2 AbaseKhorinte 12:2 - iBhayibhili Elingcwele 1978

² Ngiyamazi umuntu ekuKristu, sekudlule iminyaka elitshumi lane, owahluthulwa wasiwa kwelesithathu izulu; loba wayesemzimbeni, loba wayengaphandle komzimba, kangazi, nguNkulunkulu owaziyo.

IBhayibhili Elingcwele LesiNdebele

² Mina ngazi umuntu okuKhristu okwathi ngeminyaka elitshumi lane eyedlulayo wathathwa wasiwa ezulwini lesithathu. Langabe kwakuphakathi komzimba loba ngaphandle komzimba kangikwazi, kwazi uNkulunkulu.

2 AbaseKhorinte 12:2 ပူးပေါင်းရင်းမြစ်များ

1 AmaKhosi 18:12

Kuzakuthi ngisand’ ukusuka kuwe, umoya kaNkulunkulu ukuthwale ukuse lapho ngingazi khona, kuthi lapho sengimtshelile uAhabi engasakufumani, angibulale lanxa mina engiyinceku yakho ngiyikhonza iNkosi uNkulunkulu kusukela ebutsheni bami.

1 AmaKhosi 8:27

Kambe uNkulunkulu uzahlala yini emhlabeni? Khangela, iphezulu, lezulu eliphezulu kakhulu kakukulingananga; pho, lindlu engiyakhileyo ingayini kuwe na?

2 AmaKhosi 2:16

Bathi kuye: Inceku zakho zilamadoda aqinileyo angamatshumi amahlanu; akuwavumele ahambe ayedinga inkosi yakho; mhlawumbe umoya weNkosi uNkulunkulu umthethe wamphosela entabeni ethile, loba esihotsheni esithile. Yena wathi: Atshi bo, lingabathumi.

AmaHubo 148:4

Idumiseni lina mazulu aphezulu, lani manzi aphezu kwamazulu.

U-Isaya 57:15

Ngoba ophakemeyo lophezulu, ohlala kuze kube nininini, obizo lakhe lingoNgcwele, uthi: Ngihlala endaweni ephakemeyo lengcwele, lakuye olomoya odabukileyo lozithobayo, ukuba ngivuselele umoya wabazithobayo, lenhliziyo edabukileyo.

UHezekhiyeli 11:24

Umoya wangiphakamisa, wangisa kwabathunjiweyo eKaladiya. Konke lokhu kwafika ngombono owawuthunywe ngumoya kaNkulunkulu; kwathi umbono engangiwubonile wasusuka kimi.

UHezekhiyeli 43:5

umoya wangiphakamisa, wangiletha egumeni elingaphakathi; lenkazimulo yeNkosi yayigcwele ithempeli.

ULukha 24:51

Kwathi esababusisa, wehlukana labo, wenyuselwa ezulwini.

UJohane 6:56

Odla inyama yami, anathe igazi lami, uhlala kimi, lami ngihlala kuye.

Imisebenzi 14:6

sebekwazi lokhu, babalekela eListra leDerbe, imizi yaseLikawoniya, lasemazweni akhona,

Imisebenzi 22:17

Kwathi sengibuyele eJerusalema ngikhuleka ethempelini, ngafikelwa yisiyezi,

AbaseRoma 16:10

Bingelelani uApele, othembekileyo kuKristu. Bingelelani labo abendlu kaAristobulu.

AbaseRoma 16:3

Bingelelani uPriska loAkwila, izisebenzi kanye lami kuKristu Jesu,

AbaseRoma 16:7

Bingelelani uAnderoniku loJuniya abayizihlobo zami lezibotshwa kanye lami; bangabadumileyo phakathi kwabaphostoli, babekuKristu ngaphambi kwami.

AbaseRoma 16:9

Bingelelani uOrbanu isisebenzi kanye lathi kuKristu, loSitako umngane wami.

AbaseRoma 8:1

Ngakhoke kakusekho ukulahlwa kibo abakuKristu Jesu.

1 AbaseKhorinte 1:30

NgoNkulunkulu lina likuKristu Jesu, ngoba uNkulunkulu wamenzela thina ukuhlakanipha lokulunga lokwahlukaniselwa lokukhululwa.

2 AbaseKhorinte 11:11

Kungani na? Kungoba ngingalithandi na? UNkulunkulu uyazi ukuthi ngiyalithanda.

2 AbaseKhorinte 13:5

Zihloleni lina, libone ukuba lisekukholweni yini; zihlolenike. Kanti kalazi hini ukuthi uJesu Kristu ukini na? Uba kungenjalo lingabangafanelanga.

2 AbaseKhorinte 5:17

Uba umuntu ekuKristu, usedalwa kutsha; okudala sekudlule; khangela, sekuvele okutsha.

2 AbaseKhorinte 5:21

Ongasazanga isono uNkulunkulu wamenza isono ngenxa yethu, ukuze kuye senziwe sibe yikulunga kukaNkulunkulu.

AbaseGalathiya 1:22

Ngangingakaziwa ngamehlo emabandleni kaKristu aseJudiya;

AbaseGalathiya 5:6

Ngoba kuKristu kakusizi lutho ukusoka lokungasoki, kodwa kuphela ukukholwa okusebenza ngothando.

Abase-Efesu 4:10

Yena owehlayo nguye owenyukela futhi ngaphezulu kwamazulu wonke, ukuze agcwalise izinto zonke.

UDutheronomi 10:14

Iphezulu, lezulu eliphezulu kakhulu ngeleNkosi uNkulunkulu wakho, lomhlaba lakho konke okukuwo.

1 AbaseThesalonika 4:17

thinake esisekhona sisasele sizakuhluthunelwa kanye labo emayezini, sihlangabeza iNkosi emoyeni; sihlale layo kokuphela.

AmaHebheru 4:14

Ngakhoke lokhu silompristi omkhulu kakhulu odlule emazulwini, uJesu iNdodana kaNkulunkulu, asibambelele kuso isivumo sethu.

AmaHebheru 9:24

Ngoba uKristu kangenanga endaweni engcwele eyenziwe ngezandla, engumfanekiso waleyo eqotho, kodwa wangena ezulwini uqobo ukuba khathesi abonakale phambi kukaNkulunkulu ngenxa yethu;

Isambulo 1:10

Ngehlelwa nguMoya ngosuku lweNkosi, ngezwa ngemva kwami ilizwi elikhulu kungathi ngelophondo lisithi:

Isambulo 12:5

Wabeletha umntwana wesilisa ozakubusa izizwe zonke ngentonga yensimbi; kodwa umntwana wakhe wahluthulelwa kuNkulunkulu lasesihlalweni sakhe sobukhosi;

Isambulo 4:2

Masinyane ngehlelwa nguMoya; ngabona isihlalo sobukhosi simi ezulwini, ngabona ohlezi phezu kwesihlalo sobukhosi.