2 AbaseKhorinte 6:4 - iBhayibhili Elingcwele 1978

⁴ Kodwa kukho konke sizibonakalisa siyizikhonzi zikaNkulunkulu ngokubekezela okukhulu, ezinhluphekweni, lasebunzimeni, lasekubandezekeni,

IBhayibhili Elingcwele LesiNdebele

⁴ Kodwa, njengezinceku zikaNkulunkulu sizethula ngazozonke izindlela: ngokubekezela okukhulu; ekuhluphekeni, ebunzimeni kanye lasezinsizini;

2 AbaseKhorinte 6:4 ပူးပေါင်းရင်းမြစ်များ

U-Isaya 61:6

Kodwa lina lizakuthiwa lingabapristi beNkosi, libizwe ngokuthi yizikhonzi zikaNkulunkulu wethu; lizakudla imfuyo yezizwe, lithokoze ngenotho yazo.

UJoweli 1:9

Umnikelo wempuphu lowokunathwa iphelile ethempelini. Izikhonzi zeNkosi, abapristi, ziyakhala.

UJoweli 2:17

Abapristi, izikhonzi zeNkosi, kabakhale phakathi komkoto lealtare, bathi: Bahawukele abantu bakho, Nkosi, ungabenzi babe yinhlamba, lesiga phakathi kwezizwe. Bazakutsholoni phakathi kwezizwe ukuthi: Ungaphi uNkulunkulu wabo na?

ULukha 21:19

Ngokubambelela kwenu lizakuzuza ukuphila kwenu.

UJohane 16:33

Ngikhulume lokhu kini ukuba libe lokuthula kimi. Emhlabeni lizakuba losizi, kodwa manini isibindi, mina ngiwunqobile umhlaba.

Imisebenzi 2:22

Madoda akoIsrayeli, zwanini amazwi ami. UJesu waseNazaretha, umuntu ofakazelwe nguNkulunkulu phambi kwenu ngemisebenzi yamandla langezimangaliso langezibonakaliso uNkulunkulu azenza ngaye phakathi kwenu, njengalokhu lisazi lina uqobo lwenu,

Imisebenzi 20:34

lina uqobo lwenu liyazi ukuthi lezizandla zasebenzela inswelo zami lezalabo ababelami.

Imisebenzi 9:16

ngoba mina ngizakumtshengisa konke amele ukuhlutshwa ngakho ngenxa yebizo lami.

AbaseRoma 14:18

Okhonza uKristu kulokhu uyamukeleka kuNkulunkulu, uthandekile ebantwini.

AbaseRoma 16:10

Bingelelani uApele, othembekileyo kuKristu. Bingelelani labo abendlu kaAristobulu.

AbaseRoma 3:5

Kodwa uba ukungalungi kwethu kubonakalisa ukulunga kukaNkulunkulu, sizakuthini na? UNkulunkulu kalunganga yini ngokwehlisela ulaka phezu kwethu na? Ngikhulumisa okomuntu.

AbaseRoma 5:8

Kodwa uNkulunkulu uqinisa uthando lwakhe kithi ngalokhu ukuthi uKristu wasifela siseyizoni.

1 AbaseKhorinte 3:5

Kanti uApolosi uyini, loPawuli uyini na? Bayizisebenzi elakholwa ngazo; kwaba yilowo lalowo njengokunikwa kwakhe yiNkosi.

1 AbaseKhorinte 4:1

Kasaziwe ngokuthi siyizisebenzi zikaKristu labaphathi bemfihlakalo zikaNkulunkulu.

1 AbaseKhorinte 9:11

Uba thina sahlanyela kini okomoya, kuyinto enkulu yini, uba sivuna okwenu okomzimba na?

2 AbaseKhorinte 11:23

Bayizikhonzi zikaKristu na? Ngikhulumisa okohlanya, ngiyiso kakhulu mina kulabo bonke. Ngoba ngibe sekusebenzeni nzima kulabo, ngibe sekubotshweni kanengi kulabo, ngibe sekutshayweni okukhulu, ngaba sengozini zokufa ngezikhathi ezinengi.

2 AbaseKhorinte 11:27

Ngangisekutshikatshikeni lekukhathazekeni, ngingalali insuku ezinengi; ngisekulambeni lasekomeni, kanengi ngizila ukudla, ngibulawa ngamakhaza ngihambaze.

2 AbaseKhorinte 11:9

Lalapho ngangikhona kini ngiswele, kangibanga ngumthwalo emuntwini, ngoba abazalwane abavela eMakedoniya bathwala inswelo zami. Kukho konke ngazimisela ukuba ngingabi ngumthwalo kini, futhi ngisezakuzimisela.

2 AbaseKhorinte 12:10

Ngakhoke ngikholiwe yibuthakathaka, lokuhlekwa, lobunzima, lokuzingelwa, lokukhathazeka, ngenxa kaKristu; ngoba nxa ngibuthakathaka, kung’khona ngilamandla.

2 AbaseKhorinte 12:12

Impela impawu zobuphostoli obuqotho zenziwa phakathi kwenu ngokubekezela konke, langezibonakaliso, langezimangaliso, langemisebenzi yamandla.

2 AbaseKhorinte 2:17

Thina kasinjengabanengi abathengisa ilizwi likaNkulunkulu; kodwa njengabaqotho, njengabamiswe nguNkulunkulu sikhuluma phambi kukaNkulunkulu sikuKristu.

2 AbaseKhorinte 3:6

ngoba nguye futhi osinike amandla okuba yizikhonzi zesivumelwano esitsha, okungesiso sokulotshiweyo kodwa esikaMoya; ngoba okulotshiweyo kuyabulala, kodwa uMoya uyaphilisa.

2 AbaseKhorinte 4:17

Inhlupheko yethu elula engeyomzuzwana iyasivezela ubukhosi obungapheliyo, obungelakulinganiswa;

2 AbaseKhorinte 4:2

Sizilahlile izindlela zonke ezifihliweyo leziletha ihlazo; kasihambi ngobuqili, kasiliphambanisi ilizwi likaNkulunkulu, kodwa ngokukhuluma obala iqiniso senza abantu bonke basibuke ngezazela zabo phambi kukaNkulunkulu.

2 AbaseKhorinte 4:8

Siyabandezelwa inxa zonke, kodwa kasihlifizeki; siyadideka, kodwa kasilahli ithemba;

2 AbaseKhorinte 7:11

Khangelani, khona lokhokudabukiswa kwenu okungendlela kaNkulunkulu kuveze kini ukukhuthala okungaka, lokuziphendulela, lokuthukuthela, lokwesaba, lokusilangatha, lokutshiseka, lokuthanda ukuba kwenziwe ukulunga. Kukho konke lazibonakalisa ukuthi kalilacala.

AbaseKholose 1:11

Aliqinise ngamandla wonke ngokwamandla obukhosi bakhe, kuze kube khona ukubekezela lesineke lokujabula ezintweni zonke,

AbaseKholose 1:24

Khathesi ngiyathokoza ekulihluphekeleni kwami. Lokho okusileleyo enhluphekweni zikaKristu ngiyakugcwalisa emzimbeni wami ngenxa yomzimba wakhe olibandla.

1 AbaseThesalonika 3:7

Ngalokhoke, bazalwane, saduduzeka ngani ngokukholwa kwenu osizini lasekuhluphekeni kwethu,

1 AbaseThesalonika 5:14

Siyalilaya, bazalwane, ukuba leluleke abavilaphayo, liqinise abadanileyo, lisize ababuthakathaka, libabekezelele bonke.

1 uTimothi 2:15

Kodwa owesifazana uzakusiliswa ngokuzala abantwana, uba ehlala ekukholweni lasothandweni lasebungcweleni langokuqonda.

1 uTimothi 4:6

Uba ubeluleka ngalezizinto abazalwane, uzakuba yisikhonzi esihle sikaKristu Jesu, wondliwe ngamazwi okukholwa lesifundiso esihle osilandelayo.

1 uTimothi 6:11

Kodwa wena muntu kaNkulunkulu balekela lokhu; nxwanela ukulunga, lokuhle, lokukholwa, lothando, lokubekezela, lobumnene.

2 uTimothi 1:8

Ngalokhoke ungabi lanhloni lapho ufakazela iNkosi yethu, loba ngami isibotshwa sayo, kodwa hlanganyela ukuhluphekela ivangeli ngamandla kaNkulunkulu.

2 uTimothi 2:24

Inceku yeNkosi kayifanele ukulwa, kodwa kayibe mnene kibo bonke, ibe lelisu lokufundisa, ibekezele,

2 uTimothi 4:5

Kodwa wena zinqande njalo, ubekezelele izinhlupheko, wenze umsebenzi womvangeli, uphelelise inkonzo yakho.

AmaHebheru 12:1

Ngakhoke lathi, lokhu sihanqwe lixuku elingaka labofakazi, asilahle konke okusindayo lesono esithandele kangaka kithi, sigijime ngokubekezela lokhukuncintanisana esikumiselweyo,

Isambulo 1:9

Mina Johane, umzalwane wenu lohlanganyela kanye lani ekuhluphekeni lasembusweni lasekubekezeleni esilakho kuJesu, ngangisesihlengeni esithiwa yiPatmosi ngenxa yelizwi likaNkulunkulu langenxa yokufakazela uJesu.

Isambulo 3:10

Ngoba ugcinile umlayo wami wokuba ubekezele, lami ngizakukugcina ngesikhathi sokulingwa okuzakufika emhlabeni wonke ukulinga bonke abakhileyo kuwo.