2 AbaseKhorinte 6:1 - iBhayibhili Elingcwele 1978

¹ Thina esisebenza kanye laye siyalincenga ukuba lingawamukeli ngeze umusa kaNkulunkulu.

IBhayibhili Elingcwele LesiNdebele

¹ Njengezisebenzi zikaNkulunkulu siyalincenga ukuba lingamukeli umusa kaNkulunkulu ngeze.

2 AbaseKhorinte 6:1 ပူးပေါင်းရင်းမြစ်များ

UJeremiya 8:8

Lingatsho kanjani ukuthi: Sihlakaniphile, lomlayo weNkosi ulathi? Kodwa, khangelani, ukuloba okukhohlisayo kwababhali kuwuphendule umlayo waba ngamanga.

UMatewu 23:37

Hawu, Jerusalema, wena obulala abaprofethi, obakhanda ngamatshe labo abathunyiweyo kuwe! Bengithanda kangaka ukubuthela ndawonye abantwana bakho njengesikhukhukazi sibuthela amatsiyane aso ngaphansi kwamaphiko aso; kodwa kalivumanga.

Imisebenzi 11:23

Kwathi ukuba afike, wabona umusa kaNkulunkulu, wathokoza, wabalaya bonke ukuba babambelele eNkosini ngokuzimisela kwenhliziyo.

Imisebenzi 14:3

Bahlala isikhathi eside, bekhuluma ngesibindi ngeNkosi eyafakazela ilizwi lomusa wayo, ibanika ukuba kwenziwe izibonakaliso lezimangaliso ngezandla zabo.

AbaseRoma 12:1

Ngakhoke, bazalwane, ngiyalincenga ukuba, ngesihawu sikaNkulunkulu, linikele imizimba yenu ibe ngumnikelo ophilileyo, ongcwele, owamukelekayo kuNkulunkulu, kube yikukhonza kwenu okuqotho.

1 AbaseKhorinte 3:9

Thina siyizisebenzi kanye loNkulunkulu; lina liyinsimu kaNkulunkulu, liyisakhiwo sikaNkulunkulu.

2 AbaseKhorinte 10:1

Mina Pawuli uqobo ngiyalincenga ngobumnene langothando lukaKristu, mina engithobileyo nxa ngikhona phakathi kwenu, njengokutsho kwenu, kodwa engilesibindi nxa ngingekho.

AbaseGalathiya 2:21

Kangiwutshayi ize umusa kaNkulunkulu, ngoba uba ukulunga kungomlayo, uKristu wafela ize.

AbaseGalathiya 3:4

Konke ukuhlupheka kwenu kwaba yize na? uba kambe kwaba yize.

1 AbaseThesalonika 3:5

Ngenxa yalokhu, ngingaselamandla okubekezela, ngathumela ukuba ngazi ukukholwa kwenu, ngoba ngesaba ukuthi mhlawumbe umlingi ulilingile, lokuthi umsebenzi wethu ube yize.

UThithu 2:11

Ngoba umusa kaNkulunkulu usufikile uletha ukusiliswa ebantwini bonke,

AmaHebheru 12:15

Qaphelisani kungabi khona osilelayo emuseni kaNkulunkulu, kungabi khona lampande ebabayo ehlumayo ukubangcolisa abanengi,

AmaHebheru 12:25

Qaphelani ukuba lingali ukulalela ilizwi lakhe okhulumayo; ngoba uba bengaphephanga labo abala ukumlalela lowo owabaxwayisa emhlabeni, kakhulu kasiyikuphepha thina esimalayo lowo oxwayisa esezulwini.

AmaHebheru 4:1

Ngakhoke lapho sisekhona isithembiso sokungena ekuphumuleni kwakhe asesabe, funa kube khona omunye wenu ofunyanwa esahluleka ukufinyelela kukho.

1 UPhethro 4:10

Lisizane, kube yilowo lalowo ngesiphiwo asiphiweyo, njengabaphathi abalungileyo bomusa omnengi kaNkulunkulu.

1 USamuyeli 14:45

Kodwa abantu basebesithi kuSawuli: Uzakufa yini uJonathani yena elethele uIsrayeli ukunqoba okungaka na? Atshi bo! Sifunga iNkosi, kakuyikuwela phansi lolulodwa unwele lwekhanda lakhe, ngoba usebenze loNkulunkulu lamuhla. Ngakho abantu bamhlenga ekufeni uJonathani.