2 AbaseKhorinte 4:1 - iBhayibhili Elingcwele 1978

¹ Ngakhoke, lokhu siyinikiwe linkonzo ngobubele bukaNkulunkulu, kasidinwa.

IBhayibhili Elingcwele LesiNdebele

¹ Ngakho, njengoba ngomusa kaNkulunkulu silale imfundiso, kasiphelelwa lithemba.

2 AbaseKhorinte 4:1 ပူးပေါင်းရင်းမြစ်များ

U-Isaya 40:30

Izinsizwa zizaphelelwa ngamandla zikhathale, lamajaha azakukhubeka awe;

U-Isaya 40:31

kodwa abayithembayo iNkosi bazazuza amandla amatsha, bazakuqonga ngamaphiko njengokhozi, bagijime bangadinwa, bahambe bangapheli amandla.

UJeremiya 45:3

Uthi wena: Maye mina! ngoba iNkosi yengezelela usizi ebuhlungwini bami, sengikhathele yikukhala, kangifumani ukuphumula.

ULukha 18:1

Wabatshela umfanekiso wokuthi bafanele ukukhuleka, bengadinwa.

1 AbaseKhorinte 3:5

Kanti uApolosi uyini, loPawuli uyini na? Bayizisebenzi elakholwa ngazo; kwaba yilowo lalowo njengokunikwa kwakhe yiNkosi.

1 AbaseKhorinte 7:25

Mayelana labangendanga kangilawo umlayo weNkosi, kodwa ngiyeluleka ngokubona kwami njengothembekileyo ngokuhawukelwa yiNkosi.

2 AbaseKhorinte 3:12

Ngakhoke, lokhu silethemba elinje, sikhuluma ngesibindi;

2 AbaseKhorinte 3:6

ngoba nguye futhi osinike amandla okuba yizikhonzi zesivumelwano esitsha, okungesiso sokulotshiweyo kodwa esikaMoya; ngoba okulotshiweyo kuyabulala, kodwa uMoya uyaphilisa.

2 AbaseKhorinte 4:16

Ngakhoke kasidinwa. Loba umuntu wethu wangaphandle ebhubha, umuntu wethu wangaphakathi wenziwa abe mutsha insuku zonke.

2 AbaseKhorinte 5:18

Konke lokhu kuvela kuNkulunkulu owabuyisana lathi ngoKristu, wasinika inkonzo yokubuyisana,

AbaseGalathiya 6:9

Kasingadinwa yikwenza okuhle, ngoba ngesikhathi esifaneleyo sizakuvuna uba singadinwanga.

Abase-Efesu 3:13

Ngakhoke ngiyalicela ukuba lingalahli ithemba ngenxa yezinhlupheko zami ngenxa yenu; ziludumo lwenu.

AbaseFiliphi 4:13

Ngingakwenza konke ngaye ongiqinisayo.

2 AbaseThesalonika 3:13

Bazalwane, lingadinwa yikwenza okuhle.

1 uTimothi 1:13

loba ngangikade ngingomhlambazayo, lomzingelayo, lomthukayo. Kodwa ngahawukelwa ngoba ngangikwenza ngokungazi, ngokungakholwa;

AmaHebheru 12:3

Mqapheliseni yena owakhuthazela ephikwa kangaka yizoni, ukuze lingadinwa, liphelelwe ngamandla enhliziyweni.

1 UPhethro 2:10

Lalikade lingesibo abantu, kodwa khathesi selingabantu bakaNkulunkulu; lalingahawukelwanga, kodwa khathesi selihawukelwe.

Isambulo 2:3

Ulokubekezela; waqinisela ngenxa yebizo lami, kawudinwanga.