2 AbaseKhorinte 5:18 - iBhayibhili Elingcwele 1978

¹⁸ Konke lokhu kuvela kuNkulunkulu owabuyisana lathi ngoKristu, wasinika inkonzo yokubuyisana,

IBhayibhili Elingcwele LesiNdebele

¹⁸ Konke lokhu kuvela kuNkulunkulu owasibuyisela kuye ngoKhristu wasinika imfundiso yokubuyisana:

2 AbaseKhorinte 5:18 ပူးပေါင်းရင်းမြစ်များ

U-Isaya 52:7

Zinhle kangaka phezu kwezintaba inyawo zesigijimi esiletha izindaba ezinhle ezokuthula, esimemezela ukukhululwa, esithi kulo iZiyone: UNkulunkulu wakho uyabusa.

U-Isaya 57:19

INkosi ithi: Ukuthula, ukuthula kakube kubo abakhatshana labaseduze; ngizakubasilisa abantu bami.

UHezekhiyeli 45:15

imvu eyodwa emhlambini wezimvu ezingamakhulu amabili, emizini yakoIsrayeli. Nanku umnikelo weminikelo yempuphu, leminikelo yokutshiswa, leminikelo yokuthula yokubenzela ukubuyisana, kutsho iNkosi uNkulunkulu.

UDanyeli 9:24

Amaviki angamatshumi ayisikhombisa uNkulunkulu uwamisele abantu bakini lomuzi wakini ongcwele ukuba kuphele ukwenza okubi lezono, emva kwalokhu kuthethelelwe izono, kuqiniswe ukulunga okungapheliyo, kuze kugcwaliseke umbono lesiprofethi, kuhlanjululwe lendawo engcwele kakhulu.

ULevi 6:30

Kodwa kakungadliwa umnikelo wesono okungeniswa igazi lawo ethenteni lokuhlangana ukuba kwenziwe ukubuyisana endaweni engcwele; kawutshiswe ngomlilo.

ULukha 10:5

Lakuyiphi indlu elingena kuyo, qalani lithi: Ukuthula kakube kulindlu.

ULukha 24:47

kutshunyayelwe ebizweni lakhe ukuphenduka, lokuthethelelwa kwezono ezizweni zonke, kuqalwe eJerusalema.

UJohane 3:16

Ngoba uNkulunkulu wawuthanda umhlaba kangaka, waze wanikela ngeNdodana yakhe ezelwe yodwa ukuba ilowo lalowo okholwa kiyo angabhubhi, kodwa abe lokuphila okungapheliyo.

UJohane 3:27

UJohane waphendula wathi: Umuntu angemukele ulutho, engalunikwanga luvela ezulwini.

Imisebenzi 10:36

Yilo ilizwi alithumela kuIsrayeli, etshumayela ivangeli lokuthula ngoJesu Kristu; yena uyiNkosi yabo bonke.

AbaseRoma 11:36

Ngoba konke kuvela kuye, kungaye, kuya kuye; kakube kuye ubukhosi kuze kube nininini. Ameni.

AbaseRoma 5:1

Ngakhoke lokhu sesilungisisiwe ngokukholwa, asibe lokuthula kuNkulunkulu ngeNkosi yethu uJesu Kristu.

1 AbaseKhorinte 1:30

NgoNkulunkulu lina likuKristu Jesu, ngoba uNkulunkulu wamenzela thina ukuhlakanipha lokulunga lokwahlukaniselwa lokukhululwa.

1 AbaseKhorinte 11:12

ngoba njengalokho owesifazana wavela endodeni, ngokunjalo indoda izalwa ngowesifazana; lakho konke kuvela kuNkulunkulu.

1 AbaseKhorinte 12:6

Kukhona imisebenzi yamandla eyehlukeneyo, kodwa munye uNkulunkulu osebenza konke kibo bonke.

1 AbaseKhorinte 3:5

Kanti uApolosi uyini, loPawuli uyini na? Bayizisebenzi elakholwa ngazo; kwaba yilowo lalowo njengokunikwa kwakhe yiNkosi.

1 AbaseKhorinte 8:6

kanti kithi kukhona uNkulunkulu munye, uYise, okuvela kuye izinto zonke, lathi siphilela yena; leNkosi yinye, uJesu Kristu, okwavela ngaye konke, lathi sikhona ngaye.

AbaseKholose 1:22

Kodwa khathesi usebuyisene lani emzimbeni wayo ngokufa ukuba alimise phambi kwakhe lingcwele, lingelacala, lingasoleki,

AmaHebheru 2:17

Ngakhoke kwamfanela ukuba abe njengabafowabo kukho konke, ukuze abe ngumpristi omkhulu olesihawu lothembekileyo enkonzweni kaNkulunkulu, ukuba abe yinhlawulo yezono zabantu.

UJakhobe 1:17

Iziphiwo zonke ezinhle leziphiwo zonke ezipheleleyo zivela phezulu, zehla kuYise wezinkanyezi okungekho kuye ukuphenduka njengemithunzi ephendukayo.

1 UJohane 2:2

Yena uyinhlawulo yezono zethu, kungesizo ezethu zodwa, kodwa lezomhlaba wonke.

1 UJohane 4:10

Uthando lukulokhu, kungesikho ukuba thina samthanda uNkulunkulu, kodwa ukuba wasithanda yena, wathumela iNdodana yakhe ukuba ibe yinhlawulo yezono zehu.