2 AbaseKhorinte 6:6 - iBhayibhili Elingcwele 1978

⁶ Siyazibonakalisa langokuhlambuluka, langokwazi, langokubekezela, langobumnene, langoMoya oNgcwele, langothando oluqotho,

IBhayibhili Elingcwele LesiNdebele

⁶ ukuhlambuluka, ukuqedisisa, ukubekezela kanye lomusa, ngoMoya oNgcwele langothando oluqotho,

2 AbaseKhorinte 6:6 ပူးပေါင်းရင်းမြစ်များ

UHezekhiyeli 33:31

Ngakho abantu bami bayeza kuwe, bahlale phambi kwakho, bezwe okutshoyo, kodwa kabayikukwenza. Ngoba bathanda ngomlomo wabo, kodwa inhliziyo zabo zisenzuzweni yabo.

AbaseRoma 12:9

Uthando lwenu kalube qotho. Zondani okubi, libambelele kokulungileyo.

AbaseRoma 15:19

langamandla ezibonakaliso lezimangaliso, langamandla kaMoya oNgcwele. Ngalokho ngitshumayele ivangeli likaKristu ngokupheleleyo kusukela eJerusalema kwaze kwafika eIliriku.

1 AbaseKhorinte 12:8

Omunye uphiwa ngoMoya ukukhuluma ngokuhlakanipha, omunye aphiwe ilizwi lokwazi ngaye lowoMoya,

1 AbaseKhorinte 13:4

Uthando luyabekezela, lulobubele; uthando kalulamona, kaluzincomi, kaluzikhukhumezi;

1 AbaseKhorinte 2:16

Ngoba ngubani owake wayazi ingqondo yeNkosi ukuze ayifundise iNkosi na? Kodwa thina silengqondo kaKristu.

1 AbaseKhorinte 2:4

ukukhuluma kwami lokutshumayela kwami kakubanga ngamazwi okuhlakanipha ahugayo, kodwa kwaba ngokubonakalisa kukaMoya lokwamandla,

2 AbaseKhorinte 1:23

Mina ngibiza uNkulunkulu ukuba abe ngufakazi womphefumulo wami ukuthi ukungezi kwami eKorinte yikuba bengingathandi ukulihlupha.

2 AbaseKhorinte 11:11

Kungani na? Kungoba ngingalithandi na? UNkulunkulu uyazi ukuthi ngiyalithanda.

2 AbaseKhorinte 11:4

Ngoba uba kufika umuntu etshumayela omunye uJesu esingamtshumayelanga thina, loba lisamukela omunye umoya elingamamukelanga, loba elinye ivangeli elingalamukelanga, lilokubekezela okukhulu.

2 AbaseKhorinte 11:6

Loba ngingesiso isikhulumi, kangisweli ukwazi; sikubonakalisile lokho kini ngendlela zonke ezintweni zonke.

2 AbaseKhorinte 12:15

Minake ngijabulela kakhulu ukunikela konke, yebo, ngizinikela mina uqobo ngenxa yenu. Uba ngilithanda kakhulu, kanti mina ngifanele ukuthandwa kancinyane na?

2 AbaseKhorinte 13:10

Ngiloba lezizinto ngingekho, ukuze kuthi nxa ngifikayo, ngingabi bukhali ekusebenziseni amandla iNkosi eyanginika wona, abe ngawokwakha, angabi ngawokubhidliza.

2 AbaseKhorinte 2:10

Lowo elimthethelelayo, lami ngiyamthethelela; ngoba lokho esengikuthethelele, uba kukhona into engiyithethelelayo, ngikuthethelela ngenxa yenu phambi kukaKristu,

2 AbaseKhorinte 2:4

Ngoba ngosizi olukhulu langokudabuka kwenhliziyo langezinyembezi ezinengi ngalilobela, kungesikho ukuba ngilibangele usizi, kodwa ukuba lazi uthando engilithanda ngalo kakhulu.

2 AbaseKhorinte 3:3

Lina libonakalisa ukuthi liyincwadi evela kuKristu ivezwa yikusebenza kwethu, engalotshwanga ngeyinki, kodwa elotshwe ngoMoya kaNkulunkulu ophilayo, engalotshwanga ematsheni kodwa elotshwe enhliziyweni zabantu.

2 AbaseKhorinte 4:6

Ngoba uNkulunkulu owathi: Kakuvele ukukhanya emnyameni, kukhanye; wenzile ukuba lokhukukhanya kukhanye phakathi kwethu, kusinike ukukhanya kokwambulwa, ukwambulwa kwenkazimulo kaNkulunkulu kuJesu Kristu.

2 AbaseKhorinte 7:2

Sivuleleni indawo enhliziyweni zenu; kasonanga muntu, kasonakalisanga muntu, kasidlanga muntu.

AbaseGalathiya 3:2

Yilokhu kuphela engithanda ukukubuza kini ukuthi: Lamukela uMoya ngemisebenzi yomlayo loba ngokuzwa langokukholwa na?

AbaseGalathiya 3:5

Yena olinika uMoya losebenza imisebenzi yamandla phakathi kwenu ukwenza lokhu ngenxa yemisebenzi yenu yomlayo, ingabe ngenxa yokukholwa kwenu ivangeli na?

AbaseGalathiya 5:22

Kodwa izithelo zikaMoya ziluthando, lokuthokoza, lokuthula, lokubekezela, lobubele, lokulunga, lokuthembeka,

Abase-Efesu 3:4

Nxa libala lokhu, lingabona ukwazi kwami ngemfihlakalo kaKristu,

Abase-Efesu 4:2

ngokuthobeka konke lobumnene. Bekezelelanani ngothando,

Abase-Efesu 4:32

Libe mnene omunye komunye, lihawukelane, lithethelelane, njengalokhu uNkulunkulu wasithethelela ngoKristu.

AbaseKholose 1:27

Bona uNkulunkulu wathanda ukubazisa ukuthi ingakanani inotho lobukhosi baleyomfihlakalo phakathi kwabezizwe; leyomfihlakalo yilokhu ukuthi uKristu uphakathi kwenu, lilethemba lenkazimulo.

AbaseKholose 2:3

okufihlwe kuye inotho yonke yokuhlakanipha leyokwazi.

AbaseKholose 3:12

Ngakhoke, njengabakhethiweyo bakaNkulunkulu abangcwele labathandekayo, yambathani ububele lesihawu, lokuzithoba, lobumnene, lokubekezela,

1 AbaseThesalonika 2:10

Lina lingofakazi kanye loNkulunkulu, bokuthi sahlala kanjani phakathi kwenu lina elikholwayo ukuthi ukuhlala kwethu kwakungobungcwele, langokulunga, langokungasoleki,

1 uTimothi 4:12

Kungabi lamuntu odelela ubutsha bakho, kodwa woba yisibonelo kwabakholwayo ngokukhuluma, langokuhamba, langothando, langokukholwa, langokuhlambuluka.

1 uTimothi 5:2

labesifazana abadala njengonyoko, labesifazana abatsha njengodadewenu ngokuhlambuluka konke.

2 uTimothi 3:10

Kodwa wena ulandele ukufundisa kwami, lokuziphatha kwami, lokuhamba kwami, lokukholwa kwami, lokubekezela kwami, lothando lwami, lokuqinisela kwami,

2 uTimothi 4:2

ukuba utshumayele ilizwi, uqinise ngazo izikhathi ezilungileyo lezingalunganga, usole, ukhuze, weluleke, ungadinwa yikubekezela lokufundisa.

UThithu 2:7

Kukho konke wena ube yisibonelo ngezenzo ezinhle, lasekufundiseni kwakho ubonakalise ubuqotho lokuqonda,

UJakhobe 3:17

Kodwa ukuhlakanipha okwaphezulu okokuqala kuhlambulukile, andubana kube lokuthula, kube mnene, kulalele, kugcwale isihawu lezithelo ezinhle; kakulakuthandabuza lokuzenzisa.

1 UPhethro 1:12

Bambulelwa ukuthi kabazisebenzeli bona kodwa basebenzela lina, ezintweni eselitshunyayezwe zona ngabalitshumayeze izindaba ezinhle ngoMoya oNgcwele othunywe evela ezulwini, izinto izithunywa ezilangatha ukuzibona.

1 UPhethro 1:22

Ngokulalela iqiniso selihlambulule imiphefumulo yenu ukuthanda abazalwane ngobuqotho; ngakhoke thandanani ngokupheleleyo ngenhliziyo yonke.

1 UJohane 3:18

Bantwana, kasingathandi ngamazwi langomlomo nje, kodwa asithande ngezenzo langeqiniso.

Abahluleli 16:15

UDelila wasesithi kuye: Ungatsho kanjani ukuthi: Ngiyakuthanda; nxa inhliziyo yakho ingekho kimi na? Ungikhohlisile lezizikhathi ezintathu, kawungitshelanga ukuba amandla akho amakhulu angaphi.