2 AbaseKhorinte 2:14 - iBhayibhili Elingcwele 1978

¹⁴ Kabongwe uNkulunkulu osiholayo njalo odwendweni lokunqoba ngoKristu, ebonakalisa ngathi iphunga elihle lokwazi kwakhe endaweni zonke.

IBhayibhili Elingcwele LesiNdebele

¹⁴ Kodwa-ke, kabongwe uNkulunkulu, yena osikhokhelela kokuphela njengabathunjiweyo ekunqobeni kukaKhristu njalo esenza sithele iphunga elimnandi lokumazi ezindaweni zonke.

2 AbaseKhorinte 2:14 ပူးပေါင်းရင်းမြစ်များ

AmaHubo 106:47

Sikhulule, Nkosi Nkulunkulu wethu, usibuthe ezizweni, ukuba sidumise ibizo lakho elingcwele, sithabe ekukudumiseni.

AmaHubo 148:14

Iphakamisile abantu bayo; ngalokhu abangcwele bayo bayayidumisa, abantu bakoIsrayeli abaseduze layo. Dumisani iNkosi!

Ingoma 1:3

Iphunga lamagcobo akho limnandi, lebizo lakho lihle njengamagcobo amnandi; ngakhoke izintombi ziyakuthanda.

UHezekhiyeli 20:41

Ngizalamukela njengephunga elimnandi nxa ngilikhupha ezizweni, ngiliqoqa emazweni lapho belichithachithelwe khona; ngizabonakalisa ubungcwele bami phakathi kwenu phambi kwezizwe.

UJohane 16:33

Ngikhulume lokhu kini ukuba libe lokuthula kimi. Emhlabeni lizakuba losizi, kodwa manini isibindi, mina ngiwunqobile umhlaba.

AbaseRoma 1:8

Kuqalake ngibonga uNkulunkulu wami ngoJesu Kristu ngani lonke, ngoba ukukholwa kwenu kunconywa emhlabeni wonke.

AbaseRoma 15:19

langamandla ezibonakaliso lezimangaliso, langamandla kaMoya oNgcwele. Ngalokho ngitshumayele ivangeli likaKristu ngokupheleleyo kusukela eJerusalema kwaze kwafika eIliriku.

AbaseRoma 6:17

Kodwa kabongwe uNkulunkulu ngokuthi lina elake laba yizigqili zesono, selilalela ngenhliziyo indlela yesifundiso elanikelwa kuyo,

AbaseRoma 8:37

Kodwa kulokhu konke silokunqoba okukhulu ngaye owasithandayo.

1 AbaseKhorinte 12:8

Omunye uphiwa ngoMoya ukukhuluma ngokuhlakanipha, omunye aphiwe ilizwi lokwazi ngaye lowoMoya,

1 AbaseKhorinte 15:37

Futhi lokho okuhlanyelayo kawuhlanyeli umzimba ozakuba khona, kodwa uhlanyela uhlamvu oluze, loba olwebele, ingabe olokunye nje.

1 AbaseKhorinte 15:57

Kodwa kabongwe uNkulunkulu osinika ukunqoba ngeNkosi yethu uJesu Kristu.

2 AbaseKhorinte 1:11

Lani limele ukusizana lathi ngokusikhulekela, ukuze umusa esiwuphiweyo nguNkulunkulu ngenxa yokukhuleka kwabanengi siwubongelwe ngabanengi.

2 AbaseKhorinte 8:16

Kabongwe uNkulunkulu ofaka enhliziyweni kaTitosi inkuthalo ngani.

2 AbaseKhorinte 9:15

Kabongwe uNkulunkulu ngenxa yesipho sakhe esingakhulumekiyo.

Abase-Efesu 5:2

lihambe ngothando, njengalokhu uKristu wasithanda, wazinikela ngenxa yethu, abe ngumnikelo lomhlatshelo olephunga elimnandi kuNkulunkulu.

Abase-Efesu 5:20

limbonge njalo uNkulunkulu ngakho konke ebizweni leNkosi yethu uJesu Kristu.

AbaseFiliphi 4:18

Kodwa ngilakho konke ngokupheleleyo; nganelisiwe nginikwe nguEpafrodithu iziphiwo elazithumelayo, eziliphunga elihle, umnikelo omuhle lowamukelekayo kuNkulunkulu.

AbaseKholose 1:23

uba lihlala ekukholweni, lisekelwe liqinile, lingasuki ethembeni levangeli elalizwayo. Lona latshunyayelwa kukho konke okudaliweyo okungaphansi kwezulu, engenziwe isikhonzi salo mina Pawuli.

AbaseKholose 1:6

eselifikile kini, njengalokhu selikhona emhlabeni wonke. Lelivangeli liyanda lithela izithelo, njengoba kunjalo laphakathi kwenu, kusukela mhla wosuku elezwa ngalo, lawazi umusa kaNkulunkulu ngeqiniso.

AbaseKholose 2:15

wabamuka izikhali ababusi labalamandla, wabaveza obala ebayangisa, wabanqoba ngesiphambano.

1 AbaseThesalonika 1:8

Ngoba udumo lwelizwi leNkosi lwaphuma kini, lwafika, kangitsho eMakedoniya laseAkaya kuphela, kodwa lasezindaweni zonke lapho ukukholwa kwenu kuNkulunkulu kwafinyelela khona. Ngakho kakusadingeki ukuba sikhulume ulutho.

1 AbaseThesalonika 3:9

Singambonga kanjani uNkulunkulu ngokuthokoza konke esithokoza ngakho phambi kukaNkulunkulu wethu ngenxa yenu na?

1 uTimothi 2:8

Ngakho ngithanda ukuba amadoda akhuleke endaweni zonke, ephakamisa izandla ezingcwele, engalalaka lokuxabana.

2 uTimothi 2:2

Lokho okuzwileyo kimi phambi kwabofakazi abanengi kunikele amadoda athembekileyo azakuba lamandla okukufundisa labanye.

Isambulo 7:12

zisithi: Ameni. Ukudunyiswa, lobukhosi, lokuhlakanipha, lokubonga, lodumo, lamandla, lokunqoba, kakube kuNkulunkulu wethu kuze kube nininini. Ameni.