2 AbaseKhorinte 4:14 - iBhayibhili Elingcwele 1978

¹⁴ ngoba siyazi ukuthi lowo owayivusayo iNkosi uJesu uzakusivusa lathi kanye loJesu. Sonke sizakuma phambi kwakhe.

IBhayibhili Elingcwele LesiNdebele

¹⁴ ngoba siyakwazi ukuthi lowo owavusa iNkosi uJesu kwabafileyo lathi uzasivusa loJesu asethule kanye lani phambi kwakhe.

2 AbaseKhorinte 4:14 ပူးပေါင်းရင်းမြစ်များ

U-Isaya 26:19

Kodwa abafileyo bakho bazakuphila, izidumbu zabo zizavuka futhi. Vukani, lihlabele ngokuthokoza, lina elilele othulini. Ngoba amazolo akho angamazolo akhanyayo, umhlaba uzakubakhupha abafileyo.

ULukha 21:36

Ngakhoke lindani ngezikhathi zonke, likhulekele ukuba libe lamandla okuphepha zonke lezizinto ezizakwenzeka lawokuma phambi kweNdodana yomuntu.

Imisebenzi 2:24

yena uNkulunkulu wamvusa esethukulule ubuhlungu bokufa, ngoba kwakungelakwenzeka ukuba abanjwe yikho.

Imisebenzi 2:32

UJesu lo, uNkulunkulu wamvusa, singofakazi balokhu thina sonke.

AbaseRoma 8:11

Uba uMoya walowo owavusa uJesu kwabafileyo ehlala kini, yena owavusa uKristu Jesu kwabafileyo uzakuphilisa lemizimba yenu efayo ngoMoya wakhe ohlala kini.

1 AbaseKhorinte 6:14

UNkulunkulu owavusa iNkosi, uzakusivusa lathi ngamandla akhe.

2 AbaseKhorinte 11:2

Ngilobukhwele ngani ngobukhwele obungobukaNkulunkulu, ngoba ngalendisela kuKristu ukuba ngilise endodeni eyodwa liyintombi emsulwa.

Abase-Efesu 5:27

ukuze alimise ibandla phambi kwakhe lilenkazimulo, lingelacwatshana, lomxhele loba okunye nje, kodwa libe libandla elingcwele elingelacala.

AbaseKholose 1:22

Kodwa khathesi usebuyisene lani emzimbeni wayo ngokufa ukuba alimise phambi kwakhe lingcwele, lingelacala, lingasoleki,

AbaseKholose 1:28

Nguye esimtshumayelayo, seluleka wonke umuntu, sifundisa bonke abantu ngokuhlakanipha konke, ukuze sibalethe bonke kuKristu bephelele.

1 AbaseThesalonika 4:14

Ngoba uba sikholwa ukuthi uJesu wafa, wabuya wavuka, ngokunjaloke uNkulunkulu uzakubavusa ngaye uJesu labo asebefile.

UJakhobe 5:15

Umkhuleko wokukholwa uyamsilisa ogulayo, leNkosi izakumlulamisa; uba enzile isono, uzakuthethelelwa.

UJuda 1:24

Kuye olamandla okulilinda ukuba lingakhubeki, lokulimisa phambi kwenkazimulo yakhe lingelasici, lilokuthokoza okukhulu,