2 AbaseKhorinte 3:7 - iBhayibhili Elingcwele 1978

⁷ Uba umlayo owawulotshwe ematsheni waletha ukufa, kodwa wafika ulenkazimulo engaka, kwaze kwathi abakoIsrayeli bahluleka ukukhangela ubuso bukaMose ngenxa yokukhazimula kobuso bakhe, lanxa kwakuzakuphela.

IBhayibhili Elingcwele LesiNdebele

⁷ Nxa imfundiso eyaletha ukufa eyayibhalwe ngamabala elitsheni, yeza lenkazimulo, ukuze abako-Israyeli bangabukhangeli kokuphela ubuso bukaMosi ngenxa yenkazimulo yabo, lanxa nje yayisifiphala,

2 AbaseKhorinte 3:7 ပူးပေါင်းရင်းမြစ်များ

UGenesisi 3:21

INkosi uNkulunkulu yabenzela uAdamu lomkakhe amaxaba, wabambathisa.

UNehemiya 9:13

Wehlela phezu kwentaba yaseSinayi, wakhuluma labo usezulwini, wabanika imithetho eqondileyo, lemilayo eqotho, lezimiso ezinhle, lemilayezelo elungileyo,

AmaHubo 119:174

Ngiyalangatha ukukhulula kwakho, Nkosi, umlayo wakho uyintokozo yami.

AmaHubo 119:97

Ngiyawuthanda umlayo wakho kangaka. Usuku lonke ngiyanakana ngawo.

U-Eksodasi 24:12

INkosi yasisithi kuMose: Khwela uze kimi entabeni, uhlale khona; ngizakukunika amatshe engilobe kuwo umlayo lemithetho ukuba ubafundise yona.

U-Eksodasi 31:18

Isiqedile ukukhuluma kuMose entabeni yaseSinayi yamnika uMose amatshe amabili obufakazi alotshwe ngomunwe kaNkulunkulu.

U-Eksodasi 32:19

Kwathi esesondele emathenteni walibona ithole legolide kanye lokusina; ulaka lukaMose lwavutha, wawalahla amatshe ezandleni zakhe, wawaphahlazela phansi kwentaba.

U-Eksodasi 34:1

INkosi yathi kuMose: Baza amanye amatshe amabili anjengawakuqala; ngibhale kuwo amazwi ayesematsheni akuqala owawaphahlazayo.

Imisebenzi 6:15

Bonke ababehlezi emphakathini bamjolozela, babona ubuso bakhe kungathi ngobesithunywa.

AbaseRoma 10:4

Ngoba uKristu uyawuqeda umlayo, alethele bonke abakholwayo ukulunga.

AbaseRoma 4:15

Ngoba umlayo uletha ulaka; kodwa lapho kungekho khona umlayo, kakukho lakweqa.

AbaseRoma 5:20

Umlayo waba khona ukuba isiphambeko sande; kodwa lapho kwanda isono khona, umusa wanda kakhulukazi,

AbaseRoma 7:10

ngafa mina. Lowomthetho obuzakuletha ukuphila wona wafunyanwa uletha ukufa kimi,

AbaseRoma 7:22

Ngiyathokoza emlayweni kaNkulunkulu isibili sami,

AbaseRoma 7:5

Kwathi sisaphila ngokwabantu, inkanuko zethu ezimbi ezavuswa ngomlayo zasebenza ezithweni zethu ukuthelela ukufa izithelo.

1 AbaseKhorinte 13:10

kodwa lapho sekufikile okupheleleyo, okungaphelelanga kuzakudlula.

2 AbaseKhorinte 3:3

Lina libonakalisa ukuthi liyincwadi evela kuKristu ivezwa yikusebenza kwethu, engalotshwanga ngeyinki, kodwa elotshwe ngoMoya kaNkulunkulu ophilayo, engalotshwanga ematsheni kodwa elotshwe enhliziyweni zabantu.

2 AbaseKhorinte 3:6

ngoba nguye futhi osinike amandla okuba yizikhonzi zesivumelwano esitsha, okungesiso sokulotshiweyo kodwa esikaMoya; ngoba okulotshiweyo kuyabulala, kodwa uMoya uyaphilisa.

2 AbaseKhorinte 3:8

Phoke, umlayo kaMoya kawuyikuba lenkazimulo enkulu kulayo na?

AbaseGalathiya 3:10

Kodwa bonke abathemba imisebenzi yomlayo baqalekisiwe; ngoba kulotshiwe ukuthi: Baqalekisiwe bonke abangemi njalo kukho konke okulotshiweyo encwadini yomlayo ukuba bakwenze.

AbaseGalathiya 3:21

Phoke, umlayo uphambene lezithembiso zikaNkulunkulu na? Phinde! Ngoba uba wawunikiwe umlayo olamandla okuphilisa, ukulunga ngabe kukhona ngomlayo isibili.

UDutheronomi 4:13

Yamemezelela kini isivumelwano sayo, eyalilaya ukuba lisigcine, imithetho elitshumi eyayiloba ematsheni amabili.

UDutheronomi 4:8

Futhi yisiphi isizwe esikhulu esilezimiso lezahlulelo ezilungileyo ezinjengawo wonke lumlayo engiwubeka phambi kwenu lamhla na?

UDutheronomi 5:22

Amazwi la iNkosi yawakhuluma ngelizwi elikhulu emhlanganweni wenu entabeni iphakathi komlilo leyezi lomnyama omkhulu; kayengezelelanga lutho kuwo. Yawaloba ematsheni amabili, yanginika wona.

UDutheronomi 9:15

Ngasengiphenduka ngisehla entabeni, intaba yayivutha umlilo; ngangiphethe amatshe amabili esivumelwano.

AmaHebheru 12:18

Kalizanga kukho okungazwiwa ngokuthintwa, emlilweni ovuthayo, lasemnyameni, lasekufiphaleni, lasesivunguvungwini,

AmaHebheru 3:3

UJesu kwathiwa ufanele udumo olukhulu kuloMose, njengoba umakhi wendlu ulodumo olukhulu kulendlu.

AmaHebheru 9:4

elealtare legolide lokutshisela impepha, lomtshokotsho wesivumelwano obhadwe ngegolide inxa zonke, okwakukhona kuwo inqayi yegolide elemana phakathi, lenduku kaAroni eyahlumayo, lamatshe esivumelwano;