2 AbaseKhorinte 7:10 - iBhayibhili Elingcwele 1978

¹⁰ Ngoba ukudabuka okuthwalwa ngendlela kaNkulunkulu kuletha ukuphenduka angezisole ngakho umuntu, kuveze ukusiliswa; kodwa ukudabuka okuthwalwa ngendlela yomhlaba kuletha ukufa.

IBhayibhili Elingcwele LesiNdebele

¹⁰ Usizi lokwesaba uNkulunkulu luletha ukuphenduka okuholela ekusindisweni kungatshiyi nsolo, kodwa usizi lwasemhlabeni luletha ukufa.

2 AbaseKhorinte 7:10 ပူးပေါင်းရင်းမြစ်များ

UGenesisi 30:1

URaheli esebonile ukuthi wayengamzaleli abantwana uJakobe, waba lomona ngodadewabo, wathi kuJakobe: Nginika abantwana funa ngife.

2 USamuyeli 12:13

UDavida wasesithi kuNathani: Ngonile eNkosini. UNathani wathi kuDavida: LeNkosi isusile isono sakho; kawuyikufa.

2 USamuyeli 13:4

Wathi kuye: Mntanenkosi, uhlotshiswa yini kangaka insuku ngensuku? Ungengitshele na? UAmnoni wathi kuye: Ngiyamthanda uTamari udadewabo kaAbisalomu umfowethu.

2 USamuyeli 17:23

Lapho uAhithofeli ebona ukuthi ukweluleka kwakhe kakulandelwanga, wabophela ubabhemi wakhe, wasuka waya ekhaya emzini wakhe; eselungisile izinto zomuzi wakhe, waseziphanyeka, wafa, wangcwatshelwa elibeni likayise.

1 AmaKhosi 21:4

UAhabi wasengena endlini yakhe esezondile enyukumele ngenxa yamazwi kaNabothi waseJezereli, ngoba wayethe kuye: Ngingeze ngakunika ilifa lakwethu. Walala embhedeni wakhe, wakhangelisa ubuso bakhe emdulini, wala ukudla.

AmaHubo 38:18

Ngiyavuma ukona kwami, ngiyadabuka ngesono sami.

Izaga 15:13

Umuntu othokozayo uyahleka, kodwa olosizi umoya wakhe udabukile.

Izaga 15:15

Zonke insuku zomuntu ohluphekayo zimbi, kodwa othokozayo unjengosedilini kokuphela.

Izaga 17:22

Othokozayo unjengomuthi omuhle, kodwa umoya owaphukileyo ugulisa umzimba.

Izaga 18:14

Umoya womuntu ungamqinisa ekuguleni, kodwa uba umoya wakhe wephukile, angathwala lokhu kanjani?

UmTshumayeli 7:3

Usizi lungcono kulokuhleka, ngoba ngokudana kobuso umuntu angasizakala.

UJeremiya 31:9

Bazabuya bekhala, ngibaduduze ekubaholeni kwami, ngibalethe emifuleni yamanzi, ngendlela enhle abangayikukhubeka kuyo; ngoba nginguyise kuIsrayeli, uEfrayimi ulizibulo lami.

UHezekhiyeli 7:16

Uba kukhona ababalekela ezintabeni bazakuba njengamajuba avela esihotsheni; bakhale bonke bekhalela ububi babo.

UJona 3:10

Lapho uNkulunkulu ebona izenzo zabo ukuba baphendukile ebubini babo, wazisola ngobubi ayezakubenza kibo, kasabenzanga.

UJona 3:8

bonke kabagqoke izambatho zokulila, bakhale kakhulu kuNkulunkulu, baphenduke bonke endleleni zabo ezimbi lasebubini bonke ababenzayo.

UJona 4:9

Kodwa uNkulunkulu wathi kuye: Kambe wenza kuhle ngokuthukuthela ngenxa yomhlafutho na? Yena wathi: Ngenza kuhle ukuthukuthela ngize ngiphose ukufa.

UMatewu 26:75

UPetro wasekhumbula ilizwi likaJesu lokuthi: Lingakakhali iqhude, uzakungilandula kathathu. Waphumela ngaphandle, wakhala ngokudabuka okukhulu.

ULukha 15:10

Ngithi kini: Ngokunjaloke kukhona ukuthokoza phambi kwezithunywa zikaNkulunkulu ngesoni sinye nje esiphendukayo.

ULukha 18:13

Kodwa umthelisi emi khatshana wayengathandi lokuphakamisela amehlo akhe ngasezulwini, kodwa watshaya isifuba sakhe, esithi: Nkulunkulu, akungihawukele mina soni.

Imisebenzi 11:18

Bathi sebekuzwile lokhu, bathula, bamdumisa uNkulunkulu besithi: Kanti uNkulunkulu unikile abezizwe labo ukuphendukela ekuphileni.

Imisebenzi 3:19

Ngakho phendukani, libuye futhi ukuze kuhlanjululwe izono zenu, ukuze kufike izikhathi zokuhlumelela ezivela ebusweni beNkosi,

2 AbaseKhorinte 12:21

Ngilovalo lokuthi ekufikeni kwami futhi uNkulunkulu wami angithobise phambi kwenu, ngililele abanengi abonileyo ngaphambili, abangaphendukanga kukho ukungcola lobufebe lamanyala abakwenzileyo.

2 AbaseKhorinte 7:9

Kodwa khathesi ngiyathokoza, kungesikho ngokuthi ngoba ladabukiswa, kodwa ngoba laphendulwa ngokudabukiswa; ladabukiswa ngokukaNkulunkulu, ukuze lingalahlekelwa lutho ngokwenza kwethu.

AmaHebheru 12:17

Ngoba liyazi ukuthi, ngasemuva lapho esethanda ukuzuza isibusiso, waliwa; ngoba kalitholanga ithuba lokuphenduka, loba esesidinga ekhala izinyembezi.

1 USamuyeli 30:6

UDavida wahlupheka kakhulu; ngoba abantu bebekhuluma ngokumkhanda ngamatshe, ngoba inhliziyo zabo bonke zazidabukile ngenxa yamadodana lamadodakazi abo. Kodwa uDavida waziqinisa ngeNkosi uNkulunkulu wakhe.