2 AbaseKhorinte 4:6 - iBhayibhili Elingcwele 1978

⁶ Ngoba uNkulunkulu owathi: Kakuvele ukukhanya emnyameni, kukhanye; wenzile ukuba lokhukukhanya kukhanye phakathi kwethu, kusinike ukukhanya kokwambulwa, ukwambulwa kwenkazimulo kaNkulunkulu kuJesu Kristu.

IBhayibhili Elingcwele LesiNdebele

⁶ Ngoba uNkulunkulu owathi, “Ukukhanya kakube khona emnyameni,” wenza ukukhanya kwakhe kwakhanya ezinhliziyweni zethu ukuba asiphe ukukhanya kokwazi inkazimulo kaNkulunkulu ebusweni bukaJesu Khristu.

2 AbaseKhorinte 4:6 ပူးပေါင်းရင်းမြစ်များ

UGenesisi 1:3

UNkulunkulu wasesithi: Kakube khona ukukhanya; kwaba khona ukukhanya.

AmaHubo 63:2

Ngithanda ukukukhangela endaweni engcwele, ngibone amandla akho lobukhosi bakho.

AmaHubo 74:16

Usuku ngolwakho, lobusuku ngobakho; nguwe owamisa inyanga lelanga.

AmaHubo 90:16

Izenzo zakho kazibonakale ezincekwini zakho, lobukhosi bakho ebantwaneni bazo.

U-Isaya 35:2

ikhahlele kakhulu, ithokoze ihlabele. Izanikwa ubuhle obuseLebanoni, lodumo oluseKarmeli laseSharoni. Konke kuzabona inkazimulo yeNkosi lobukhosi bukaNkulunkulu wethu.

U-Isaya 40:5

Inkazimulo yeNkosi izakubonakaliswa, bonke abantu bayibone kanyekanye, ngoba iNkosi ikukhulumile lokhu.

U-Isaya 45:7

Yimi engenza ukukhanya, ngiveze lomnyama; yimi engiletha okuhle, ngiveze lokubi; ngiyiNkosi eyenza lezizinto zonke.

U-Isaya 60:2

Khangela, umnyama uyasibekela umhlaba, lomnyama omkhulu usibekele izizwe; kodwa iNkosi izakhanya phezu kwakho, lenkazimulo yayo ibonakale phezu kwakho.

ULukha 10:22

Konke ngikunikelwe nguBaba; kakho owaziyo ukuthi iNdodana ingubani, kuphela uYise, lokuthi uYise ungubani, kuphela iNdodana, lalowo iNdodana ethanda ukumambulela yena.

UJohane 1:14

ULizwi waba yinyama, wahlala phakathi kwethu, sabona inkazimulo yakhe injengeyozelwe yedwa kaYise, egcwele umusa leqiniso.

UJohane 11:40

UJesu wathi kuye: Kangitshongo yini kuwe ukuthi: Uba ukholwa, uzakubona inkazimulo kaNkulunkulu na?

UJohane 12:41

UIsaya watsho lokhu ngoba wabona inkazimulo yakhe, wakhuluma ngaye.

Imisebenzi 26:18

ukuvula amehlo abo ukuze basuke emnyameni, baphendukele ekukhanyeni, basuke emandleni kaSathane, baphendukele kuNkulunkulu, ukuze bamukeliswe ukuthethelelwa kwezono lendawo phakathi kwalabo abahlukanisiweyo ngokukholwa kimi.

1 AbaseKhorinte 12:8

Omunye uphiwa ngoMoya ukukhuluma ngokuhlakanipha, omunye aphiwe ilizwi lokwazi ngaye lowoMoya,

2 AbaseKhorinte 2:10

Lowo elimthethelelayo, lami ngiyamthethelela; ngoba lokho esengikuthethelele, uba kukhona into engiyithethelelayo, ngikuthethelela ngenxa yenu phambi kukaKristu,

2 AbaseKhorinte 3:18

Thina sonke esilobuso obambuliweyo, sibona inkazimulo yeNkosi ngokungathi kusesibukweni. Siyaphendulwa sifane layo; siyakhula enkazimulweni, ngoba le ivela eNkosini enguye uMoya.

2 AbaseKhorinte 4:4

Unkulunkulu walesisikhathi uphumputhekisile ingqondo yabangakholwayo, ukuze bangakuboni ukukhanya kwevangeli lenkazimulo kaKristu ongumfanekiso kaNkulunkulu.

Abase-Efesu 1:17

ukuze uNkulunkulu weNkosi yethu uJesu Kristu, uYise olobukhosi, alinike umoya wokuhlakanipha lokwambulwa ekumazini yena.

Abase-Efesu 1:18

Kungathi kungavulwa amehlo enhliziyo zenu, ukuze lazi ithemba elibizelwa kulo, lenotho enkulu yelifa alinika lona kubo abangcwele,

Abase-Efesu 5:8

Ngoba lalingumnyama, kodwa khathesi liyikukhanya eNkosini. Hambani njengabantwana bokukhanya,

AbaseFiliphi 2:6

yena owathi elesimo sikaNkulunkulu, katshongo ukuthi kuyinto yokuphangwa ukulingana loNkulunkulu,

AbaseKholose 1:15

Yona ifuze uNkulunkulu ongelakubonwa, elizibulo lezidalwa zonke.

1 AbaseThesalonika 2:12

sililaya, silimisa isibindi, silitshela ukuba lihambe ngokufaneleyo phambi kukaNkulunkulu olibizela embusweni lebukhosini bakhe.

AmaHebheru 1:3

Yona iyikubenyezela kwenkazimulo kaNkulunkulu, ifuze yena uqobo, iphethe izinto zonke ngelizwi layo lamandla. Lapho isiyenzile ukuhlanjululwa kwezono, yahlala phansi ngakwesokunene soMkhulu phezulu,

AmaHebheru 6:4

Ngoba labo asebake bakhanyiswa, bezwa isipho sasezulwini, bahlanganyela loMoya oNgcwele,

1 UPhethro 1:12

Bambulelwa ukuthi kabazisebenzeli bona kodwa basebenzela lina, ezintweni eselitshunyayezwe zona ngabalitshumayeze izindaba ezinhle ngoMoya oNgcwele othunywe evela ezulwini, izinto izithunywa ezilangatha ukuzibona.

1 UPhethro 2:9

Kodwa lina liluhlanga olukhethiweyo, ubupristi bobukhosi, lesizwe esingcwele, abantu abamisiweyo babe ngabakaNkulunkulu, ukuze litshumayele izenzo ezimangalisayo zalowo owalikhupha emnyameni, walisa ekukhanyeni kwakhe okumangalisayo.

2 UPhethro 1:19

Seliqinisiwe kithi ilizwi labaprofethi, elenza kuhle lina ukuliqaphelisa kungathi liyisibane esikhanyayo endaweni emnyama, kuze kuse lekhwezi liphumele enhliziyweni zenu.