2 AbaseKhorinte 13:1 - iBhayibhili Elingcwele 1978

¹ Lokhu kungokwesithathu ukuza kwami kini; izindaba zonke zifanele ukuqiniswa ngemilomo yabofakazi ababili ingabe abathathu.

IBhayibhili Elingcwele LesiNdebele

¹ Ukuza kwami kini lokhu kuzakuba ngokwesithathu. “Izindaba zonke kumele ziqiniswe yibufakazi babantu ababili loba abathathu.”

2 AbaseKhorinte 13:1 ပူးပေါင်းရင်းမြစ်များ

1 AmaKhosi 1:14

Kuzakuthi lapho usakhuluma lenkosi uDavida, ngingene lami ngikulandela, ngelekelele amazwi akho.

1 AmaKhosi 21:10

beselihlalisa abantu ababili ababi maqondana laye ukuba bammangalele bathi: Wena uthuke uNkulunkulu kanye lenkosi. Beselimkhuphela phandle, limkhande ngamatshe aze afe.

1 AmaKhosi 21:13

Basebengena abantu ababili ababi, bahlala maqondana laye, bammangalela phambi kwabantu bathi: UNabothi uthuke uNkulunkulu kanye lenkosi. Basebemkhuphela ngaphandle komuzi, bamkhanda ngamatshe waze wafa.

AmaNani 35:30

Uba umuntu ebulala omunye, umbulali uzabulawa nxa kulabofakazi; kodwa umuntu kayikubulawa ngobufakazi bomuntu munye nje.

UMatewu 18:16

Kodwa uba engakuzwa, thatha abe munye ingabe babe babili bahambe lawe ukuba wonke amazwi aqiniswe ngemilomo yabofakazi ababili ingabe abathathu.

2 AbaseKhorinte 12:14

Sengilungele ukuza kini ngokwesithathu; kangizukuba ngumthwalo kini, ngoba kangifuni okwenu, ngifuna lina. Ngoba abantwana kabafanele ukudlinzekela abazali, kodwa abazali bafanele ukudlinzekela abantwana.

UDutheronomi 17:6

Umuntu ofanele ukufa angabulawa kuphela ngamazwi ofakazi ababili loba abathathu; kodwa umuntu kayikubulawa ngamazwi ofakazi oyedwa nje.

UDutheronomi 19:15

Ufakazi oyedwa nje angafakazi ngomuntu olecala loba olesono asenzileyo; kodwa indaba ingaqiniswa ngamazwi abofakazi ababili, loba abathathu.