2 AbaseKhorinte 3:18 - iBhayibhili Elingcwele 1978

¹⁸ Thina sonke esilobuso obambuliweyo, sibona inkazimulo yeNkosi ngokungathi kusesibukweni. Siyaphendulwa sifane layo; siyakhula enkazimulweni, ngoba le ivela eNkosini enguye uMoya.

IBhayibhili Elingcwele LesiNdebele

¹⁸ Njalo thina, sonke esibonakalisa inkazimulo yeNkosi ngobuso obungembeswanga, siguqulelwa ekufananeni layo ngenkazimulo ekhula kokuphela, evela eNkosini, enguMoya.

2 AbaseKhorinte 3:18 ပူးပေါင်းရင်းမြစ်များ

AmaHubo 84:7

Bayakhula emandleni, baze babonakale phambi kukaNkulunkulu eZiyone.

UJohane 1:14

ULizwi waba yinyama, wahlala phakathi kwethu, sabona inkazimulo yakhe injengeyozelwe yedwa kaYise, egcwele umusa leqiniso.

UJohane 12:41

UIsaya watsho lokhu ngoba wabona inkazimulo yakhe, wakhuluma ngaye.

UJohane 17:22

Inkazimulo onginike yona ngibanikile bona, ukuze babe munye njengathi simunye.

UJohane 17:24

Baba, ngithanda ukuba labo onginike bona labo babe kanye lami lapho ngikhona, ukuze babone inkazimulo yami onginike yona; ngoba wangithanda kungakadatshulwa umhlaba.

AbaseRoma 12:2

Lingalingisi lumhlaba, kodwa liphendulwe ngokwenziwa zibentsha ingqondo zenu, ukuze libonisise okuyintando kaNkulunkulu, lokulungileyo, lokwamukelekayo, lokupheleleyo.

AbaseRoma 13:14

Kodwa yambathani iNkosi uJesu Kristu; lingananzeleli ngokusuthisa inkanuko zomzimba.

AbaseRoma 8:29

Ngoba labo uNkulunkulu abazi ngaphambili, wabamisa ngaphambili ukuba bafane lesimo seNdodana yakhe, ukuze yona ibe lizibulo phakathi kwabazalwane abanengi;

AbaseRoma 8:4

ukuze lokho okwamiswa ngomlayo kugcwaliseke kithi, esingahambi ngokwabantu kodwa esihamba ngokukaMoya.

AbaseRoma 8:7

Ngoba ukunakana ngezinto zokwabantu kuyibutha kuNkulunkulu; kakuzehliseli ngaphansi komlayo kaNkulunkulu; impela kungekwenze;

1 AbaseKhorinte 13:12

Khathesi sibona esibukweni kaluvivi; kodwake lapho ubuso buzakubonana lobuso. Khathesi ngazi ingxenye; kodwa lapho ngizakwazi ngokupheleleyo, njengokuba kade ngisaziwa ngokupheleleyo nguNkulunkulu.

1 AbaseKhorinte 15:49

Futhi njengoba silesimo somuntu ongowomhlabathi, sizakuba lesimo somuntu wasezulwini.

2 AbaseKhorinte 3:17

LeyoNkosi inguMoya; lalapho akhona uMoya weNkosi, kukhona inkululeko.

2 AbaseKhorinte 4:4

Unkulunkulu walesisikhathi uphumputhekisile ingqondo yabangakholwayo, ukuze bangakuboni ukukhanya kwevangeli lenkazimulo kaKristu ongumfanekiso kaNkulunkulu.

2 AbaseKhorinte 4:6

Ngoba uNkulunkulu owathi: Kakuvele ukukhanya emnyameni, kukhanye; wenzile ukuba lokhukukhanya kukhanye phakathi kwethu, kusinike ukukhanya kokwambulwa, ukwambulwa kwenkazimulo kaNkulunkulu kuJesu Kristu.

2 AbaseKhorinte 5:17

Uba umuntu ekuKristu, usedalwa kutsha; okudala sekudlule; khangela, sekuvele okutsha.

AbaseGalathiya 6:15

Ngoba ukusoka lokungasoki kakusilutho, kodwa okukhulu yikudalwa kutsha kuphela.

AbaseKholose 3:10

selambethe omutsha owenziwa kutsha ekwazini ukuze afuze lowo owamenzayo.

1 uTimothi 1:11

ngokwevangeli elilenkazimulo kaNkulunkulu obongekayo, engaphathiswa lona.

UThithu 3:5

wasisilisa, kungesikho ngezenzo zokulunga esazenzayo thina kodwa ngokwesihawu sakhe, ngokugeziswa kokuzalwa kutsha lokuvuselelwa ngoMoya oNgcwele.

UJakhobe 1:23

Ngoba uba umuntu engolizwayo ilizwi engesuye olenzayo, ufana lomuntu obuka ubuso bakhe esibukweni;

1 UJohane 3:2

Bathandekayo, khathesi singabantwana bakaNkulunkulu; kakukabonakali esizakuba yikho, kodwa siyazi ukuthi, nxa esefikile, sizakuba njengaye, ngoba sizakumbona njengoba enjalo.