2 AbaseKhorinte 5:14 - iBhayibhili Elingcwele 1978

¹⁴ Ngoba uthando lukaKristu luyasiqhubezela, sibona lokhu ukuthi munye owafela bonke; ngakhoke bonke sebafa.

IBhayibhili Elingcwele LesiNdebele

¹⁴ Ngoba uthando lukaKhristu luyasifuqa, ngoba siyakholwa ukuba oyedwa wafela bonke, ngakho bonke bafa.

2 AbaseKhorinte 5:14 ပူးပေါင်းရင်းမြစ်များ

1 ImiLando 11:18

Lawomaqhawe amathathu afohlela ezihonqweni zamaFilistiya, akha amanzi emthonjeni waseBetlehema owawungasesangweni, awathatha awaletha kuDavida. Kodwa uDavida wala ukuwanatha; wawathululela phansi aba ngumnikelo eNkosini,

UJobe 32:18

Ngoba ngigcwele amazwi, umoya okimi uyangiqhubezela.

Ingoma 1:4

Ngidonsa, sigijime; ungingenise endlini yakho, nkosi. Sizekujabula sithokoze ngawe, sibabaze uthando lwakho ukwedlula iwayini; kufanele ukuba uthandwe.

U-Isaya 53:6

Thina sonke siduhile njengezimvu; lowo lalowo wahamba ngendlela yakhe; iNkosi yehlisela phezu kwayo ububi bethu sonke.

UMatewu 20:28

njengalokhu iNdodana yomuntu kayizanga ukukhonzwa, kodwa ukukhonza lokunika ukuphila kwayo, kube lihlawulo labanengi.

ULukha 15:24

ngoba indodana yami le ibifile, isibuye yasila; ibilahlekile, ifunyenwe. Basebeqala ukuthokoza.

ULukha 15:32

Bekufanele ukuba sijabule, sithokoze, ngoba umnawakho lo owayefile usebuye wasila; wayelahlekile, usefunyenwe.

ULukha 24:29

Kodwa bamncenga kakhulu, besithi: Hlala lathi, ngoba sekuzakuhlwa, lemini isiyedlule. Wangenake, wahlala labo.

UJohane 1:29

Ngakusasa wabona uJesu esiza kuye, wathi: Khangelani, iWundlu likaNkulunkulu elisusayo isono somhlaba.

UJohane 11:25

UJesu wathi kuye: Mina ngiyikuvuka lokuphila; okholwa kimi, loba esefile, uzakuphila.

UJohane 5:25

Ngiqinisile, ngiqinisile ngithi kini: Isikhathi siyeza, njalo sesikhona, lapho abafileyo bazakulizwa ilizwi leNdodana kaNkulunkulu; labo abezwayo bazakuphila.

Imisebenzi 18:5

Kwathi sebefikile oSilasi loTimothi bevela eMakedoniya, uPawuli wakhuthalela ukutshumayela, efakaza kubaJuda ukuba uJesu unguKristu.

AbaseRoma 2:2

Siyazi ukuthi ukuthonisisa kukaNkulunkulu kwehlela ngokweqiniso abenza okunjalo.

AbaseRoma 5:15

Kodwa isiphiwo somusa kasinjengesiphambeko. Ngoba uba ngesiphambeko samuntu munye, abanengi bafa, ikakhulu kwanda kwabanengi umusa kaNkulunkulu lesiphiwo esivela ngomusa wamuntu munye, uJesu Kristu.

AbaseRoma 6:13

Linganikeli izitho zenu esonweni, zibe yizikhali zokungalungi; kodwa zinikeleni lina kuNkulunkulu njengabavusiweyo kwabafileyo abaphilayo, linikele izitho zenu kuNkulunkulu zibe yizikhali zokulunga;

AbaseRoma 6:6

Siyazi ukuthi umuntu wethu omdala wabethelwa kanye laye ukuba umzimba wesono ubhujiswe, ukuze singabi yizigqili zesono,

1 AbaseKhorinte 16:22

Uba umuntu engayithandi iNkosi, kabe ngothukiweyo. Woza, Nkosi yethu!

1 AbaseKhorinte 2:14

Umuntu wemvelo kazamukeli izinto zikaMoya kaNkulunkulu, ngoba ziyibuthutha kuye; kalawo amandla okuziqedisisa, ngoba ziqedisiswa ngokuboniswa nguMoya.

2 AbaseKhorinte 3:7

Uba umlayo owawulotshwe ematsheni waletha ukufa, kodwa wafika ulenkazimulo engaka, kwaze kwathi abakoIsrayeli bahluleka ukukhangela ubuso bukaMose ngenxa yokukhazimula kobuso bakhe, lanxa kwakuzakuphela.

2 AbaseKhorinte 3:9

Ngoba uba umlayo wokulahlwa ubulenkazimulo, umlayo wokulunga umele ukudlula ngenkazimulo enkulu.

AbaseGalathiya 2:20

Ngibethelwe kanye loKristu; kakuseyimi ophilayo, kodwa uKristu uphila kimi; ukuphila engikuphila khathesi ngikuphila ngokukholwa iNdodana kaNkulunkulu eyangithandayo, yazinikela ngenxa yami.

Abase-Efesu 6:24

Umusa kawube labo bonke abathanda iNkosi yethu uJesu Kristu ngothando olungapheliyo.

AbaseKholose 2:13

Lanike, lanxa belifile ngeziphambeko langokungasoki kwenyama yenu, uNkulunkulu ulenze laba ngabaphilayo kanye loKristu. Usithethelele iziphambeko zethu zonke;

AbaseKholose 3:3

Ngoba lafa, ukuphila kwenu kufihliwe loKristu kuNkulunkulu.

1 uTimothi 2:6

owazinikela yena abe yinhlawulo yabo bonke; lokhu kwafakazelwa ngesikhathi esifaneleyo.

1 uTimothi 5:6

kanti lowo ozinikela ekuzithokoziseni ufile lanxa esekhona.

UThithu 3:3

Ngoba lathi kade sasiyiziphukuphuku, singalaleli, sikhohliswa, sifuywe yizinkanuko lokuzithokozisa okunenginengi, sihlezi ebubini langomhawu, sizondeka ebantwini bonke, sizondana.

AmaHebheru 2:9

Kodwa siyambona uJesu owenziwa waba mncinyane okwesikhatshana kulezithunywa ethwesiwe umqhele wobukhosi, lowodumo ngenxa yenhlupheko yokufa, ukuze ngomusa kaNkulunkulu ezwe ukufa ngenxa yabo bonke.

AmaHebheru 6:10

Ngoba uNkulunkulu kasuye ongalunganga ukuba akhohlwe umsebenzi wenu lothando elalubonakalisa ngenxa yakhe ngokusebenzela abangcwele, njengoba lisakwenza.

1 UPhethro 1:8

Yena liyamthanda lingambonanga, elithi lakhathesi lingamboni likholwe kuye, lithokoze ngentokozo enkulu engakhulumekiyo,

1 UJohane 5:19

Siyazi ukuthi thina singabakaNkulunkulu, lokuthi umhlaba wonke usemandleni kaSathane.