2 AbaseKhorinte 4:4 - iBhayibhili Elingcwele 1978

⁴ Unkulunkulu walesisikhathi uphumputhekisile ingqondo yabangakholwayo, ukuze bangakuboni ukukhanya kwevangeli lenkazimulo kaKristu ongumfanekiso kaNkulunkulu.

IBhayibhili Elingcwele LesiNdebele

⁴ Unkulunkulu walesisikhathi usephumputhekise ingqondo zabangakholwayo, ukuze bangakuboni ukukhanya kwevangeli lenkazimulo kaKhristu, ongumfanekiso kaNkulunkulu.

2 AbaseKhorinte 4:4 ပူးပေါင်းရင်းမြစ်များ

1 AmaKhosi 22:22

INkosi yathi kuye: Kanjani na? Yena wathi: Ngizahamba ngibe ngumoya wokuqamba amanga emilonyeni yabo bonke abaprofethi bakhe. INkosi yathi: Impela uzamkhohlisa; hambake wenze njalo.

AmaHubo 50:2

EZiyone elipheleleyo ngobuhle uNkulunkulu uyakhanya.

U-Isaya 6:10

Yenza inhliziyo yalababantu ibe lukhuni, lendlebe zabo zibe buthundu, ufiphaze amehlo abo, funa babone ngamehlo abo, bezwe ngendlebe zabo, baqedisise ngenhliziyo zabo, baphenduke basiliswe.

UMatewu 13:22

Ohlanyelwe emeveni nguye olizwayo ilizwi, kodwa ukuphisekela komhlaba lokukhohlisa kwenotho kuyaminyanisa ilizwi, lingatheli isithelo.

UJohane 1:14

ULizwi waba yinyama, wahlala phakathi kwethu, sabona inkazimulo yakhe injengeyozelwe yedwa kaYise, egcwele umusa leqiniso.

UJohane 1:18

Kakho owake wabona uNkulunkulu; iNdodana ezelwe yodwa esesifubeni sikaYise yiyo emvezileyo.

UJohane 12:31

Khathesi yikwahlulelwa kwalumhlaba; khathesi umbusi walumhlaba uzakuxotshwa.

UJohane 12:35

UJesu wasesithi kibo: Kuseyisikhatshana ukukhanya lilakho. Hambani liselokukhanya, ukuze umnyama ungalahluli. Ohambayo emnyameni kazi ukuthi uya ngaphi.

UJohane 12:40

Uphumputhekisile amehlo abo, wayenza lukhuni inhliziyo yabo, funa babone ngamehlo abo, baqedisise ngenhliziyo yabo, baphenduke, ngibasilise.

UJohane 12:45

Obona mina ubona ongithumileyo.

UJohane 14:30

Kangisayikukhuluma okunengi lani, ngoba umbusi walumhlaba uyeza. Yena kalamandla phezu kwami,

UJohane 15:24

Uba bengingenzanga phakathi kwabo imisebenzi engenziwanga ngomunye, ngabe kabalasono, kodwa khathesi babonile, bangizondile mina loBaba.

UJohane 16:11

ngokulahlwa, ngoba umbusi walumhlaba uselahliwe.

UJohane 8:12

UJesu wakhuluma labo futhi wathi: Mina ngiyikukhanya komhlaba; ongilandelayo kasoze ahamba emnyameni, kodwa uzakuba lokukhanya kokuphila.

Imisebenzi 26:18

ukuvula amehlo abo ukuze basuke emnyameni, baphendukele ekukhanyeni, basuke emandleni kaSathane, baphendukele kuNkulunkulu, ukuze bamukeliswe ukuthethelelwa kwezono lendawo phakathi kwalabo abahlukanisiweyo ngokukholwa kimi.

Imisebenzi 26:23

ukuthi uKristu umele ukuhlupheka lokuthi, ngokuba engowokuqala ekuvukeni kwabafileyo, atshumayele ukukhanya kulesisizwe lakwabezizwe.

1 AbaseKhorinte 10:20

Atshi, ngitsho ukuthi lokho okuhlatshwa ngabezizwe bakuhlabela omoya ababi, kabakuhlabeli uNkulunkulu. Kangithandi ukuba libe lenhlanganyelo lomoya ababi.

2 AbaseKhorinte 2:11

ukuze singehlulwa nguSathane; ngoba siyabazi ubuqili bakhe.

2 AbaseKhorinte 2:12

Ekufikeni kwami eTrowasi ukuba ngitshumayele ivangeli likaKristu, iNkosi yangenzela ithuba;

2 AbaseKhorinte 3:11

Uba lokho ebekuzakudlula kwafika kulenkazimulo, lokho okumiyo njalo kumele ukuba kube lenkazimulo enkulu kakhulu.

2 AbaseKhorinte 3:14

Kodwa ingqondo yabo yaba lukhuni. Ngoba kuze kube lamuhla, nxa kufundwa isivumelwano esidala, lesosimbombozo sisahlezi singambulwanga, ngoba sisuswa kuKristu kuphela.

2 AbaseKhorinte 3:18

Thina sonke esilobuso obambuliweyo, sibona inkazimulo yeNkosi ngokungathi kusesibukweni. Siyaphendulwa sifane layo; siyakhula enkazimulweni, ngoba le ivela eNkosini enguye uMoya.

2 AbaseKhorinte 4:6

Ngoba uNkulunkulu owathi: Kakuvele ukukhanya emnyameni, kukhanye; wenzile ukuba lokhukukhanya kukhanye phakathi kwethu, kusinike ukukhanya kokwambulwa, ukwambulwa kwenkazimulo kaNkulunkulu kuJesu Kristu.

AbaseGalathiya 1:4

owazinikela ngenxa yezono zethu, ukuba asophule kulesisikhathi esibi sakhathesi ngokwentando kaNkulunkulu uBaba;

Abase-Efesu 2:2

elalikade lihamba kuzo ngendlela yalumhlaba, lilandela umbusi wamandla asemkhathini, ongumoya osasebenzayo lakhathesi phakathi kwabangalaleliyo.

Abase-Efesu 6:12

Ngoba kasilwi lenyama legazi, kodwa silwa lemibuso, lamandla, lababusi balumhlaba womnyama, lempi yemimoya emibi yaphezulu.

AbaseFiliphi 2:6

yena owathi elesimo sikaNkulunkulu, katshongo ukuthi kuyinto yokuphangwa ukulingana loNkulunkulu,

AbaseKholose 1:15

Yona ifuze uNkulunkulu ongelakubonwa, elizibulo lezidalwa zonke.

AbaseKholose 1:27

Bona uNkulunkulu wathanda ukubazisa ukuthi ingakanani inotho lobukhosi baleyomfihlakalo phakathi kwabezizwe; leyomfihlakalo yilokhu ukuthi uKristu uphakathi kwenu, lilethemba lenkazimulo.

1 uTimothi 1:11

ngokwevangeli elilenkazimulo kaNkulunkulu obongekayo, engaphathiswa lona.

UThithu 2:13

silindele ithemba elibusisiweyo lokubonakala kwenkazimulo kaNkulunkulu wethu omkhulu loMsilisi wethu uJesu Kristu.

AmaHebheru 1:3

Yona iyikubenyezela kwenkazimulo kaNkulunkulu, ifuze yena uqobo, iphethe izinto zonke ngelizwi layo lamandla. Lapho isiyenzile ukuhlanjululwa kwezono, yahlala phansi ngakwesokunene soMkhulu phezulu,

AmaHebheru 6:4

Ngoba labo asebake bakhanyiswa, bezwa isipho sasezulwini, bahlanganyela loMoya oNgcwele,

2 UPhethro 1:19

Seliqinisiwe kithi ilizwi labaprofethi, elenza kuhle lina ukuliqaphelisa kungathi liyisibane esikhanyayo endaweni emnyama, kuze kuse lekhwezi liphumele enhliziyweni zenu.

1 UJohane 2:11

Kodwa ozonda umzalwane wakhe usemnyameni, uhamba emnyameni, kakwazi lapho aya khona, ngoba umnyama uwaphumputhekisile amehlo akhe.

1 UJohane 2:8

Kanti ngililobela umlayo omutsha, wona uliqiniso kuye lakini; ngoba umnyama uyadlula, lokukhanya kweqiniso sekukhanya.

1 UJohane 5:19

Siyazi ukuthi thina singabakaNkulunkulu, lokuthi umhlaba wonke usemandleni kaSathane.