2 AbaseKhorinte 12:7 - iBhayibhili Elingcwele 1978

⁷ Futhi ukuze ngingaziphakamisi kakhulu ngobukhulu bezambulo, nganikwa ameva enyameni, isithunywa sikaSathane, ukungidutshuza, ukuze ngingaziphakamisi kakhulu.

IBhayibhili Elingcwele LesiNdebele

⁷ Ukuze ngenqabele ukuzikhukhumeza ngenxa yalezizambulo ezinkulu kakhulukazi, ngahlatshwa ngameva emzimbeni wami, ayisithunywa sikaSathane, ukuba angihluphe.

2 AbaseKhorinte 12:7 ပူးပေါင်းရင်းမြစ်များ

AmaNani 33:55

Uba lingaxotshi abakhileyo elizweni phambi kwenu, labo elibavumela ukusala bazakuba njengendonsi emehlweni enu lanjengameva ezihlangothini zenu, balihluphe elizweni elihlala kilo.

Abahluleli 2:3

Khathesike ngithi kangiyikubaxotsha phambi kwenu, kodwa bazakuba yizitha zenu, labonkulunkulu babo babe ngumjibila kini.

AbaseGalathiya 4:13

Liyazi ukuthi kwakungenxa yokugula ukuba ngitshumayele ivangeli kini okokuqala,

UDanyeli 5:20

Kodwa lapho inhliziyo yakhe isizikhukhumeza, lomoya wakhe ususiba lukhuni waze wazigqaja, wakhutshwa esihlalweni sakhe sobukhosi, kwasuswa lodumo lwakhe.

1 AbaseKhorinte 5:5

onjalo kanikelwe kuSathane kukho ukubhubha kwenyama yakhe, ukuze umoya wakhe usiliswe osukwini lweNkosi.

UGenesisi 32:31

Ilanga laphuma esedlula iPeniyeli; wayeqhuliswa linyonga lakhe.

UJobe 2:7

USathane wasephuma phambi kweNkosi, wamehlisela uJobe izilonda ezibhibhidlayo, kusukela enyaweni kwaze kwafika ekhanda.

1 uTimothi 3:6

Kangabi ngosand’ukukholwa, funa ngokukhukhunyezwa awele ekulahlweni kukaSathane.

2 ImiLando 26:16

Kodwa lapho eseqinile wazikhukhumeza, kwamlethela ukuchitheka. Ngoba wona eNkosini uNkulunkulu wakhe ngokungena ethempelini leNkosi ukuba atshise impepha phezu kwealtare lempepha.

UDutheronomi 8:14

qaphelani ukuba inhliziyo zenu zingazikhukhumezi, beselikhohlwa iNkosi uNkulunkulu wenu eyalikhupha elizweni laseGibithe, endaweni yobugqili,

UGenesisi 32:25

Kodwa esebonile ukuthi kamahluli uJakobe, watshaya inyonga lakhe, inyonga likaJakobe lenyela esabindana laye.

2 AbaseKhorinte 11:20

Liyabekezela, uba umuntu elenza izigqili, uba elidla, uba elibamba, uba ezikhukhumeza, loba elimakala.

1 AbaseKhorinte 4:11

Kuze kube lamuhla siyalamba, some, sihambeze, sitshaywe, siyimihambima,

UHezekhiyeli 28:24

KoIsrayeli kakusayikuba khona ukhula oluhlabayo lameva alimazayo phakathi kwabo bonke omakhelwana babo ababenze inhlekisa. Ng’khona bazakwazi ukuba ngiyiNkosi uNkulunkulu.

2 ImiLando 32:31

Lasendabeni yezithunywa zezikhulu zaseBabiloni ezazithunywe kuye ukuzabuza ngesibonakaliso esasenziwe elizweni, uNkulunkulu wamyekela ukuba azenzele ngokuthanda kwakhe ukuba amhlole, abone konke okusenhliziyweni yakhe.

UDutheronomi 17:20

ukuze inhliziyo yakhe ingazikhukhumezi phezu kwabakibo, angaphambuki emithethweni aye ngakwesokunene loba ngakwesokhohlo, aphile isikhathi eside embusweni wakhe wakoIsrayeli, yena labantwana bakhe.

2 AbaseKhorinte 10:5

Sichitha inkani, lakho konke okuziphakamisela ukumelana lokumazi uNkulunkulu, lemicabango yonke siyithumbela ukumlalela uKristu;

ULukha 13:16

Kakufanele yini ukuba lowesifazana oyindodakazi kaAbrahama, obebotshiwe nguSathane iminyaka elitshumi leficaminwembili, akhululwe kulesisibopho ngosuku lweSabatha na?

UMatewu 26:67

Basebemkhafulela ngamathe ebusweni, bamdutshuza, labanye bammakala,

UJobe 2:6

INkosi yathi kuSathane: Khangela, usemandleni akho; utshiye ukuphila kwakhe kuphela.

UHosiya 2:6

Ngalokhoke ngizavala indlela yakhe ngameva, ngimakhele umduli ukuba angazifumani indlela zakhe ezindala.

UMatewu 4:10

UJesu wasesithi kuye: Suka, Sathane! ngoba kulotshiwe ukuthi: Wokhuleka eNkosini uNkulunkulu wakho, umkhonze yena yedwa.

2 AbaseKhorinte 10:10

Ngoba kuthiwa: Incwadi zakhe zinzima, zibukhali; kodwa nxa ekhona ngomzimba, ubuthakathaka, lokukhuluma kwakhe kudelelekile.

2 AbaseKhorinte 12:1

Kumele ukuba ngizincome lanxa kungasizi lutho; sengizakulandisa ngemibono langezambulo zeNkosi.