2 AbaseKhorinte 6:5 - iBhayibhili Elingcwele 1978

⁵ lasekutshayweni, lasekubotshweni, laseziphithiphithini, lasekusebenzeni nzima, sihamba singalali singadli.

IBhayibhili Elingcwele LesiNdebele

⁵ ekutshayweni, ekuvalelweni entolongweni laseziphithiphithini; ukusebenza nzima, ukungalali ebusuku kanye lendlala;

2 AbaseKhorinte 6:5 ပူးပေါင်းရင်းမြစ်များ

2 AbaseKhorinte 11:27

Ngangisekutshikatshikeni lekukhathazekeni, ngingalali insuku ezinengi; ngisekulambeni lasekomeni, kanengi ngizila ukudla, ngibulawa ngamakhaza ngihambaze.

Imisebenzi 17:5

Kodwa abaJuda baba lomona, bathatha abantu ababi phakathi kwamavila, babutha ixuku, benza isiyaluyalu phakathi komuzi; bahlasela indlu kaJasoni befuna ukubakhuphela ebantwini.

Isambulo 2:10

Ungesabi inhlupheko ezizakukwehlela. Khangela, uSathane uzakufaka abanye benu entolongweni ukuba lilingwe; futhi lizakuhlupheka insuku ezilitshumi. Thembeka kuze kube sekufeni, ngizakukunika umqhele wokuphila.

AmaHebheru 13:23

Yazini ukuthi umzalwane wethu uTimothi ukhululwe; uba efika masinyane ngizakulibona ngilaye.

AmaHebheru 13:17

Lalelani abakhokheli benu, lizehlisele ngaphansi kwabo, ngoba balinda imiphefumulo yenu njengabantu abazakulandisa ngayo. Kabakwenze lokhu ngokujabula, bangabubuli, ngoba lokhu kakulakusiza.

AmaHebheru 11:36

Abanye benziwa inhlekisa batshaywa, babotshwa ngamaketane, bafakwa entolongweni;

2 uTimothi 4:5

Kodwa wena zinqande njalo, ubekezelele izinhlupheko, wenze umsebenzi womvangeli, uphelelise inkonzo yakho.

2 uTimothi 2:9

ivangeli engihlupheka ngenxa yalo ngibotshwa njengesigebengu; kanti ilizwi likaNkulunkulu kalibotshwanga.

2 uTimothi 1:8

Ngalokhoke ungabi lanhloni lapho ufakazela iNkosi yethu, loba ngami isibotshwa sayo, kodwa hlanganyela ukuhluphekela ivangeli ngamandla kaNkulunkulu.

1 uTimothi 4:10

Sisebenzela lokho, siyatshikatshika, ngoba sithembele kuNkulunkulu ophilayo onguMsilisi wabo bonke abantu, ikakhulu bona abakholwayo.

1 AbaseThesalonika 2:9

Liyakhumbula, bazalwane, ukusebenza lokutshikatshikeka kwethu, sisebenza ubusuku lemini, ukuze singabi ngumthwalo lakoyedwa wenu, lapho silitshumayeza ivangeli likaNkulunkulu.

AbaseFiliphi 1:13

Ukubotshwa kwami kubonakele kubo bonke abalindi besigodlo kanye labanye ukuthi kungenxa kaKristu,

Abase-Efesu 3:1

Ngenxa yalokhu mina Pawuli ngiyisibotshwa sikaKristu Jesu ngenxa yenu lina abezizwe,

1 AbaseKhorinte 15:10

Kodwa ngomusa kaNkulunkulu ngiyikho lokho engiyikho khona, umusa wakhe kimi kawubanga yize; isibili, ngisebenze kakhulu kulabo bonke; kanti kasimi engasebenzayo, kodwa ngumusa kaNkulunkulu okimi.

1 AbaseKhorinte 7:5

Lingancitshani, kuphela kube ngokwesikhathi ngokuvumelana ukuba lizuze ithuba lokukhuleka, libuye lihlangane futhi, funa uSathane alilinge ngokungazithinti kwenu.

1 AbaseKhorinte 4:11

Kuze kube lamuhla siyalamba, some, sihambeze, sitshaywe, siyimihambima,

Imisebenzi 28:30

UPawuli wahlala iminyaka emibili egcweleyo endlini yakhe ayeyiqatshile; wamukela bonke abeza kuye,

Imisebenzi 26:29

UPawuli wasesithi: Bengingafisa kuNkulunkulu ukuba, loba ngokufitshane loba ngokude, kungabi nguwe wedwa kodwa bonke abangizwayo lamuhla babe njengami, ngaphandle kwalezizibopho.

Imisebenzi 26:10

lokhu ngakwenza eJerusalema; ngafaka abanengi kwabangcwele entolongweni, ngiwatholile amandla kubapristi abakhulu, lalapho bebulawa ngavumelana lokubulawa kwabo.

Imisebenzi 24:27

Kodwa sekudlule iminyaka emibili, uFelike walandelwa nguPorkiyu Festusi, uFelike efisa ukuthokozisa abaJuda wamtshiya uPawuli ebotshiwe.

Imisebenzi 23:35

wathi: Ngizakuyizwa kuhle indaba yakho, sebefikile abakumangalelayo; walaya ukuba alondolozwe endlini kaHerodi.

Imisebenzi 23:10

Kwathi sekuvele ukuphikisana okukhulu, induna enkulu yesaba ukuba uPawuli uzakudatshulwa yibo, yalaya amabutho ukuba ehle amhluthule phakathi kwabo, abuyele laye endlini yamabutho.

Imisebenzi 20:31

Ngakho lindani, likhumbule ukuthi okweminyaka emithathu ebusuku lemini kangiyekelanga ukuleluleka lonke ngenyembezi.

Imisebenzi 14:23

Sebebakhethele abadala emabandleni wonke, bakhuleka bezila ukudla, babanikela eNkosini asebekholwa kiyo.

Imisebenzi 14:19

Kodwa kwafika abaJuda abavela eAntiyoki leIkoniyuma, sebevumelene labantu bamkhanda uPawuli ngamatshe, bamhudulela ngaphandle komuzi besithi ufile.

Imisebenzi 13:3

Sebezile ukudla bakhuleka, babeka izandla zabo phezu kwabo, babathuma.

Imisebenzi 5:18

bababamba abaphostoli, babafaka entolongweni.

UMatewu 14:10

Yathuma yamquma uJohane ikhanda entolongweni.

UMatewu 14:3

Ngoba uHerodi wayembambile uJohane, wambopha, wamfaka entolongweni ngenxa kaHerodiyasi, umkaFiliphu umfowabo;

UMatewu 9:15

UJesu wathi kubo: Abakwabo kamyeni bangalila yini, umyeni eselabo na? Kodwa zizakufika insuku lapho umyeni ezakususwa kubo; kubeng’khonake bezakuzila.

UHezekhiyeli 3:17

lathi: Ndoda, ngikwenzile waba ngumlindi wabakoIsrayeli. Lapho usizwa ilizwi elivela kimi, ungixwayisele bona.

UJeremiya 38:6

Basebemthatha uJeremiya, bamphosela emgodini kaMalikiya indodana yenkosi, owawusegumeni labalindi, bamehlisela phakathi ngamagoda. Umgodi wawungelamanzi, kodwa wawugcwele udaka. UJeremiya watshona odakeni.

UJeremiya 33:1

Ilizwi leNkosi lafika kuJeremiya ngokwesibili, esavalelwe egumeni labalindi, lathi:

U-Isaya 53:5

Yebo, yalinyazwa ngenxa yeziphambeko zethu, yachotshozwa ngenxa yobubi bethu, kwehliselwa phezu kwayo ukutshaywa okusilethela ukuthula, langamanxeba ayo siyasiliswa thina.

2 ImiLando 16:10

UAsa wamthukuthelela umboni, wamfaka entolongweni, ngoba wamthukuthelela kakhulu ngalokhu. UAsa wenza isihluku ebantwini abathile ngasona lesosikhathi.

1 AmaKhosi 22:27

yathi: Valelani lumuntu entolongweni, limnike ukudla lamanzi alutshwana ngize ngibuye kuhle.

UDutheronomi 25:3

Angatshaywa imivimvinya engamatshumi amane, kodwa engadluli leyo, funa owakini ayangeke phambi kwakho nxa etshaywa imivimvinya eminengi kulaleyo.