2 AbaseKhorinte 13:7 - iBhayibhili Elingcwele 1978

⁷ Sikhuleka kuNkulunkulu ukuba lingenzi lutho olubi, kangitsho ukuthi ukuze sibonakale thina singabafaneleyo, kodwa ukuba lina lenze okulungileyo, loba thina kungathi sinjengabangafanelanga.

IBhayibhili Elingcwele LesiNdebele

⁷ Siyakhuleka kuNkulunkulu ukuba lingenzi lutho olubi. Kungayisikho ukuba abantu babone ukuthi sifanele kodwa ukuba lina lenze okulungileyo lanxa singakhanya singabehlulekileyo.

2 AbaseKhorinte 13:7 ပူးပေါင်းရင်းမြစ်များ

1 ImiLando 4:10

UJabezi wakhuleka kuNkulunkulu kaIsrayeli esithi: Kungathi ungangibusisa, ungiphe amazwe amakhulu; isandla sakho kasibe lami, ungivikele ebubini, ngingehlelwa yibuhlungu! UNkulunkulu wamnika lokho akucelayo.

UMatewu 6:13

Ungasingenisi ekulingweni, kodwa usikhulule ebubini. [Ngoba umbuso ungowakho, lamandla, lobukhosi, kuze kube nini lanini. Ameni.]

UJohane 17:15

Kangiceli ukuba ubasuse emhlabeni, kodwa ukuba ubalondoloze komubi.

AbaseRoma 1:28

Kuthi njengalokhu bengakunanzanga ukumazi uNkulunkulu, uNkulunkulu wabayekela baba lenhliziyo ebolileyo ukuba benze okungafanelanga,

AbaseRoma 12:17

Lingaphindiseli muntu okubi ngokubi; linakane okudumisekayo phambi kwabantu bonke.

AbaseRoma 13:13

Asihambe ngokufaneleyo njengasemini, singahambi ngokuminza langokudakwa, langokufeba, langokungabi lanhloni, langokuxabana, langomona.

AbaseRoma 16:10

Bingelelani uApele, othembekileyo kuKristu. Bingelelani labo abendlu kaAristobulu.

1 AbaseKhorinte 11:19

Ngoba kufanele ukuba kube khona ukwahlukana phakathi kwenu ukuze labo abaqinisileyo babonakale.

2 AbaseKhorinte 10:10

Ngoba kuthiwa: Incwadi zakhe zinzima, zibukhali; kodwa nxa ekhona ngomzimba, ubuthakathaka, lokukhuluma kwakhe kudelelekile.

2 AbaseKhorinte 10:18

Ngoba kasuye ozincomayo ovunywayo, kodwa yilowo onconywa yiNkosi.

2 AbaseKhorinte 13:6

Ngithemba ukuthi lizakwazi ukuthi thina kasisibo abangafanelanga.

2 AbaseKhorinte 13:8

Ngoba kasilamandla okwenza ulutho olumelana leqiniso, kodwa silamandla uba simela iqiniso.

2 AbaseKhorinte 13:9

Siyajabula nxa sibuthakathaka thina, linake lilamandla. Esikukhulekelayo yikupheleliswa kwenu.

2 AbaseKhorinte 6:4

Kodwa kukho konke sizibonakalisa siyizikhonzi zikaNkulunkulu ngokubekezela okukhulu, ezinhluphekweni, lasebunzimeni, lasekubandezekeni,

2 AbaseKhorinte 8:21

ngoba sinanzelela okuhle, kungasemehlweni eNkosi kuphela, kodwa lasemehlweni abantu.

AbaseFiliphi 4:8

Elokucinake, bazalwane, konke okuliqiniso, konke okuhloniphekayo, konke okulungileyo, konke okuhlambulukileyo, konke okuhle, konke okulodumo oluhle, uba kukhona okudumisekayo, nakanani ngakho lokhu.

1 AbaseThesalonika 5:23

UNkulunkulu wokuthula uqobo, kalenze libe ngcwele ngokupheleleyo, kulondolozwe umoya wenu wonke lomphefumulo lomzimba, ukuze lingasoleki ekufikeni kweNkosi yethu uJesu Kristu.

1 uTimothi 2:2

amakhosi lazo zonke izikhulu, ukuze sihlale kuhle langokuthula, sikhonze uNkulunkulu sibe lokuhlonipha konke.

2 uTimothi 2:15

Khuthalela ukuba uziveze kuNkulunkulu uthembekile, uyisisebenzi esingelanhloni esiphatha kuhle ilizwi leqiniso.

2 uTimothi 4:18

INkosi izakungikhupha kukho konke okubi, ingisilisele umbuso wayo wezulu. Kakube kuyo ubukhosi kuze kube nininini. Ameni.

UJakhobe 1:12

Ubusisiwe umuntu obekezelayo ekulingweni; ngoba lapho esehloliwe uzakwamukeliswa umqhele wokuphila othenjiswe nguNkulunkulu kwabamthandayo.

1 UPhethro 2:12

lihambe ngokuhle phakathi kwabezizwe, ukuze kuthi lapho belihleba ngokuthi lingabenzi bokubi, bathi ngokubona izenzo zenu ezinhle badumise uNkulunkulu osukwini lokuhanjelwa.