11

Ikhonzeni iNkosi ngokwesaba, lithuthumele,

AmaHubo 35:13

Kanti ekuguleni kwabo ngagqoka ezokuzila, ngazihlupha ngokuzila ukudla, ngakhuleka ngikhothamise ikhanda lami,

AmaHubo 38:9

Nkosi, ukufisa kwami konke kuyaziwa nguwe, lokububula kwami kakufihlakalanga kuwe.

AmaHubo 42:1

Njengalokhu impala inxwanele imifula yamanzi, ngokunjalo umphefumulo wami unxwanela wena, Nkulunkulu.

AmaHubo 69:9

Ngoba ukutshisekela indlu yakho kungidlile, lenhlamba yabakuthukayo yehlele phezu kwami.

Izaga 14:16

Ohlakaniphileyo uyaqaphelisa ukuba angenzi okubi, kodwa oyisithutha kaqaphelisi, kazinqandi.

Izaga 28:14

Ubusisiwe lowomuntu owesaba ukwenza okubi, kodwa owenza inhliziyo yakhe ibe lukhuni uzahlupheka.

Ingoma 8:6

Ngigqiza ngibe luphawu esifubeni sakho lophawu engalweni yakho; ngoba uthando lulamandla njengokufa, lomhawu ulesihluku njengeliba; uthando luyavutha njengomlilo, lutshise njengelangabi.

U-Isaya 26:8

Nkosi, sihambe endleleni yemilayo yakho, sakuthemba; imiphefumulo yethu ilangatha ibizo lakho lezikhumbuzo zakho.

U-Isaya 66:2

Zonke lezizinto zenziwe yizandla zami, ngakho zonke lezizinto ngezami, kutsho iNkosi. Kodwa umuntu engimqaphelisayo yilowo othobekileyo, olomoya odabukileyo, olesabayo ilizwi lami.

UDanyeli 6:14

Lapho inkosi isizwile lawomazwi yaba losizi kakhulu, yadinga indlela yokumkhulula uDaniyeli. Yanakana ngokumophula laze latshona ilanga.

UMakho 3:5

Wabathalaza ngokuthukuthela, edabukile ngobulukhuni benhliziyo zabo; wathi kulowomuntu: Yelula isandla sakho. Waselula, isandla sakhe sasiliswa.

UJohane 2:17

Abafundi bakhe bakhumbula ukuba kulotshiwe ukuthi: Ukutshisekela indlu yakho kuyangidla.

Imisebenzi 17:16

Kwathi uPawuli esabalindele eAtene, umoya wakhe wakhathazeka phakathi kwakhe ebona umuzi ugcwele izithombe.

AbaseRoma 11:20

Kulungile; zaphulwa ngokungakholwa kwabo; wena umi ngokukholwa. Ngakho ungazikhukhumezi, kodwa yesaba;

AbaseRoma 14:18

Okhonza uKristu kulokhu uyamukeleka kuNkulunkulu, uthandekile ebantwini.

AbaseRoma 3:5

Kodwa uba ukungalungi kwethu kubonakalisa ukulunga kukaNkulunkulu, sizakuthini na? UNkulunkulu kalunganga yini ngokwehlisela ulaka phezu kwethu na? Ngikhulumisa okomuntu.

1 AbaseKhorinte 12:25

ukuze kungabi khona ukwahlukana emzimbeni, kodwa ukuze izitho zonke zomzimba zinanzelelane ngokufananayo.

1 AbaseKhorinte 5:13

KunguNkulunkulu othonisisa abangaphandle. Lina lithonisisa abasebandleni. Mxotsheni omubi phakathi kwenu.

1 AbaseKhorinte 5:2

Kodwa lina liyazikhukhumeza kulokuba likhale; lalowo owenze lokho kasuswe phakathi kwenu.

2 AbaseKhorinte 13:7

Sikhuleka kuNkulunkulu ukuba lingenzi lutho olubi, kangitsho ukuthi ukuze sibonakale thina singabafaneleyo, kodwa ukuba lina lenze okulungileyo, loba thina kungathi sinjengabangafanelanga.

2 AbaseKhorinte 2:6

Kumanele onjalo lokhukukhuza kwabanengi benu;

2 AbaseKhorinte 6:4

Kodwa kukho konke sizibonakalisa siyizikhonzi zikaNkulunkulu ngokubekezela okukhulu, ezinhluphekweni, lasebunzimeni, lasekubandezekeni,

2 AbaseKhorinte 7:1

Lokhu silalezizithembiso, bathandwayo, asizihlambulule kukho konke ukungcola komzimba lokomoya, siphelelise ubungcwele bethu sisesaba iNkosi.

2 AbaseKhorinte 7:7

kungesikho ngokufika kwakhe kuphela, kodwa langenduduzo aduduzeka ngayo ngani. Wasilandisela ngokusilangatha kwenu, langokudabuka kwenu, langokutshiseka kwenu ngami, ngaze ngathokoza kakhulu.

2 AbaseKhorinte 7:9

Kodwa khathesi ngiyathokoza, kungesikho ngokuthi ngoba ladabukiswa, kodwa ngoba laphendulwa ngokudabukiswa; ladabukiswa ngokukaNkulunkulu, ukuze lingalahlekelwa lutho ngokwenza kwethu.

2 AbaseKhorinte 9:2

ngoba ngiyakwazi ukuzilungisela kwenu engizincoma ngakho ngani kwabaseMakedoniya, ngisithi iAkaya laselizilungisele kusukela nyakenye; lokutshisekela kwenu kubavusile abanengi.

Abase-Efesu 4:26

Thukuthelani lingoni; ilanga kalingatshoni lisathukuthela;

Abase-Efesu 5:11

Lingahlanganyeli lemisebenzi yomnyama engelazithelo, kodwa ivezeni obala.

AbaseFiliphi 2:12

Ngakhoke, bathandiweyo bami, njengalokho lilalela ngezikhathi zonke, kungesikho nxa ngikhona kuphela, kodwa ikakhulu nxa ngingekho, phelelisani umsebenzi wokusiliswa kwenu ngokwesaba langokuthuthumela,

1 AbaseThesalonika 4:6

kakungabi khona loyedwa owonayo, aphambe umfowabo ngolutho, ngoba iNkosi ingumphindiseli kukho konke lokho, njengoba salitshela, saqinisa ngaphambili.

1 uTimothi 5:20

Abonayo ubasole phambi kwabo bonke ukuze besabe labanye.

2 uTimothi 2:15

Khuthalela ukuba uziveze kuNkulunkulu uthembekile, uyisisebenzi esingelanhloni esiphatha kuhle ilizwi leqiniso.

UThithu 3:8

Liqinisile lelilizwi. Ngithanda ukuba uqinise impela ngalezizinto, ukuze abakholwa kuNkulunkulu bakhuthalele ukwenza imisebenzi emihle. Lezizinto zinhle zilosizo ebantwini.

AmaHebheru 4:1

Ngakhoke lapho sisekhona isithembiso sokungena ekuphumuleni kwakhe asesabe, funa kube khona omunye wenu ofunyanwa esahluleka ukufinyelela kukho.

UJakhobe 3:17

Kodwa ukuhlakanipha okwaphezulu okokuqala kuhlambulukile, andubana kube lokuthula, kube mnene, kulalele, kugcwale isihawu lezithelo ezinhle; kakulakuthandabuza lokuzenzisa.

1 UPhethro 1:17

Uba likhuleka lisithi Baba kuye owahlulela ilowo lalowo ngokwemisebenzi yakhe engabandlululi, hambani ngokwesaba esikhathini senu liyizihambi emhlabeni.

1 UPhethro 2:2

Njengezingane ezisand’ukuzalwa fisani uchago oluhle, ngitsho uchago olungokomoya, ukuze ngalo likhuliselwe ukusiliswa;

UJuda 1:23

lisilise abanye ngokubahluthuna emlilweni; abanye libahawukele lilokwesaba, lizonda ngitsho lengubo eyoniwe zinkanuko ezimbi.

Isambulo 3:19

Bonke engibathandayo ngiyabasola ngibatshaye; ngakhoke tshisekela ukuphenduka.